NEHEMIA 2:10 - PATHIEN LEKHABU THIENGTHO (BSI)

¹⁰ Chun, Horon mi Sanballat leh Amon mi Tobia chun a na het phet un, Israel chate phatna ding ngaihtuoh in mi a hung ui ti’n a na lung-awilo mah mah tau a.

NEHEMIA 2:10 ပူးပေါင်းရင်းမြစ်များ

NEHEMIA 4:7

Amahvang chuh hiti hi ahi a, Sanballat leh Tobia te, Arab mi Gesem, Ammon mite leh Ashdod mite chun Jerusalem kulh siemphat kit ahi tih leh a sietna haw chuh ka siempha kit ui tih a het phet un a lungna mah mah u a.

NEHEMIA 2:19

Himahleh, Horon mi Sanballat leh Amon mi Tobia leh Arab mi Gesem in a na zak phet un, musit tak in ei nuihsan u a, “Na thilhih u hi bang ti dân a? Leng chunga kiphin guo na hiu maw?” ei tiu a.

THUCHINGTE 27:4

Lungnat hi a nunsie a, thangtawm hi sietna ahi a, himahlele itthikna tawh tehkal kham ahi puoi.

NEHEMIA 13:4

Chun, zie masang hin Eliashib chuh Pathien In a neklechâk lama lawiupa’n a kawih u a, amah chuh Tobia tawh kikhutzawp ahiu a.

NEHEMIA 6:1

Chun, hiti hi ahi a, Sanballat leh Tobia leh Arab mi Gesem leh ka melma dang te chun kulhbang ka siem u a, a sietna himhim a um ta puoi tih a het phet u chun (amah vang chuh zie hun lai chun kawtkhakhaw chuh ka siem nai puou hi)

NASEPTE 5:24

Tichun, Thiempu Liente leh, Pathien Ho-In lawiupate chun zie thu haw chuh a zak un, sawlchakte chunga thil tung chuh mak a sa mah mah tau a.

NASEPTE 4:2

Sawlchakte nih chun, Isu mithi lak apat a thawhkit ziekin, mithite le thokit ding ahiu ui, tih thu a gen ziek u chun, a lungkim puoh mah mah tau a.

JEREMIA 48:34

“Heshbon leh Elealeh kiko u a, Jahaz tieng gei in a kiko u a, Joar apat Horenaim leh Eglath Selisjah tiengin a kiko u a, Nimrim tui nasan chule hung kang ding ahi.

JEREMIA 48:5

Luhith zawt toh na mun achun kap kawm in a chieh to ui. Heronaim zawt sukna achun manthaina Aw gi chuh a kizai.

ISAI 15:5

Moab te ziekin ka lungthim chuh a kiko a, a mi phateu chuh Zoar khuo leh Eglath Selisjah ah a tai u a. Khenkhat chuh Luhith lamto achun kap kawmin a chieh u a. Khenkhat chuh, Hoironaim lampi achun lungkham a kiko in a tai lut tau a.

THUGENPA 10:7

Suokte chuh sakawl chungah a chuu a, lengte chuh la suok guolin keng in a chieh thawh ngâl u a.

THUCHINGTE 30:22

Suok, leng a hung pang, mingawl nek ding buting taka nei;

SAM LEHKHABU THE PSALMS 112:10

Minunsie chun zie chuh mu’n tin, a lungna’n a; A ha gawi intin, tuimang in a: Minunsie te duhthusam chuh bangmah lo ahi sek hi.

NEHEMIA 13:1

Chun, zie ni chun mipite zak in Mosi lehkhabu chuh ngeih takin a sim u a, zie chun Amon te leh Moab te chuh Pathien mite kikhawpna achun bangtik lai inle a tel loh dinguh ahi, tih a kizik a.

NEHEMIA 6:16

Chun, hiti hi ahung hi a, ka melmateu chun zie thu chuh a na zau a, ka kimvel u a nam dang te chun zie chuh a muh phet un; zie nasep hi Pathien panpihna a zawh ahi tih a het ziekun, a lungkie mah mah mai u a.

NEHEMIA 13:28

Chun, thiempu lien, Eliashib chapa, Joiada chapa khat chuh Horon mi Sanballat mâkpa ahi a; zieziekchun, ka kawma pat in ka delhmang a.

ESTHER 10:3

Juda mi Mordekai chuh leng Ahasuer bân taka chuh ahi a. A unaute chun a zah u a, a mite leh a suonte phatna dingin na a sema, a chipihte kawmah lungmuonna thu a gena, Judate lak ah a lopi mah mah hi.

JEREMIA 41:10

Tichun, Ishmael chun khuo a mihing dama umsun, leng chanute, Ahikam chapa Gedalia khuta sepaih hotu Nebuzaradan in a kawlsak Mizpah khuo a um nalaite tawh sal in a pui vek ta a; Nethania chapa Ishmael in ziete chuh sala pui in, Amon gam lam zuon in a kipan dawk tai.