NEHEMIA 13:3 - PATHIEN LEKHABU THIENGTHO (BSI)

³ Chun, hiti hi ahi a, dân thu chuh a ngaihthak zawh phet un Israel mite tawh a na cheng hel nam dang te chuh a khen dawk tau hi.

NEHEMIA 13:3 ပူးပေါင်းရင်းမြစ်များ

NEHEMIA 9:2

Khutichun, Israel chate chuh nam dang mite apat chun a kikawih chuom u a. Amau mun chiet achun a ding u a, a pileputeu leh amau haw gitloh na a phuong u a.

PAWTDAWKNA 12:38

Chun, mipi kichawkhel tamtak inle amau chuh a zui u a; chun, ganhawn tamtak, belam leh bâwng haw tamtak le a sawm u a.

NEHEMIA 10:28

Chun, midang, thiempute, Levi te, kawtkhak vengte, lasate, Nethinim te leh Pathien Dan zuih guo midang te laka kikawih thiengtho haw leh a ziteu leh a chapateu leh a chanuteu, hetna leh hetthiemna nei taphawt te chun,

KISIMNA 11:4

Israel chate zin na achun, gamdang mi a kitawnpih uh a um a, ziete haw chun sa utchakna nasatak in a nei tau a; Israel te nasan chule a hung phunchiek tau a; “Sa nek ding kuo’n ei pie ta die aw!

JAKOB 1:27

I Pathien uh leh, Pa mitmuha sakhuo ho dân thieng leh kisubuoklo chuh ziehi ahi: nauchagah leh meithai a liengvaih lai uh a veh a, amah ngêi zie khawvel sietna lak apat a kisubuok lo a kikiengkawih hi ahi.

ROME 3:20

Khutichun, Dan thilhih ziekin mi kuomah a mitmuh in thiem changin um puo’n au; Dan um ziekin gitloh hetna hung um ahi zaw ngâl a.

THUCHINGTE 6:23

A thupiek teu chuh thaumei ahi a, a thuhilhnau chuh vak ahi ngâl a. A hilhgaihna thununna chuh hinna lampi ahi ngâl a.

SAM LEHKHABU THE PSALMS 119:11

Na chunga thil ka hih khelh lohna dingin, Na thu chuh ka lunggil ah ka khawlkhawm a.

SAM LEHKHABU THE PSALMS 119:9

Khangdawng in bangti’n a umdan a hih thiengtho thei die! Na thu bang zel a umdan venphat in.

EZRA 10:11

Zieziekchun, Lalpa na pileputeu Pathien kawm achun thupha chawi unla, a kipah lam sem un; chun, zie gama nam dang leh a numei teu laka kipat hin kikiengkawih un,” a ti a.

EZRA 9:2

Zie gam mite chuh suon pawlhcheh suong dingin a chanu teu zi’n a nei u a, a chapa teu chuh zi’n a neih sak u a; khutichun, nam thiengtho chuh a subuok zo tau hi. Ahi a milien teu leh vaihawm te chuh zie tawbang thil gilo bawlna achun a makai pên in a pang u a,” ti’n ei hung hilh u a.