NEHEMIA 1:5 - PATHIEN LEKHABU THIENGTHO (BSI)

⁵ “Aw Lalpa van Pathien, Pathien lopi leh lauh-um, Amah hehpih a a thupiek zawp te chunga thugawlh hezing a zahngaihna sulang sek pa;

NEHEMIA 1:5 ပူးပေါင်းရင်းမြစ်များ

PAWTDAWKNA 20:6

ei hehpih a ka thupiek haw zawpte chuh suon sang tamtak chana le lungsietna latsak sek ka hi hi.

DAN NIHNA 7:21

Amau chuh na lauh dinguh ahi puoi; Lalpa na Pathien uh, Pathien lauh-um tak leh thupi tak chuh na laku ah a um ngâla.

NEHEMIA 4:14

Chun, ka kipana ka vak en viela, milien leh vaihawmte leh mipi dangte kawm achun, “Amau haw chuh kihcha kiu inla, Lalpa lopi leh lauh-um chuh hezing un la, na suohpih teu, na chapa teu leh na chanu teu a dingin galdo un; na ziteu leh na In leh loteu a dingin tawh,” a ti a.

DAN NIHNA 7:9

Zieziekchun, Lalpa na Pathien u maicha hi Pathien chuh ahi tih heu in; Pathien ginum, amah hehpih a, a thu zuite chunga khang sang chana thuthun leh lungsietna sulang zing seka,

NEHEMIA 9:32

“Zieziekchun, ka Pathien uh lopi, bangkim hihthei leh lauh um, a thugawlh hezing leh zahngaihna a dim chun ka chung u leh ka leng teu leh ka milien teu, ka thiemputeu, ka thiemgau teu leh ka pileputeu leh, na mite chengcheng chunga Asuria lengte vaihawm lai apat a tuni tienga gimtheihna hung tung haw hi thil neu thêm in ngai ki’n.

1 LENGTE 8:23

“Aw Lalpa, Israel Pathien, nang tawbanga a ângsung a a lunggil chengchenga tawiviel zing a suokte dinga a thugawlh guitun saka lungsietna nei zing thei, chunglam van a leh nuoi lam lei ahin Pathien dang mawngmawng a um puoi.

1 KHANGTHUBU 17:21

Na mite hi dinga suok apat a na puih dawk, Israel te bang hi lei chungah nam dang himhim a um puou. Amau a dinga thil lopi leh mak takte hih sak in, khawvel ah na min a thang ta a. Aigupta apat na mite na hukdawk a, a masang uh apat in namte na nawhdawk sak a.

SAM LEHKHABU THE PSALMS 47:2

Lalpa Chungnung pên chuh a lauh um ngâla: Lei chung chengcheng ah leng lopi tak ahi.

SAM LEHKHABU THE PSALMS 89:2

Zaidawhna chuh kumlekhuo a dingin lemtoh in um in a; Na muon-um na chu van haw ngêi akhun sudet inla, ka ti a a.

SAM LEHKHABU THE PSALMS 89:3

“Ka mi tel chu tawh thugawlh ka siem a, Ka sawntawlawi David kawmah ka kihâksiel ta a;

DAN NIHNA 7:12

“Chun, hiti hi hi’n tin, zie thutanna haw hi na ngaihsak u a, na zuih u a, na hih u chun na pileputeu kawma Lalpa na Pathien un kihâksiel a a thuthun leh lungsietna chuh na chungu ah nga’n tin;

EZRA 1:2

Persia leng Kura chun hiti hin a tii: “Khawvel gam cheng hi Lalpa van Pathien chun ei pie ta a; chuleh Juda gama Jerusalem achun A In sa dingin thu ei pie tai.

NEHEMIA 2:4

Khutichun, leng chun ka kawmah, “Banga na deih?” ti’n ei dawng a. Khutichun, van Pathien kieng achun ka paucham ta a.

NEHEMIA 4:8

Tichun, Jerusalem hun do a sukbuoi guo’n a bawn un a kihogu tau a.

SAM LEHKHABU THE PSALMS 76:8

Na vaihawmna thu chuh van apat in na hun sulang seka; Lei hi a lau a, a thip hiet hiet a.

SAM LEHKHABU THE PSALMS 89:8

Aw Lalpa, sepaihte haw Pathien, Aw JAA, nang tawbang mihat kuo a um a? Na muon um na chu na kimvel ah a um ngâl a.