NEHEMIA 10:37 - PATHIEN LEKHABU THIENGTHO (BSI)

³⁷ Chun, ka changbuong mêk masak pên u leh pei thillat te, thing chitin gah leh, uain leh sathau haw chuh ka Pathien u in a pindan a thiempute masanga ka hun chawih dinguh ahi. Chun, ka lo u a buh sawma-khat chuh Levi te masanga ka hun chawihkhawm dinguh ahi, ka nasep na mun u leh khuo haw a sawma-khat lakhawm chuh Levi chite ahi ngâl u a.

NEHEMIA 10:37 ပူးပေါင်းရင်းမြစ်များ

THIEMPUDANTE 23:17

Inkuon tinin chângthâk pêk nih na hun chawih u a, Lalpa kawma pei thilpiek a na lat dinguh ahi. Chângthâk pêk chuh changbuong ephah mun sawm a khen mun nih chawl tawh mêk hel a, Lalpa kawma gah masa thillat a na piek dinguh ahi.

KISIMNA 18:21

Lalpa chun, “Israel chate’n kei kawma sawma-khat a hun piekteu chuh Levi te kawma na piek ding ahi. Zie chuh ka umna puon-In enkawla na a sep man u chuh ahi.

NEHEMIA 13:9

Tichun, pindan sung suthieng ding chun thu ka pie a, tichun, Pathien Ho-In a ûmlebel leh an thillat te leh gimlimte chuh a bawnin ka la lut kit vek ta a.

NEHEMIA 13:5

Levi te, lasate leh kawtkhak veng te chanvo an thillat leh gimlim te, ûmlebel leh buhlebal sawma-khat leh uain thak leh sathau leh thiempute a dinga pei thillat kawihna dinga tu masanga kimang chuh Tobia a ding in a guonggalh sak a.

DAN NIHNA 26:2

Lalpa na Pathien un a hun piek gama pieng lei gah tung masapen haw chuh neukhat khatin lakhawm in na tin un; bawm ah kawih in na tin un, Lalpa na Pathien un a Min umsakna dinga a guot ding muna chuh na va chawih dinguh ahi.

DAN NIHNA 18:4

Na buh u leh na uain u leh na sathau uh leh na belam mul met masak pên uh chuh amau na piek dinguh ahi.

MALAKI 3:10

Ka In a nek ding a um theihna dingin Sawma-khat chengcheng chuh a kawihkhawmna In ah hun chawikhawm un, van tukvante chuh hun hawn sak in, vangsakna dâwn sen loh khawp hielin ka hun vuk puoh nai mawh, ei hun patep mawng tiem u! Bangkim hihthei Lalpa chun a tii.

MALAKI 3:8

Mihing in Pathien chuh a gûk sak dinga ahim? Mahleh nang u chun nei gûk sak ngâl u a, Nang haw chun la, ‘Bangti’n ahim ka hun gûk sak uh?’ na tiu a. Sawma-khat leh thilpiek haw ahin nei guksak ui.

2 KHANGTHUBU 31:6

Israel suonte leh Juda suonte, Juda khuo haw a umte chun a bâwng u leh belam sawma-khat te, Lalpa a Pathien uh chanvo a a kawihchuom uh sawma-khat te a hun pieu a, a kawihkhâwm gei gui mai u a.

ROME 11:16

Chun, gah masa chuh a thientho chun a pum chule khutibang mah chun a thiengtho a; chun, a zung chuh a thientho chun a bâk haw chule a thiengtho hi.

DAN NIHNA 14:22

Kum cheng leh na lo u a na thawhgah teu chuh sawma-khat na piek ngêi ngêi dinguh ahi.

NEHEMIA 13:10

Khutichun, Levi te chanvo ding chuh piek ahi puoh a, Levi te leh La sate chuh a chanvo dinguh piek a hih loh ziekun amau lo lam chiet ah a tai zak ui tih ka za kit a.

NEHEMIA 13:12

Tichun, Juda mi cheng chengte chun buhlebal sawma-khat leh, uain thak leh sathau sawma-khat haw chuh tuoklawm kawih khawmna achun a hun chawi tau hi.

PAWTDAWKNA 13:2

“Israel chate laka cha lutîl cheng, sûl hawng masa taphawt, mihing leh gancha le kei dinga na kawih thiengtho ding uh ahi, kei a ahiu hi,” ti’n a gen a.

PAWTDAWKNA 13:12

cha sûlhawng masapen leh na ganchau suok masapen chuh Lalpa dinga na kawihchuom zel ding uh ahi; a chal haw chuh Lalpa a ding hi’n au.

KISIMNA 18:15

“Lalpa dinga a piek uh, sulhawng masapen taphawt chuh mihing le gancha le nanga hi’n a: amahvang chuh cha upapen chuh na tat tei ding hi’n tin, gan thiengtho lo no suok masapen chuh na tat ding ahi.

KISIMNA 18:18

Himahleh, a sa haw chuh nang a hi’n a. Pei thillat a sa a âwm leh a mal changlam nang a a hih bang hin.