NEHEMIA 12:43 - PATHIEN LEKHABU THIENGTHO (BSI)

⁴³ Tichun, zie ni chun kithawihna thupi tak a bawl u a; a kipâk mah mah u a, Pathien in amau chuh nasa takin a sukipak a, numei leh chapang tieng in nasa takin a kipâk u a khutichun, Jerusalem a a kipahna thawm u chuh gamla tak apat in a zak theih hi.

NEHEMIA 12:43 ပူးပေါင်းရင်းမြစ်များ

EZRA 3:13

Khutichun, kipâk zieka kiko thawm leh kah thawm chuh kuoma’n a he khen thei puou a, a kiko u chuh a ngeih bêk ziekin a thawm u chuh gamla taka pat in le zak theih hiel ahi.

SAM LEHKHABU THE PSALMS 92:4

Lalpa, nang chun na nasep in nei sukipak ngâla; Na khut thilhih haw ziekin lawp in lasa’ng ka.

JEREMIA 31:13

Zie tieng chuleh, nungak thiengthote chuh lam in, kipâk untin, tangvalte leh teksiete le kipâk un au. A lungkhamnau kipahna chan sak in, a lusûnnau kipahna suok sak ka ting, thamuon ing ka ting, lungkhamna sangin kipahna pie’ng ka.

JAKOB 5:13

Na laku ah haksatna thuok a um u? Paucham hen. A lawp a um u? Pahchakna la sa hen.

EPHESI 5:19

Pahchakna la haw, Pathien la haw, chun, thagau lam la haw a nanguh leh nang uh kiho tuoh in, Lalpa chuh na lunggil u ah la sak sak un.

JOHAN 16:22

Zie chuh, tu a nanguh dinmun tawbang hi ahi: tuhin na lungkham u a, himahleh, nanguh hun mu kit ing ka, tichun, na lunggil u chuh kipahna kuoma’n a hun lâksak theih loh ding chun dim ina.

MATTHAI 21:15

Himahlele, Thiempuliente leh Danthuzikte chun a thilmak hih haw leh, Ho-In a, “David chapa, Hosanna!” ti a chapang kikote chuh a muh un a lungkim lo mah mah tau a, a kawmah,

MATTHAI 21:9

Chun, mipi, a malam a chiehte leh a nunga zuite chun: “David chapa kawmah, Hosanna! Lalpa min a hung chuh a hamphai! Chungnung pên a khun Hosanna!” ti’n a kiko u a.

JEREMIA 33:11

Lawpna aw te moneipa aw te, mo aw te tawh, Lalpa In a kipahthu genna thilpiek hun chawi kawm in “Sepaihte Lalpa chuh pakchau un, Lalpa chuh apha ngâla, A zahngaihna chuh kumlekhuo’n um ding ahi ngâla” ti a hun gen ding ahiu a, A tunga a um bang bang in gam chuh tungdawk kit ding ka hi ngâla, tih hi Lalpa kamsuok ahi.

ISAI 61:3

Zion a lusûnte chuh vut thasanga pakchavui, lungkhamna sanga kipahna sathaute, nguoina thagau hilo a pahchakna silhlechen te a kawm u a pie ding leh, amau haw chuh diktatna thing Lalpa phuh ngêi, a thil dik hih teu zieka Pathien chuh a lopi theihna dinga sawl ka hi.

SAM LEHKHABU THE PSALMS 28:7

Lalpa chuh ka hatna leh ka phaw ahi; Ka lunggil in amah chuh ka gingcha a, tichun panpih in ka um a; Zieziekchun ka lunggil hi nasatak in a kipâk a; Ka la hin a mah pakcha’ng ka.

SAM LEHKHABU THE PSALMS 27:6

Tuhin ka luchang hi ka kimvela ka melmate chungah sang taka dawpkang in um in tin, Khutichun a puon-In achun kipahna kithawihna lân ing ka ting; La sang ka ting, ahi, Lalpa pakcha’n la sang ka.

JOB LEHKHABU THE BOOK OF JOB 34:29

Amah chuh a na thip ta leh kuo a thiemloh chan sak ding? A mel a sel phat leh kuo a mu thei ding? Nam pumpi ding leh mimal a dingin le akibang gêl gêl hi.

2 KHANGTHUBU 20:27

Tichun, Juda leh Jerusalem a mite chuh Jehoshaphat in ma a pui a, Jerusalem ah a chieh kit tau hi, Lalpa’n a melmateu chunga kipâk dinga a siem tâk ziekin.

2 KHANGTHUBU 20:13

Juda te chengcheng chu a cha neucha chateu, a zi teu, a chateu tawh Ho-In masang ah a ding u a.

2 KHANGTHUBU 7:10

Chun, tha sagihna, ni sawm leh ni thum ni chun mipi te chu a kikhenzak u a, Lalpa’n David leh Solomon leh a mi Israel te chunga a phatna a latsak ziek chun lawp tak leh kipâk takin mipi te chu a In lam chiet u ah a chieh tau hi.

1 SAMUEL 4:5

Khutichun Lalpa thuthun bawm a giehmun uh ahung tun phetin Israel te chengcheng chu ngeih tak in a kiko zuoh zuoh zieng u a; lei nasan le a thawnggi zung zung zieng a.

KISIMNA 10:10

Na kipah niu haw ah, na kut hun bithieh niu haw ah, na tha thak kipat niu haw ah, na hâlmang kithawihnau thillat leh, kichamna thillat kithawihna ni te achun, pengkun chuh na mût dinguh ahi. Khutichun hun panpih ding ka hi, kei hi, Lalpa na Pathien uh ka hi,” ti’n.

NEHEMIA 12:42

Chun, Maaseiah, Shereaia, Eleazar leh Uzzi, Jehohanan, Malkijah, Elam, leh Ezer lawi in a hun zui u a. Chun, Jezrahia makaihna a lasate chun ngeih tak in la a sau a.

SAM LEHKHABU THE PSALMS 9:2

Nangmah achun kipâk in lawp ing ka ting Aw, Chungnung pên na min pakcha’n la sang ka,

NEHEMIA 12:27

Chun, Jerusalem kulhbang latna achun dakkhutbet te, gihawih te, kingkang haw tawh lasa a kipahthu gena, kipâk taka a lat nau a tel ding in Levi chite chuh a chênna mun chiet u apat in Jerusalem ah a puikhawm u a.