NEHEMIA 1:4 - PATHIEN LEKHABU THIENGTHO (BSI)

⁴ Chun, hiti hi ahi a, zie thu chuh ka zak phetin, ka chutha a, ka kap ta a; ni bang zat ahim chuh anngawl in lungkham takin van Pathien masang ah ka paucham a.

NEHEMIA 1:4 ပူးပေါင်းရင်းမြစ်များ

2 SAMUEL 12:16

Khutichun David in zie naupang ding chun Pathien kawmah a ngên a; chun David chun an te ngâwl a, a luta, zankhuo’n tuol ah a kuol ta a.

2 LENGTE 22:19

‘Zie mun leh a sunga chêngte hi gawt leh, hansie dawl in hung um un au, tih thu ka gen kha na zak a, na lunggilte a nem a, Lalpa masanga na kingaihniem a, na puonte na bawhthek a, ka masanga na kah ziekin, Ken le na thu chu ka na zai,’ Lalpa’n a tii.

2 KHANGTHUBU 6:13

(Solomon in sumeng dawhkhâng a sauhlam tawng nga, a letlam tawng nga, a san lam tawng thum a siem Ho-In huongsung lai taka a tun chung a chun a chu a, Israel kikhawmkhawmte chengcheng ma achun a khupdin a, van lam nga’n a bân a zaka,)

EZRA 1:2

Persia leng Kura chun hiti hin a tii: “Khawvel gam cheng hi Lalpa van Pathien chun ei pie ta a; chuleh Juda gama Jerusalem achun A In sa dingin thu ei pie tai.

EZRA 10:1

Chun, Ezra chuh Pathien In lam zuon in bawkkhup a kap kawm in a paucham a, ti a chuh thupha chawia a paucham lai chun Israel chate chuh a mei-apa, a si a sen in a kawma chun a hung kikhawm u a, tichun, mipite chuh ngeih tak in a kap tau a.

EZRA 9:3

Zie thu chuh ka het phetin ka silhlechen ka bawtthêk a, ka luchang a ka sam leh ka khabemul ka bawttha a, lungkham in ka chu tha a.

EZRA 9:5

Chun, nitâk lam kithawih hun chun ka lungkham na apat chun ka puonâk leh ka puonsilh sie chuh silh kawm in ka kipan dawka; chun, khupdin a Lalpa Pathien lam nga’n ka bân ka zak a.

NEHEMIA 2:20

Khutichun, amau chuh hiti hin ka dâwng a, “Van Pathien in ei lawhtit sak intin, khutichun, kei uh a suokte hi kipan ing ka tingun, tung ding kit ding ka hiu hi; nang hawn vang Jerusalem ahin chanvo leh thuneihna ahim, khutnung thang ahim na nei puou hi,” ka ti a.

NEHEMIA 2:4

Khutichun, leng chun ka kawmah, “Banga na deih?” ti’n ei dawng a. Khutichun, van Pathien kieng achun ka paucham ta a.

SAM LEHKHABU THE PSALMS 102:15

Khutichun namte chun Lalpa min chuh lau un tin, Lei a lal chengcheng chun na lopina chuh lau un au.

SAM LEHKHABU THE PSALMS 136:26

Aw, van Pathien kawm achun kipahthu gen un; A zahngaihna chuh kumlekhuo a um ding ahi ngâl a.

SAM LEHKHABU THE PSALMS 137:1

Babulon lui pang haw achun, Zie chun ka chuu a, ahi, ka kap sek ui, Zion ka ngaihtuoh tieng u leh.

DANIEL 10:2

Zie hun sung chun kei Daniel chuh lusûn bangin hapta khat pumlum ka um ta a.

DANIEL 2:18

Babulon miching dangte laka Daniel leh a lawite chuh thah khawm a hih lohna ding u a van Pathien kawma lungsietna leh mang umzie hilhchet theihna pie dinga ngên dingin a hilh ta a.

DANIEL 9:3

Tichun, an ngawlin, kawlladip puon silh in, vut laka kibuol in, Lalpa Pathien kawm achun phachuomngai takin ka paucham ta a.

JONA 1:9

Jona chun a kawm u ah, “Hebrai mi ka hi a; Tuisuohgiet leh leisiet siempa Pathien chuh ka lau a ahi,” a ti a.

ZEPHANIA 3:18

Na mite kikhawpna a tel phalote chuh kaikhawm ing ka, nang zieka gensietna thuok te chuh!

ROME 12:15

Kipakte chuh kipahpih unla, kapte chuh kahpih un.