NEHEMIA 1:3 - PATHIEN LEKHABU THIENGTHO (BSI)

³ Amau chun ka kawmah, “Saltâng pawtdawkte leh zie gama nutsieh te chuh sukgimtheih leh gensiet ahiu a; tichun, Jerusalem kulhbang haw chuh a chim lem lum mai a, a kawtkhak haw le mei a hâltum in a um hi,” tih ei hilh u a.

NEHEMIA 1:3 ပူးပေါင်းရင်းမြစ်များ

1 LENGTE 9:7

Israel te haw hi gam ka piek apat chun hih mangthai ing ka ting; zie ka min a dinga ka hih thiengtho sa hi ka mitmuh ngêi in paih ing ka. Tichun Israel te hi namtin chengte lak ah muhsit leh thupil a gensiet mai hung hi’n a.

2 LENGTE 25:10

Chun, mi veng pawl lawiupa kawma um Kaldai sepaihte chengcheng chun Jerusalem kimvel a kulh chu a suchim vek u a.

2 KHANGTHUBU 36:19

Ho-In leh khawpi chu a hâl a, leng in leh a hauhsak na chengcheng te tawh, chun, khawpi kulh bâng chule a suchim a.

EZRA 2:1

Ziehaw hi Babulon leng Nebuknezar in Juda leh Jerusalem a kipat a sala a puihdawk Juda, gama vaikit te, mitin amau khaw lam chieta vaikit te chuh ziehaw hi ahiu hi.

EZRA 5:8

Zie hi leng in a na za hen: Juda gama Pathien lopitak In haw chuh sak ahi tai, a bang thing a kisa, thanuom tak leh lamzang taka a sak nau a chun ka chieh u a.

NEHEMIA 11:3

Ziehaw hi gambung lawiupa Jerusalem a cheng haw chuh ahiu (amah vang Israel khenkhat, thiempute, Levi chite, Ho-In a nasemte, Solomon suokte suon haw chuh Juda khawpi a chun a cheng u a, khawpi chuom chuom a chun amau gam chietah a cheng u a).

NEHEMIA 2:13

Chun, zan in guom kawtkhak achun ka pawtdawk a, dragon tuisutdawk leh êk kawtkhak lam chuh ka zuona, Jerusalem kulh chim sa leh a kawtkhak mei in a kâk tum haw chuh ka en viela.

NEHEMIA 2:17

Khutichun, a kawm u ah, “I chansiet zieu hi na muu a, Jerusalem siet dân te leh a kawtkhak te a katum tai tih le na heu hi. Hung tiem u, gensiet I hih loh na dingun Jerusalem kulhbang chuh sapha kit hitiu,” ka ti a.

NEHEMIA 2:3

Chun, kei chun leng kawmah, “Leng chuh kum khuo’n dam zing hen; bang zieka lungkham mel pu lo ding ka him, ei suonteu thân umna khuo chuh a hawm zo ta a; a kawtkhak haw le mei in a katum suok ta ngâla,” ka ti a.

NEHEMIA 7:6

Sala puih mang, Babulon leng Nebuknezar in a puih te laka saltâng vaikit a Jerusalem leh Juda gama amau khuo chieta chieh kitte leh zie gama nutsieh haw chuh ziehaw hi ahiu hi.

ESTHER 1:1

Leng Ahasuer a lal lai in hiti hi a hung hi a (Ahasuer chuh India apat a Ethiopia chana gambung za leh sawmnih leh sagih chung a leng ahi a).

SAM LEHKHABU THE PSALMS 79:4

Ka kimvel u a mihaw gensiet in ka um u a, Ka kiengvêl u a mite muhsit leh nuihsan in ka um tau hi.

THUCHINGTE 25:28

Mi amah lungthim thunun zo lo chuh; khawpi sie sa, kulhbang bei tawbang ahi.

ISAI 43:28

Zieziekchun, mun thiengtho a na leng chate chuh hih buok ing ka ting, Tichun, Jakob te chungah sietna huoisie tak ka tun saka; Israel chule sukmuolpho in a um tau hi, ti’n.

ISAI 5:5

“Tuhin, ka grep huon chunga ka hih ding chuh hun hilh ing ka; a ling dai chuh lamang ing ka ting, nek zawhin um in tin, a suong pal chuh suchim ing ka ting, gamsate tawhden in um ina.

JEREMIA 24:9

Gimthei taka lei chung lalgam tina nawh viela um dingin leh, ka nawhmang na gam haw chenga gensiet ding leh, tehkalna leh, gaih leh hansie buok khum hi dingin pie’ng ka!

JEREMIA 29:18

Tichun, chemzâm leh kiel leh hipite’n delh zui ing ka ting, lei chunga lalgam haw lak ah zahhuoi takin siem ing ka ting, amau haw ka thehzak na gam haw achun, maksak ding leh, chekkhum a hansie buok khum leh gensiet dingin siem ding ka hi.

JEREMIA 39:8

Chun, Kaldai te chun leng In leh a mite In chuh mei in a hâl u a; Jerusalem kulh bâng haw chule a suchim vek tau hi.

JEREMIA 42:18

“Sepaihte Lalpa Israel Pathien chun hiti hin a tii; Jerusalem a chêngte chunga ka lungnatna ka sunthak mah bangin, Aigupta gama na lut tieng u leh na chung u ah ka lungnatna sungtha’ng ka; hansiedawl leh maksak leh mi mûk chuonna leh gensiet hin na tin uh, zie mun hih mu kit ta hiel puo’n lau”.

JEREMIA 5:10

A grep huon pal haw achun kal unla, susieu un. Amahvang chuh na suksiet vek loh dinguh ahi a, a bâk haw chuh thiek unla, Lalpa a a hi puoh ngâl u a tih hi Lalpa kamsuok ahi.

JEREMIA 52:14

Chun, Kaldai sepaih chengcheng, leng gâlveng lawiupa kawma um te chun Jerusalem kulh bâng haw chuh abawn in a suchim vek u a.

SUNNA LA 1:7

Zie banga thawmhau taka a um lai chun, Jerusalem chun a malai lopinate kha a hedawk sek a; Melmate khuta a puksiet lai in kuomah amah panpih ding himhim a um puou. A melma teu chun a puksietna chu a nuihsan tau a.

SUNNA LA 2:9

A kawtkhakte chu leia tumin, a kamnate chu suksiet vek ahi tai. Tuhin, leng leh a milienteu chu salin a um tau a. Dante kihilhna a um ta puoh a, thiemgaute chun Lalpa apat thilmuh a nei ta puou hi.

SUNNA LA 3:61

Aw Lalpa, ei gensietnau leh, ka chunga thil phalo a hih guot cheng u chuh na he suok a.

SUNNA LA 5:1

Aw Lalpa, ka chung u a thil tungte hi hezing inla; Ei hun en inla, ka zahchaknau hi mu’n.

THIEMPUDANTE 26:31

Na khawpiteu chuh suhawm ing ka ting, na pathien hona mun teu hihsie’ng ka ting, na kithawihnateu chuh pawm ta puo’ng ka.

THIEMPUDANTE 26:33

Chun, nam dangte lak ah hun thehzak ing ka ting, ahun delh dingin chemzâm chuh zûk dawk ing ka; tichun, na gam u chuh a hawm in um intin, na khawpiteu chuh suksiet sa a nutsieh in um ina.