NEHEMIA 1:11 - PATHIEN LEKHABU THIENGTHO (BSI)

¹¹ Aw Lalpa, ka hun ngên hi, na suok pauchamna leh na min kihchakna a kipâk sek, na suok pauchamna ahin na bil hun dawh inla; tuni hin na suok hi ei lawhtit sak in, tichun, zie mite mitmuh ahin zahngaihna lat sak in,” ti’n ka paucham a. Kei chuh leng khawn pie ka hi ngâla.

NEHEMIA 1:11 ပူးပေါင်းရင်းမြစ်များ

THILSIEMBUL 24:42

“Tichun tuni hin tuikhuk ka hung tung a, Aw Lalpa, ka pu Abraham Pathien, ka chiehna ahi nei lawhtin sak ding chun,

THILSIEMBUL 32:11

Lungsiet takin ka u khut apat, Esau khut apat ngêi hin, ei hukdawk in: numei leh naupanghaw puma ei thah ding ka lau ngâl a.

THILSIEMBUL 32:28

Amah chun, “Na min chuh Jakob hita puo’n tin, Israel hizaw ta’n a; Pathien leh mihing na suol a, na zo ta ngâl a,” a ti a.

THILSIEMBUL 40:1

Chun, zie thil haw nung chun hiti hi ahi a, Aigupta leng uain piepa leh a chângthâk siem lawiupa pên chun a puu Aigupta leng chuh a sulungnau a.

THILSIEMBUL 40:2

Tichun Pharaoh chuh a suokte laka lawiupa nih chungah, a uain pie lawiupa pên leh a chângthâk siem lawiupa pên chung achun a lungna ta a,

THILSIEMBUL 40:21

Joseph in amau a hilhchet sak guol tak khan, uain pie lawiupa pên chuh uain pie’n a pansak kit a; tichun, khawn chuh Pharaoh khut achun a pie ta a;

THILSIEMBUL 40:23

Himahlele uain pie lawiupa pên chun Joseph chuh a hepha ta hiel puoh a, a hengilh kêi tai.

THILSIEMBUL 41:9

Zielai chun uain pie lawiupa pên chun Pharaoh kawmah, “Tuni hin ka diklohna haw ka hun hedawk hi.

THILSIEMBUL 43:14

Tichun na suohpihpau khat leh Benjamin chuh a hun thahdawk na dingin, Pathien Bangkim hihthei chun zie pa chuh nanguh hun lungsiet sak hen. Ka chate chuh ka chân leh ka chân hi mai ven ti,” a ti a.

2 KHANGTHUBU 6:40

“Aw ka Pathien, lungsiet takin na mit hun hak inla, zie mun a pauchamna lam ahin na bil hun dawh in.

EZRA 1:1

Persia leng Kura vaihawm kum khatna ah Jeremia kama Lalpa thugen chuh a guitun theih na dingin a gamsung a phuonzak ding leh zik thawh ding in Lalpa’n Persia leng Kura lungthim chuh a chawktho a.

EZRA 7:6

Ezra chuh lehkhazik mi, Lalpa Israel Pathien piek Mosi dân thiem tak ahi a; Lalpa a Pathien in a deihsak bangin a thil nget cheng chuh Lalpa’n a phalsak zel hi.

NEHEMIA 1:6

kei lam ah na bil hun dawh inla, na mi Israel chate a ding a sun leh zan a paucham zing na suok hi ei hun ngaitha’n. Na chungah ka na gilo tau hi tih ka phuong a, ka pileputeu leh kei mau ngêi hi ka na gilo tau hi; ahi, kei leh ka pa inkuon te’n thil ka na hihkhiel tau hi.

NEHEMIA 2:1

Chun, hiti hi ahi a, Artezerzias kum sawmnih a lal kum, Nisan tha a uain a hun luih nung un, uain chuh ka la a, leng chuh ka pie a. Ni dang in a masang achun lungkham mel ka pu kha puoh a.

NEHEMIA 2:8

Chun, lengpa gammâng veng Asaph muh dingin lehkha leng in zik hen la, khawpi kulh siemna ding leh kulh kawtkhak te siem na ding thing leh ka va luoh ding In sak na dinga thing ei piek theih na dingin, ka ti a. Chun, ka Pathien ei deih bangin leng chun ei phalsak ta a.

SAM LEHKHABU THE PSALMS 106:46

Sala puih haw cheng chun Amau haw a lungsiet sak a.

SAM LEHKHABU THE PSALMS 130:2

Lungsiet ka ngetna aw hi Na nakhang in ngaihsak hen.

SAM LEHKHABU THE PSALMS 61:5

Aw Pathien nang chun ka thutiem haw na ngaitha ngâla; Na min kihchate gam luoh chuh nei pie a.

SAM LEHKHABU THE PSALMS 86:6

Aw Lalpa, ka pauchamna ahin nakhang a na dawh inla; Lungsiet ka ngetna aw hi ngaitha’n.

THUCHINGTE 1:29

Aziek chuh, hetna chuh a deih puou a, Lalpa kihchak chuh a tel zawk loh ziekun.

THUCHINGTE 21:1

Lalpa chun leng lungthim chuh a thunun a, luicha tui luong bangin a ut dân dân in a pui kawi sek hi.

JEREMIA 42:12

Chun, na chung u a zah a ngaih theih na dingin zahngaihna phalsak ing ka ting; na gam ngêi u achun hun puikit ing ka.’

MALAKI 3:16

Tichun, Lalpa kihchate chuh a kihotuoh u a: Lalpa chun I thugenteu a ngaitha a, a na za a, Lalpa kihchate leh amah limbawlte a ding chun hetzing na lehkhabu chuh a masang ah zik ahi ta a.

HEBRAI 13:18

Nei paucham sak zingun. Hun tina thil diktak hih I nawp sek ziekuh hin, sielephahetna thieng tak I nei ui tih, I he ngâl uh a.