NEHEMIA 13:9 - PATHIEN LEKHABU THIENGTHO (BSI)

⁹ Tichun, pindan sung suthieng ding chun thu ka pie a, tichun, Pathien Ho-In a ûmlebel leh an thillat te leh gimlimte chuh a bawnin ka la lut kit vek ta a.

NEHEMIA 13:9 ပူးပေါင်းရင်းမြစ်များ

2 KHANGTHUBU 29:5

a kawm u ah, “Nang haw Levi chite hi kikawih chuom unla, Lalpa, na pileputeu Pathien Ho-In hi suthiengtho un. Ho-In apat chun a subuok thei thil chengcheng chu la dawk vek un.

NEHEMIA 12:45

David leh a chapa Solomon thupiek bangin lasate leh kawtkhak vengte chun le Pathien nasep dân ding leh a kisukthienthona dân u chuh a zui u a.

NEHEMIA 10:37

Chun, ka changbuong mêk masak pên u leh pei thillat te, thing chitin gah leh, uain leh sathau haw chuh ka Pathien u in a pindan a thiempute masanga ka hun chawih dinguh ahi. Chun, ka lo u a buh sawma-khat chuh Levi te masanga ka hun chawihkhawm dinguh ahi, ka nasep na mun u leh khuo haw a sawma-khat lakhawm chuh Levi chite ahi ngâl u a.

EZEKIEL 40:38

Huongcha pawnung zaw achun, mâllam panga kawtkhak lampi sungnung zaw tawh a kituohna dingin a zawp matna a uma. Indan lien huongcha lam dawh achun a kihawng a, zie tak achun hâlmang kithawihna gante chuh a sawp sek uh ahi.