NEHEMIA 13:10 - PATHIEN LEKHABU THIENGTHO (BSI)

¹⁰ Khutichun, Levi te chanvo ding chuh piek ahi puoh a, Levi te leh La sate chuh a chanvo dinguh piek a hih loh ziekun amau lo lam chiet ah a tai zak ui tih ka za kit a.

NEHEMIA 13:10 ပူးပေါင်းရင်းမြစ်များ

NEHEMIA 10:37

Chun, ka changbuong mêk masak pên u leh pei thillat te, thing chitin gah leh, uain leh sathau haw chuh ka Pathien u in a pindan a thiempute masanga ka hun chawih dinguh ahi. Chun, ka lo u a buh sawma-khat chuh Levi te masanga ka hun chawihkhawm dinguh ahi, ka nasep na mun u leh khuo haw a sawma-khat lakhawm chuh Levi chite ahi ngâl u a.

MALAKI 3:8

Mihing in Pathien chuh a gûk sak dinga ahim? Mahleh nang u chun nei gûk sak ngâl u a, Nang haw chun la, ‘Bangti’n ahim ka hun gûk sak uh?’ na tiu a. Sawma-khat leh thilpiek haw ahin nei guksak ui.

NEHEMIA 12:47

Chun, Israel mi cheng chengin Zerubabel damlai leh Nehemia damlai in nichenga mamawh bang zel in lasate leh kawtkhak veng te chanvo a pie sek u a, Levi te chanvo a siem chuom sak u a. Chun, Levi te chun Aron chapate chanvo a siem chuom sak sek ui.

DAN NIHNA 12:19

Na gam u a na chen lai chan u a Levi te chuh chuombawl lo dingin chingthei un.

KISIMNA 35:2

“Israel chate chuh thu pie’n la, a gam hawu achun Levi te chênna ding khuo siem sak u hen; chuleh gantatna ding in khuo kimvela gam âwng na piek dinguh ahi.

NEHEMIA 10:39

Israel mipite leh Levi chite chun buh te, uain thak leh sathau te, ûmlebel te chuh munthiengtho a nasem thiempute, kawtkhak vengte leh lasate umna muna a hun chawih ding uh ahi; chun ei un Lalpa I Pathien In chuh I ngaihthah loh dinguh ahi.

2 KHANGTHUBU 31:4

Zie bana chun leng Hezekia chun Jerusalem a mipite chu, Levi te leh thiempu te chanvo dinga guot thillat te hun pie dingin a tîlkhoh a, ti a chu Lalpa danbu a hih dinga umte hih na ding a a hun chenguh a piek theihna ding un.

ISAI 43:23

Hâlmanga na thillat teu chun, belamno nei hun chawih sak ngei puou a; Na kithawihnateu chun la, nei limbawl diek puou hi. Thillat hun ngêk in, ka hun sugiksak ngei puoh a, Gimlim hâl dingin le ka hun suchawl kha diek puoi.