NEHEMIA 13:12 - PATHIEN LEKHABU THIENGTHO (BSI)

¹² Tichun, Juda mi cheng chengte chun buhlebal sawma-khat leh, uain thak leh sathau sawma-khat haw chuh tuoklawm kawih khawmna achun a hun chawi tau hi.

NEHEMIA 13:12 ပူးပေါင်းရင်းမြစ်များ

MALAKI 3:10

Ka In a nek ding a um theihna dingin Sawma-khat chengcheng chuh a kawihkhawmna In ah hun chawikhawm un, van tukvante chuh hun hawn sak in, vangsakna dâwn sen loh khawp hielin ka hun vuk puoh nai mawh, ei hun patep mawng tiem u! Bangkim hihthei Lalpa chun a tii.

NEHEMIA 12:44

Chun, zie ni chun tuoklawm te, pei thillat te, thai gah masapen te leh sawma-khat thiempute leh Levi te chanvo ding khaw tin in a piek khawm u chuh lakhawm ding mi a guot u a; thiempute leh Levi te dân a a um bangin. Judate chuh thiempu leh Levi chite nasem haw chung a chun a kipâk mah mah u a.

DAN NIHNA 14:22

Kum cheng leh na lo u a na thawhgah teu chuh sawma-khat na piek ngêi ngêi dinguh ahi.

THIEMPUDANTE 27:30

Gamsung a sawma-khat chengcheng, lo a thai gah hi henla, thinggah hita leh abawn in Lalpa chanvo ahi a, Lalpa dinga thilzek thiengtho ahi.

2 KHANGTHUBU 31:5

Zie thupiek chu a hung zak phetin Israel chate chun a buhteu, uain te, thau te, khuoizu te, a lo u a thai gah masapen te chu a hun pieu a; chun, a neih cheng lak u a sawma-khat le a hun pieu hi.

MALAKI 3:8

Mihing in Pathien chuh a gûk sak dinga ahim? Mahleh nang u chun nei gûk sak ngâl u a, Nang haw chun la, ‘Bangti’n ahim ka hun gûk sak uh?’ na tiu a. Sawma-khat leh thilpiek haw ahin nei guksak ui.

2 KHANGTHUBU 31:4

Zie bana chun leng Hezekia chun Jerusalem a mipite chu, Levi te leh thiempu te chanvo dinga guot thillat te hun pie dingin a tîlkhoh a, ti a chu Lalpa danbu a hih dinga umte hih na ding a a hun chenguh a piek theihna ding un.