NEHEMIA 13:25 - PATHIEN LEKHABU THIENGTHO (BSI)

²⁵ Tichun, amau haw chuh ka vau a, hansie ka lawh a; khenkhat chuh ka zêp a, a sam hawu ka bawhthâk sak a. “Na chanuteu chuh a chapateu na neih sak loh dinguh ahi a, na chapateu chuh a chanuteu tawh na kichên sak loh dinguh ahi,” ti’n Pathien min sal in ka kipautiem saka.

NEHEMIA 13:25 ပူးပေါင်းရင်းမြစ်များ

NEHEMIA 13:17

Khutichun, Juda milien te chuh ka hilhgaih a, a kawm u ah, “Thil phalo bawla, chawlhni na sukbuok u hi bang ti dana?

EZRA 10:5

Khutichun, Ezra chuh a kipana, thiempu liente leh Levi chite leh Israel mipite chuh zie tawbanga hih ding chun a kitiem saka; khutibang chun a kipautiem chiet tau hi.

DAN NIHNA 7:3

Zi leh pasal ale na kineih dinguh ahi puoh a, na chanuteu chuh a chapateu na neihsak dinguh ahi puoh a, a chanuteu chule na chapateu na neihsak dinguh ahi diek puoi.

NEHEMIA 13:11

Tichun, vaihawmte chuh ka vau a, “Bang zieka Pathien In chuh ngaihsak loh a um zing ahim?” ka ti a. Khutichun, amau haw chuh ka sam khawm a, a mun chiet u ah ka luoh sak kit vek ta a.

ISAI 50:6

Ei zêpte kawm achun ka tingzang ka dawh a, ei sukzahchak lai u leh, ka sam ei lawih pulh sak lai un le, ka maichang a chil ei sietkhum lai un le bangmah ka gen diek puoi.

THUCHINGTE 28:4

Dan ngaihsak lote chun migilo a pakcha sek u a; himahleh, dân zawpte vang chun a kalh sek ui.

SAM LEHKHABU THE PSALMS 15:4

A mit un migilote a muhsit sek u a; himahleh, Lalpa kihchate chuh a ngaisang sek. A mah dinga sietna hilele a kitiemna hih zat chuom kha lo a.

NEHEMIA 5:13

Ka puonchen ka thinga, “Zie thutiem bang taka hih lo chuh a In a kipat leh a nasep a kipatin thinthak hi henla, khutngawn in um hen” ka ti a. Chun, mipite chengcheng chun, Amen, Lalpa chuh pakchau in, a tiu a. Khutichun, mipite chun zie thutiem dungzui chun a hih tau a.

EZRA 7:26

Chun, kuole na Pathien Dan leh leng dân zui lo taphawt chuh kin taka a chungthu vaihawm sak hi hen, thih na ahim, gamsung apat a nawhdawk ahim, a thuomphuo lâksak ahim leh suongkul a khum tieng inle,” a ti a.

DAN NIHNA 6:13

Lalpa na Pathien u chuh na lauh u a, a na chuh na sep u a, amah min sama na kihâksiel dinguh ahi.

PAWTDAWKNA 34:16

Chun, na chapateu a dingin a chanuteu nei un na tin, a chanuteu chun a pathienteu ho sak un tin, na chapateu le a pathienteu kawmah zawlsaih sak kha’n au.

JOSHUA 23:12

Khutilochun na petsan khâk u a, ziehaw nam, a um nalai haw na lak uh a a na chêng zing te hi na zuih u a, amau haw tawh zi leh pasal a na kichên u chun,

2 LENGTE 2:24

Chun, Elisha chu a vak kinunghei a, amau haw chu a en a, Lalpa min in hansie a buokkhum ta a. Tichun, gammâng apat in savawmnu nih a hung pawt u a, a lak u a naupang sawmli leh nih chu a hung petlum tai.

NEHEMIA 13:24

A chate chun Ashdod pau kimkhat a mang u a, Juda pau thieng a mang thei puou a; mitin chuh nam dang pau in a pau mai u a.

SAM LEHKHABU THE PSALMS 119:53

Lunghihlohna nasa takin ei sunkhum ta a, Minunsie na dân taihsan haw ziekin.

NEHEMIA 5:6

Zie thu leh a kiko thawm u chuh ka zak phetin, ka lungthim a na mah mah zieng a.