NASEPTE 8:1 - PATHIEN LEKHABU THIENGTHO (BSI)

¹ Saul chun le a thih chuh a ki-awi a. Zie ni chun, Jerusalem khuo a Sapchuom um haw chun sukgimtheihna nasatak a thuok pan tau a. Sawlchakte tihloh, gingtu dang chengcheng chuh, Judea leh Samari gam khuo tin ah a dalh vek tau hi.

NASEPTE 8:1 ပူးပေါင်းရင်းမြစ်များ

NASEPTE 22:20

Chuleh, na thu hetpihpa Stephan a thah lai u khan, kei le a kieng u ah ka ding a, pha ka na sakpih ngêi a, a thatte puonhaw le ka na etkawl sak ahi,’ ka ti a.

NASEPTE 7:58

khuo apat chuh a nawhdawk u a, suongin a sep u a, a hetpihte chun tangval khat, a min Saul a tihpau keng bul achun a puonhawu a kawih u a.

NASEPTE 5:40

Tichun, sawlchakte chuh a sam lut u a, a zêp u a, tichun, Isu min a thu gen kit lo hiel dingin thu a pieu a, a thahdawk tau a.

NASEPTE 5:33

Chun, vaihawmte chun zie thu haw chuh a zak phet un, a lung uh a khei mah mah a, thah mai a ut tau hi.

NASEPTE 1:8

Himahlele, Thagau Thiengtho chuh na chung u a a hungtun tieng leh, thilhih theihna hun nei unlau, tichun, Jerusalem khuo ale, Judea leh Samari gam khuo tin ale, kâwlmawng tiengin ka thu hetpihte hi’n lau,” a ti a.

NASEPTE 8:14

Chun, sawlchak, Jerusalem khuo a umte khan, Samari khuo a mite’n Pathien thu a awi ui tih a zak un, a kawm u ah Peter leh Johan chuh a sawl u a.

NASEPTE 9:31

Khutichun, Sapchuomte chuh Judai gam vel ale, Galili gam vel ale, Samari gam vel haw achun a det deuh deuh tau a, muong takin a um tau hi. Lalpa limbawl in, Thagau Thiengtho lungmuon in, a um u a, a hung pung tiltil tau hi.

NASEPTE 8:4

Tichun, a tai zakte chuh khuo tin ah a chieh u a, thu a gen zel tau a.

JOHAN 15:20

‘Suok, a pu sangin a lopi puoi’ tih ka hun hilh na hi tau kha, hezing un. Amau in kei ei bawlsiet tâk u chun, nang haw le hun bawlsie’n au; ka thu a zawp tak u chun nang haw thu le zawp un au.

HEBRAI 11:27

Taksanna ziekin leng lungnat chuh lau lo in, Aigupta gam a taihsan a, muhtheihlohpa chuh a muh ziekin a thuok tuntun a.

PHILIPPI 1:12

Chun, suohpihte, ka chunga thil hungtunghaw khah Chanchin Pha masawnna ding zawk a hi tih na hetuh ka nuom hi;

NASEPTE 13:1

Chun, Antiokei khuo a Sapchuom umte haw lak achun thiemgau leh mi sinsakte a um u a; ziehaw chuh: Barnabas te, Sumeon Niger a tih teu, (Niger chuh “Vawm” tihna ahi) Kurini khuo a um Lukias te, leng Herod vaihawmna ina mi khat Manaen te, leh Saul ahiu hi.

NASEPTE 7:38

Amah chuh ahi, gamthip a mi kikhawmkhawmte laka, Sinai tânga hopihpa vânsâwlchâk kawm leh, ei uh ei suonte kawma um khah; amah chuh, ei piek sawn dinga thuhing haw lapa chuh ahi.

NASEPTE 5:20

“Chieh unla, Pathien Ho-In ah va ding unla; mite kawmah zie hinna thak thu chengcheng hi va gen un,” a ti a.

NASEPTE 5:18

Khutichun, sawlchakte chuh a man u a, vantâng suongkul a chun a khum tau a.

NASEPTE 2:47

Pathien a pakchau a, tichun, mi cheng cheng deihsakna a lawh sek ui. Tichun, hukdama um masa tiem chuh, Lalpa’n nicheng in a kawm u ah a tel sak zel sek hi.

JOHAN 16:2

Kikhawpna In apat a nawhdawkin um un na tin uh, chuleh, Pathien chunga thilpha bawla kingai a, nang haw a hun thah hun uh hung tung ding a hi.

MATTHAI 23:34

Ngaitiem u, ziebang tak chun na kawm u ah thiemgaute, miching te, danthuzikte hun sawl ding ka hi; abang chuh that un na tin uh, kross ah khên den unlau, a bang chuh na kikhawpna In hawu ah savun khau in zêp un na tin uh, khaw tin ah bawl gimthei zui zel unlau.

MATTHAI 22:6

mi dangte chun a suokte chuh a man u a, zahhuoi takin a bawl u a, a that tau a.

MATTHAI 5:13

“Lei chi na hiu hi; himahlele chi hi tam ta leh, bang in a hih al kit ta die? Zie a kipat chun paih dawk a, mihiemte tawhphah maimai ding ngâllo chun bangmah in a mat theih puoi.

DANIEL 6:23

Ziephet chun leng chuh a kipâk ta mah mah a, Daniel chuh sakeikul apat a lâkdawk ding thu a pie ta a. Tichun Daniel chuh sakeikul apat chun a ladawk u a; Pathien a taksan ziekin suknat in a um puoi tih a mu tau a.

DANIEL 6:10

Khapna lehkha achun leng Darius chun a min a zik tai tih a Daniel in a het phet chun In ah a lut a. (A pindan tukvan chuh Jerusalem lam nga a kihawng ahi a) A hihdan ngeina guolin, khupdin in, ni khatin thum vei a paucham a. Pathien kawmah kipahthu a gen a.

NEHEMIA 6:3

Chun, ken a kawm u ah, “Na lopi tak sem ka hi a, ka hung suk thei puoi. Bang ziekin em na kawm u a ka hung suk kal a ka nasep chuh a chawlh mai ding?” ti’n mi ka sawl a.

NASEPTE 7:54

Zie thu haw chuh a zak phet un, a lung uh a vilh ta a, Stephan chung achun a hau a gawi u a.

NASEPTE 8:2

Chun, Pathien ngaihsak kuote a him in Stephan chuh a vui u a, nasatak in a kah u a.

NASEPTE 8:5

Chun, Philip chuh Samari khuo ah a va chieh a, a kawm u ah Krista thu a tângsap pih a.

NASEPTE 13:36

David vang, Pathien vaihawm sak guolin, a khan guolpihte a zenviel zawh khan, a thi ta a, amah hun suonte kawmah a siel u a, a muot mang ta ahi.

NASEPTE 26:10

Zie tawbang chuh Jerusalem khuo ah ka na hih sek a; chun, Thiempu liente kawm apat thu ka mu a, mi thiengthote laka mi tamtak suongkul ale ka na khum sek a; a thah lai un le, a thah uh phasa lam ah ka na pang sek hi.

ROME 1:32

Zie tawbang thilhihte chuh thi tâk ahi tih Pathien vaihawmna he ngâl in; amau bawl mai le hilo in, midang zie tawbang thilhihte chuh a kipahpih zaw sek nalai ui.