NEHEMIA 10:29 - PATHIEN LEKHABU THIENGTHO (BSI)

²⁹ A suohpih teu leh a milien teu chu tawh, Pathien Dan, Lalpa suok Mosi kawma a piek te, leh a vaihawmna leh a thuguot te chuh chingthei taka zui leh vawp dingin a kipautiem tau a.

NEHEMIA 10:29 ပူးပေါင်းရင်းမြစ်များ

EZEKIEL 36:27

Chun, na sung u ah Ka Thagau kawih ing ka ting, chun, ka dân siem chuh hun hawhsak ing ka ting, ka thutanna haw chuh zui in na tin un, hih inlau.

SAM LEHKHABU THE PSALMS 119:106

Na vaihawmna diktatte zui dingin, Ka kihâksiela, ka hihdet tai.

JOHAN 15:14

Thu ka hun piek cheng na hih u chun, ka guolte hi’n lau.

ROME 12:9

Hehpihna chuh gukhahna tello hi hen. Gitloh hawu unla, apha lam chuh tuchak un.

2 KHANGTHUBU 34:31

Lengpa chu a mun ah a dinga, zie lehkhabu a kizik thu gawlh chu zawpa a lunggil chengcheng leh thagau chengcheng a Lalpa zui ding leh a thupiek te, a thu hetsakte, a thuguot te pawm dingin Lalpa ma achun thu a thun a.

2 LENGTE 23:3

Chun, leng chu bân zul ah a ding a, lehkhabu a chuong, thugawlh chu sudet dingin, lunggil chengcheng leh, thagau chengchenga zui dingin leh, a thupiekte, a thuguot te zawp dingin, Lalpa kawmah thu a gawlh a. Mipi cheng chun le, thugawlh chu zawp dingin thu a tiem tau a.

NASEPTE 23:21

Himahlele, a thuu a na ngai ki’n; a lak u a mi sawmli sanga tamzaw’n a chang zing u a, ziete chun, amah a thah masangsieh uh, bangmah ne lo dâwn lo dingin a kihâksiel u a, tuhin, na thu ngak in, kisazosa a um zing ahiu hi,” a ti a.

NASEPTE 17:34

Himahlele, mi khenkhat chun amah a bel chak kêi tau a, a gingchau a; ziehaw laka abang chuh, Areopagi mi, Dionusias leh, numei khat a min Damaris leh, mi dang khenkhatte tawh ahiu hi.

NASEPTE 11:23

Amah chuh a va tun phet chun, Pathien in a mite a lungsiet zie chuh a mu a, a kipâk mah mah a, Lalpa a dinga ginum tak leh, tupna det taka um zing dingin, a bawn u chun a tîlkhoh ta a.

JOHAN 7:19

Mosi’n Dan chuh. na kawm u ah a hun pie hilo maw? Himahlele, na lak uh a kuoma’n Dan chuh na hawh ngâl puou a. Nangun, bangati a ei thah guo?” a ti a.

JOHAN 1:17

Dan thu chuh Mosi’n a pie a, himahleh, lungsietna leh thutak, Isu Krista vangin a hung um hi.

MALAKI 4:4

“Israel chate chengcheng zawp dinga Sinai tânga ka piek Dan leh thupiekte ka suokpa Mosi’n a hun sinsakte kha hezing un!

JEREMIA 26:4

Chun, nang in a kawm u ah, “Lalpa’n hiti hin a tii: Nei ngaihthak loh u a, na masang u a ka dân ka kawih hi na zawp loh u a,

ISAI 14:1

Lalpa chun Jakob chuh lungsiet intin, Israel chuh tel in amau haw gam ngêi ah umsak ding ahi ngâl a. Amau haw gam ngêi ah chênsak kit intin, gamdang mite chuh a kawm u ah hung un tin, chêng khawm ta’n au.

SAM LEHKHABU THE PSALMS 105:45

A thuguot haw chuh a zawp theih u a, A dân haw chuh a vawp phat theihna ding un. Lalpa chuh pakchau un!

