NEHEMIA 13:2 - PATHIEN LEKHABU THIENGTHO (BSI)

² Israel chate chângthâk leh tui a muok lo a, amau hansie lawh dinga Balaam a gawih ziekun. Himahlele, ka Pathien un hansie chuh vangsak na chan sak ta a.

NEHEMIA 13:2 ပူးပေါင်းရင်းမြစ်များ

DAN NIHNA 23:5

Ahih ziekin, Lalpa na Pathien un Balaam thu chuh a limsak puoh a, Lalpa na Pathien u chun a hun hehpih ziekin gâusapna chuh nang u dinga vangsakna Lalpa na Pathien u chun a chansak zaw ta ahi kha.

MATTHAI 25:40

Zie tieng chuleh Lalpen chun a kawm u ah, ‘Tihtakzet a ka hilh na hiu hi, Zie ka suohpih neupen te laka khat chunga na hih u chuh, kei chunga hih na hiu hi,’ ti’n hun dâwng ina.

MIKA 6:5

Aw ka mite haw, Lalpa hukdamna na het theihna ding u a Moab leng Balak thupun leh Beor chapa Balaam a dâwn dân, Shittim apat a Gilgal tienga thil umzie haw kha hezing un!”

SAM LEHKHABU THE PSALMS 109:28

Amau in samsieu henla, himahleh, nang vang chun vangsak zaw’n la: Ei dote chuh muolpho u henla, mahleh na sawntawlawi vang chu lawp takin um hen.

KISIMNA 23:18

Balaam chun zie hilhlawkna hi a gen ta a, “Zippor chapa, Balak hung inla ka thugen hi hung ngaitha’n.

2 PETER 2:15

Beor chapa Balaam, lawh deihna zieka thil sukhielpa lampi chuh a hawh tâk ziekun, lampi dik chuh a pet mangsan tau a, a vakmang tau hi;

DAN NIHNA 23:3

“Amon te leh Moab te leh a suonteu chuh khang sawmna chana Lalpa mite kikhawpnaa a tel loh dingu ahi;

DAN NIHNA 23:4

Aigupta gam apat na hung pawt lai u a an leh tui a hun piek nawp loh ziekun leh Mesopotamia gama Pethor khuo a um, Beor chapa, Balaam chuh nang u hun gausap dinga a gawih ziek u khan.