NEHEMIA 12:27 - PATHIEN LEKHABU THIENGTHO (BSI)

²⁷ Chun, Jerusalem kulhbang latna achun dakkhutbet te, gihawih te, kingkang haw tawh lasa a kipahthu gena, kipâk taka a lat nau a tel ding in Levi chite chuh a chênna mun chiet u apat in Jerusalem ah a puikhawm u a.

NEHEMIA 12:27 ပူးပေါင်းရင်းမြစ်များ

1 KHANGTHUBU 15:16

Tichun, David in, Levi te lawiupa haw chu, Levi te laka lasa thiemte, thil gihawih tumte, kingkang te, dâk khutbette tawh, ngeihtak a lasa dingte guot dingin thu a pie a.

2 KHANGTHUBU 29:30

Lengpa Hezekia leh milien te chun Levi te chu David leh thiemgau Asaph phuok, pahchakna la sa ding in thu a pie a, mitin chun kipâk tak in pahchak na la a sau a, a khun u a, Pathien a ho tau a.

2 KHANGTHUBU 5:13

Pêngkun mûtte leh lasa ten Lalpa pahchakna leh kipah-thugen na a a tumgit u chu gi khat bang mai in a kiza a; pengkun leh dâk khutbet leh thil tumgit te tawh a awu a suoh u a, “A mah chu a pha ngâla; a lungsiet na chu kumkhuo a um ding ahi,” ti a Lalpa a pahchak u leh, Lalpa Ho-In chu meipi’n a dim mepmup zieng ta a,

1 KHANGTHUBU 15:28

Khutichun, Israel mi chengcheng te chun, kiko zuoh zuoh kawm leh, pengkun binei leh, belam kite mût hâm chuoi chuoi kawmin, dakkhutbet te, tumgit te, kingkangte tawh gi vengvung in, Thugawlh Bawm chu Jerusalem ah a zawn lut tau a.

DAN NIHNA 20:5

“Zie tieng chuleh, lawiupate chun mipite kawm achun, ‘In thak sa a latna nei nailo na um u? A In ah chieh kit hen, khutilochun kidona ah thi taleh, mi dangin a latna nei kha’na.

1 KHANGTHUBU 15:12

Levi te kawm achun, “Nang haw hi, Levi inkuon sunga lawiupa pente na hiu a. Israel te Pathien, Lalpa Thugawlh kawihna thingkuong chu, a mun ka guonggalhna a na chawn toh theihna dingun nang haw hi na unauteu tawh kihihthiengtho un.

1 KHANGTHUBU 15:4

Tichun, David chun Aron suonte leh, Levi te chu a sam khawm a.

THUPHUON 5:8

Ziephet chun, ganhing lite leh, upa sawmnih leh lite chuh Belamno ma achun a bawkkhup tau a. Amau haw chun kingkang leh sana belhbu, gimlima dim a kichawih chiet uh a, zie chuh Pathien mite pauchamna chuh a hii.

PHILIPPI 4:4

Lalpa achun kipâk zingun, ti kit zel sek ka, kipâk un!

SAM LEHKHABU THE PSALMS 149:3

Amin chuh lam in pakchau hen la: Khuongcha leh kingkang tawh a mah pakcha’n lasau hen.

SAM LEHKHABU THE PSALMS 30:1

Aw Lalpa, hun chawiân ka, nang nei kaidawk a, Ei do te chuh nei diliem sak loh ziekin.

NEHEMIA 11:20

Israel dangte chuh thiempute leh Levi chite tawh Juda khawpi haw achun a cheng u a, a pileputeu go a luoh chiet u a.

NEHEMIA 8:17

Khutichun, saltâng vaikit te chengcheng chun bâwkcha a kisiem u a, zie tak achun a cheng tau a. Nun chapa Joshua hun lai apat zie ni tieng chun zie tawbang chuh Israel chate’n a hih kha nai puou a, ziephet chun, kipahna nasa tak a hun nei tau hi.

EZRA 6:16

Tichun, Israel suon, thiempute, Levi chite leh saltâng pawtdawk haw leh a dang te chun Pathien In a lat nau chuh kipâk takin a mang u a.

2 KHANGTHUBU 7:6

Chun, thiempu te chu a mau mun chiet achun a ding u a, chun Levi te le Lalpa kawma kipah thu genna dinga David in a phuok, “A lungsiet na chu kumkhuo’n um ding ahi,” ti a Lalpa pahchakna a David in a mat sek, thil githei tawh Lalpa la sa’n a ding u a; chun, alangkhat achun thiempute’n pengkun a mût u a, Israel te chengcheng chu a ding u a.

1 KHANGTHUBU 26:31

Hebron suona Jerijah chu, a suon uh chungchâng thu achun, Hebron te lawiupa pên ahi. Leng David leng a hung hihna, kum sawmli a hih kum a, Hebron suona inkuon a etnau achun, sepaih hangsan, zie suona mi, Gilead gama Jazer a cheng chu a mudawk u a.

1 KHANGTHUBU 23:5

Sanglite chu kawtkhak veng ding ahiu a, sangli te mah chu, pahchakna dinga thil gihawih, David in a siem chu manga Lalpa pakcha dingte ahiu a.

1 KHANGTHUBU 16:42

Heman leh Jeduthun chun la thiengtho sak na a matchâk, pengkun leh khuongcha a nei u a; kawtpi veng dingin Jeduthun chate chu a guot u a.

1 KHANGTHUBU 16:5

A lawiupa pên ding chun Asaph a guot a, a bana tumgit leh kingkang tum thiem Zekaria te, Jeiel te, Shemiramoth te, Jehiel te, Matithia te, Eliab te, Benai te, Obed-Edom te, Jeiel te tawh; Asaph chu dakkhutbet ngeihtaka tum dingin a guot a.

1 KHANGTHUBU 13:8

David leh Israel mite chengcheng chun la a sau a. Kingkangte, tumgitte, khuongchate, dakkhutbet te, leh pengkunte tawh Pathien masang a chun a lam dup dup u a.

2 SAMUEL 6:12

Chun, leng David chu, “Thuthunna bawm ziekin Obed-edom inkawte leh a In a lo chengcheng Lalpa’n a vangsak ahi,” ti’n a hilh u a. Tichun David chun Thuthun bawm chu Obed-edom In apat chu, David khawpi achun kipâk takin a va la ta a.

DAN NIHNA 16:11

Lalpa na Pathien un a Min umna dinga a tel ding mun achun nang u leh na chapateu leh na chanuteu tawh, na suokpateu leh na suoknu teu tawh, na khuou a um Levi te tawh, chun, na lak u a um gam chuom mite leh nauchagahte leh meithaite tawh Lalpa na Pathien u maa chuh kipâk taka na um dinguh ahi.

1 LENGTE 8:63

Chun, Solomon in Lalpa kawma chamna thillat a lat chu, bâwngchal singnih leh sangnih leh belam nuoikhat leh singnih ahi. Khutibang chun leng Solomon leh Israel chate chengcheng chun Lalpa In chu a lân ui.

2 KHANGTHUBU 29:25

Lalpa’n David kawm a leng thiemgau Gad leh thiemgau Nathan te manga a thupiek bangin Ho-In achun Levi te chu dakkhutbet te, pêkgitte, kingkang te tum dingin a kawih a.

NEHEMIA 12:43

Tichun, zie ni chun kithawihna thupi tak a bawl u a; a kipâk mah mah u a, Pathien in amau chuh nasa takin a sukipak a, numei leh chapang tieng in nasa takin a kipâk u a khutichun, Jerusalem a a kipahna thawm u chuh gamla tak apat in a zak theih hi.