NASEPTE 8:4 - PATHIEN LEKHABU THIENGTHO (BSI)

⁴ Tichun, a tai zakte chuh khuo tin ah a chieh u a, thu a gen zel tau a.

NASEPTE 8:4 ပူးပေါင်းရင်းမြစ်များ

NASEPTE 11:19

Chun, Stephan chungchanga sukgimtheihna hung um zieka tai zakte khah, Phoinikia gam, Kupra tuikuol leh Antiokei khuo haw chuh tung in a chieh u a, Judate kawm tihloh achun, kuomah dang kawmah thu a gen puou hi.

NASEPTE 8:1

Saul chun le a thih chuh a ki-awi a. Zie ni chun, Jerusalem khuo a Sapchuom um haw chun sukgimtheihna nasatak a thuok pan tau a. Sawlchakte tihloh, gingtu dang chengcheng chuh, Judea leh Samari gam khuo tin ah a dalh vek tau hi.

MATTHAI 10:23

Khutichun, zie khuo a hi a hun bawl phatloh tieng u leh, khuo dangah taihsan un. Tihtakzet a ka hun hilh na hiu hi, Mihiem Chapa a hung ma’n Israel khuo haw chu tawh suok puo’n lau.

1 THESSALONIKA 2:2

A thâwn hih malak in, Thessalonika khuo a na kawmuh a ka hung masang u a, Philippi khuo a sukgimtheih leh zahhuoi taka bawla ka umdanteu kha na heu a. Dodalna nasatak um mahleh, ka Pathien un amah apat a Chanchin Pha chuh gen dingin hansanna ei pie a.

NASEPTE 15:35

Paul leh Barnabas vang chuh, Antiokei khuo achun Lalpa thu sinsak leh gen in, mi dang tamtak tawh a um zing tau a.

LUKE 1:2

Zie thil haw a tûng apat phuongte leh mute chun, ei hilh tâk guol u khan a zikuh a.

NASEPTE 8:12

Himahlele, amau haw chun, Pathien Gam Chanchin Pha leh, Isu Krista Chanchin Pha Philip in a gen chuh a ginchak phet un, a mei a pa’n baptistma a chang tau a.