NEHEMIA 1:9 - PATHIEN LEKHABU THIENGTHO (BSI)

⁹ Amahvang chuh kei lam na hung ngat kit u a, ka thupiek te na zawp u a, ziehaw chuh na hih u chun na lak u ah van tâwp tieng hiela nawhmang um lele zie apat chun amau chuh puikhawm kit ing ka ting, ka min um na dinga ka mun guot achun puikit ing ka,’ ti’n.

NEHEMIA 1:9 ပူးပေါင်းရင်းမြစ်များ

1 LENGTE 8:48

A melmau sala puite gama a lunggil tak u leh a ngaihtuohnau taka nang lam a hun ngat u a, a pulepateu na piek gam leh, na khawpi tel lam leh na min dinga ka In sak lam hi hun ngaa na kawma a paucham u chun,

1 LENGTE 9:3

Chun, Lalpa chun a kawmah, “Na pauchamna leh na ngetna ka maa na hun tut haw kha ka na ngaitha a. Zie In na sak hi kumlekhuo a ka min umna ding in ka hih thiengtho tai. Ka mit leh ka lunggil chu zie tak achun um zing ta’n a.

1 KHANGTHUBU 16:35

“Aw, ka hukdamnau Pathien! ei hukdam in la, Na min thiengtho pakcha ding leh, Na pahchak-umna chu suong dingin namtin lak apat chun ei puikhawm inla, ei hukdam in!” tiu in.

EZRA 6:12

“Chun, zie a a min um sak Pathien chun Jerusalem a Pathien in suksiet guo a, zie thu hih lamdang dinga khuttha taphawt chuh, leng leh nam chengcheng in amah chuh sumangthai hen; Kei Daria ngêi hin thu ka pie a, kintaka zuih ngâl hi hen.”

SAM LEHKHABU THE PSALMS 106:47

Aw Lalpa ka Pathien uh, ei hukdam inla, Namtin laka pan in ei puikhawm inla, Na min thiengtho chu ka pahchak theih na ding u leh, Na pahchakna sulopi ding in.

SAM LEHKHABU THE PSALMS 107:3

Gamtin apat a puikhawm a, Sak leh thang sim leh mâl haw apat chun.

SAM LEHKHABU THE PSALMS 147:2

Lalpa chun Jerusalem chuh a tungdawk kit a; Israel nawhdawk haw chu a puikhawm kita.

ISAI 11:12

Chun, nam tina dingin melchikna tâk dawk intin, Israel nawhdawka um haw chuh puikhawm intin; Juda tai zakte chule kâwlmawng li apat chun puikhawm ina.

ISAI 27:12

Zie ni chuleh, Euphrates luipi apat in, Aigupta luipi tiengin, Lalpa’n buhchil in hun chil ina, Aw Israel mipite haw, khat khata puihkhawm a um ding na hiu.

ISAI 56:8

Lalpa Pathien chun hitihin a tii, “Israel nawhdawk a umte cheng chuh puikhawm kit ing ka ting, puihkhawm sate bân achun midang dang le puikhawm ding ka hi” a ti a.

JEREMIA 12:15

Chun, hiti hi hi’n tin, ka nawhdawk nung leh amau haw chuh lungsiet kit ing ka, mitin chuh a goluoh ding u leh amah gam ngêi achun puilut kit ing ka.

JEREMIA 3:14

“Aw nung chawn chîngte haw hung vaikit un, tih hi Lalpa kamsuok ahi. Nang haw hun kaihuoipa ka hi ngâla. Khawpi apat a mi khat inkuon khata mi nih zel hun lang ka ting, Zion ah hun pui ing ka.

JEREMIA 31:10

“Aw namte haw, Lalpa thu chuh ngaithau inla, gamla taka tuipi panga gam haw achun phuongzak unla, Israel thehzakpa chun hun puikhawm kit intin, belampu’n a belamte a ven bangin veng ina, tiu in.

JEREMIA 32:37

Ngaitie, ka lungnatna leh ka lunghihlohna leh ka thangtawmna nasa taka amau haw ka nawhdawkna gam haw cheng apat in puikhawm ing ka ting, zie mun ahin hun puikit ing ka ting, bit takin um sak ta’ng ka.

JEREMIA 6:22

Chun, Lalpa’n hiti hin a tii, “Ngaitiem u, mâllam apat in nam khat a hung u a, lei mawng tâwp a pat in nam lopi tak a hung kipan dawk ui.

EZEKIEL 14:6

“Zieziekchun Israel inkuonte kawm achun, Lalpa Pathien chun hiti hin a tii, Kisik unla, na milim hawu chuh nusieh unla, na tenumna chengcheng u chuh kiheimang san un!

EZEKIEL 36:24

Namte lak apat chun hun puidawk ing ka ting, gam tin apat chun hun puikhawm ing ka ting, na gam ngêi u a chun hun puilut ding ka hi ngâla,

THIEMPUDANTE 26:3

“Ka dân guola na tawih u a, ka thupiek haw na zawp u chun;

ZEKARIA 8:7

Ngaiun, ka mite chuh suohlam akipat te leh, tumlam akipat haw chun hukdawk ding ka hi, Lalpa chun a tii.

MATTHAI 24:31

Pêngkun gi nasatak tawh, chun, a van sawlchakte chuh lei ning li achun sawldawk in tin, tichun, a mi telte chuh kâwlmawng apat kâwlmawng tâwp tiengin lakhawm un au.

DAN NIHNA 12:21

Lalpa na Pathien un a Min umna dinga a teldawk ding mun chuh nang u dinga a gamlat takluot chun, thu ka hun piek guol khan, Lalpa’n a hun piek, na bâwng uh ahim, na belam uh ahim chuh that in na tin un, na sa utchak u chuh na In u a na nek dinguh ahi.

DAN NIHNA 12:5

Lalpa na Pathien un na phung chengcheng lak u a a Min umna dinga a guot ding mun chuh hawl zawu inla, zie a chuh na chieh u a,

DAN NIHNA 30:1

“Chun, hiti hi hi’n tin, Lalpa’n a hun thehzak na nam dang laka na um lai u a zie vangsakna leh gâusapna tu a na kawm u a ka gen hi na chungu a a hung tun tieng leh; deih tel ding na neih u hi hezing un.