SAM LEHKHABU THE PSALMS 8:9

Aw Lalpa, ka LALPAU, Lei chung chengcheng a hin na min chuh a pha na mai zên e!

SAM LEHKHABU THE PSALMS 8:1

Aw Lalpa, ka Pathien uh, Lei chung chengcheng a hin na min chuh a pha na mai zên e! Na lopi na haw chuh van chung haw a khun na kawih a.

NEHEMIA 13:25

Tichun, amau haw chuh ka vau a, hansie ka lawh a; khenkhat chuh ka zêp a, a sam hawu ka bawhthâk sak a. “Na chanuteu chuh a chapateu na neih sak loh dinguh ahi a, na chapateu chuh a chanuteu tawh na kichên sak loh dinguh ahi,” ti’n Pathien min sal in ka kipautiem saka.

2 KHANGTHUBU 6:16

Khutichun aw Lalpa, Israel te Pathien, na suok ka pa David kawmah Na suonte nang um banga um dingin a umdan u a a chittheih phawt u chun, ka mitmuh a Israel te lalchutphah a chu ding chu kitasam puo’n la, ti a na tiem kha guitun sak in.

2 LENGTE 10:31

Himahlele, Jehu chun Lalpa Israel Pathien dân chu a lunggil cheng chengin a zawp puoh a; Jeroboam, Israel te haw thil hihgilo dinga puipa gitlohna kha a haihsan diek puoi.

DAN NIHNA 33:4

Mosi chun dân chuh ei pie a, Jakob mipite dingin go luoh ding.

DAN NIHNA 5:32

“Zieziekchun, Lalpa na Pathien uh thupiek guola hih dingin chingthei un; changlam ahim, veilam ahim a na pet dinguh ahi puoi.

DAN NIHNA 5:1

Chun, Mosi’n Israel suonte chengcheng chuh a sam khawm a, a kawm u ah, “Aw, Israel mite haw, na zil u a, na zuih u a, na hih ding u a dân haw, thutanna haw na hetnau a tunia ka gen hi chingthei takin ngaithau in.

KISIMNA 5:21

Chun, thiempu chun numei chuh vau intin, kihâksiel sak intin, numei kawmah thiempu chun, Lalpa’n na malpi a sukbal a, na gil a hih vum chun, na chipihte lak ah hansie dawl in hun umsak hen;

NEHEMIA 9:38

Chun, zie thu haw chengcheng ziek chun thugawlh dettak ka siem u a, ka zik thau a; ka milienteu leh Levi chite leh thiempute chun ei namdet pih u a, ti’n.

JEREMIA 34:15

Himahlele, tuhin hung kihei kit unla. ka mitmuh in thil dik hih un; ka min puo In achun mitin in a invengpa kieng ah zalenna thu phuong in thugawlh chuh na siem tau a.

THIEMPUDANTE 20:26

Keia dinga mi thiengtho na hih dinguh ahi; kei Lalpa hi ka thiengtho ngâla, keia na hih na ding u a nam dangte lak apat a ka hun teldawk na hi ngâl u a.

1 KHANGTHUBU 9:2

Tichun, a khawpiu a, a neihteu luoh kit dinga vaikit masapente laka chun, Israel te laka mi vantâng, thiempute, Levi te leh Ho-In nasemte haw chu a tel u a.

NEHEMIA 7:46

Nethinim te: Temple a nasemte laka vaikit te chuh, Ziha suonte, Hasupha suonte leh Tabbaoth suonte.

NEHEMIA 8:2

Khutichun, tha sagihna, ni khat ni chun thiempu Ezra chun mipi kipunkhawm, nuting leh pating a hethiem thei ding tieng te masang achun Dan bu chuh a hun chawi a.

NEHEMIA 8:3

Chun, Tui kawtkhak zawna mun âwng lien tak achun zing khang apat in sun tiengin a sima. Tichun, mipi chengcheng chun Dan thu chuh phatak in a ngaithau a.

NEHEMIA 9:2

Khutichun, Israel chate chuh nam dang mite apat chun a kikawih chuom u a. Amau mun chiet achun a ding u a, a pileputeu leh amau haw gitloh na a phuong u a.