NASEPTE 7:52 - PATHIEN LEKHABU THIENGTHO (BSI)

⁵² Nanguh hun suonte’n, thiemgaute laka kuo a, a bawlsiet loh uh um? Mi Diktat hung ding thu hilhlawkte khah a that u a; zie Mi Diktat chuh matsakte leh thatte chuh nangmau hi na hiu apuo!

NASEPTE 7:52 ပူးပေါင်းရင်းမြစ်များ

MATTHAI 5:12

Kipak unla nasatak in lawp un, van ah na kipahman uh a um tam ngâl a; khutibangmah chun na mau a thiemgau umte khale a na bawl gimthei sek uh ahi kha.

2 KHANGTHUBU 36:16

Himahleh Pathien mi sawlte chu a na musit u a, a thugen chu a ngaihsak puou a, Thiemgau te chu a nuihsan u a, suohchak na himhim umlo khawpa, Lalpa lungnatna a mite chunga a tun ma chun.

1 LENGTE 19:10

Amah chun, “Lalpa sepaihte Pathien a ding hin phachuom ka ngai mah mah sek a. Israel chate chun lah na thugawlh a nusieh ta ngâl u a, na maichâmte a suchim u a, na thiemgaute chemzâm in a satlum u a; Kei, keimah mai hi a um sun ka hi, kei hinna le sukmangthai ding guo’n a hawl nalai ui,” a ti a.

1 THESSALONIKA 2:15

Ziete chun Lalpa Isu leh thiemgaute that in, keihaw le ei sugimthei u a. Pathien a sukipak puou a, mi chengcheng le a kikalhpih sek ui.

JEREMIA 2:30

Na chateu ka zêp a la a phachuom puoh a; a phatpih diek puou hi. Sakeibaknei gawlham tak bang mai in na chemzâm teu in thiemgau te a that zo ta a.

THUPHUON 19:10

Tichun, amah ho dingin a keng bul achun ka khupbawk a, himahleh amah chun, “Khutichun hih ki’n khai! Kei chuh nangmah leh na suohpihte, Isu thu hettuoksak haw sawntawlawi chanpih ka hi a puo; Pathien ho zaw ta’n! Isu thu hettuoksak thudik khah, thiemgaute hatkhum sek khah a hi ngâl a!” a ti a.

1 JOHAN 2:1

Ka naute, thil na sukkhelh lohna dinguh a zie thu hi na kawmuh a ka hun zik ahi. Chun kuo’n le thil a sukkhelh chun, Pa kawma ei nget sakpa, Isu Krista mi diktat chuh I nei ui.

NASEPTE 22:14

Chun, amah chun, ‘Ei uh ei suonte Pathien in, amah deihlam he ding leh, a Suok Diktat chuh mu ding leh, amah kam ngeia a thugen za dingin a hun tel na hi.

NEHEMIA 9:26

“Himahlele, thu awilo in na chungah a kiphin u a; na dân a nungngat u a, nang lam a hun puihkit guo thiemgaute chuh a that u a, lungnat um takin thil a hih u a.

1 PETER 1:11

Zie hun chuh bangtik a hi dem, tih leh bangti’n a a hungtun ding, ti’n hah takin a na sut sek uh ahi. Zie chuh, Krista Thagau amau a um chun, Krista thuokna ding haw leh, zie nunga lopina hung um ding haw kawka a genlawk lai u khah ahi.

NASEPTE 4:10

nanghaw leh, Israel mite cheng chengin zau un, Nazareth Isu, kross a na khetdên uh, Pathien in mithi lak apat a a kaihthawh kit khah, amah min mawng chun, zie pa hi, tak ahin na masang u ah dam in a ding a hi tai.

NASEPTE 3:24

Ahi, Samuel um apat thiemgau chengcheng leh a nunga mite tawh, thugen chengcheng khan tulai chanchin hi a na genlawk sek uh ahi.

NASEPTE 3:18

Malai pek a kipatin, Pathien in a thiemgaute mang in, Krista’n dahum a thuok ding thu a na genlawk ta a, zie guol hin a hun tun sak ahi tai.

NASEPTE 2:23

Amah chuh Pathien lemguot leh hetlawk bangin, a matsak u a, nangun migilote khut in kross ah na khêndên u a, na sulum tau a.

ZEKARIA 9:9

Aw Zion chanute haw! lawp un, lawp un nang haw, Jerusalem chanute lâwpin kiko dawk un! En un, na leng chuh na kawmah a hung hi! Amah chuh guolzo leh guol chungchuong in! Kingainiem takin sabiltung chungah a chu a, sabiltungno chung ngêi achun.

JEREMIA 26:23

Tichun, Aigupta gam apat in Uria chuh a puidawk u a. leng Jehoiakim kawmah a hun pui u a, amah chun chemzâm in a na that a, a luong chuh mi vantâng thân ah a vui tau hi.

JEREMIA 26:15

Kei nei suklup u leh vang nang u leh zie khawpi leh mipite chungah mi dik thisan phuba tunsak ngêi ding na hiu tih kihet un; diktak in zie thu haw hi na zak u a gen dingin Lalpa’n na kawm u a ei sawl ka hi ngâl a,” a ti a.

JEREMIA 20:2

Ziephet chun, Pashur chun thiemgau Jeremia chuh a zêp a, Lalpa In a Benjamin kawtkhak chungnung a suongkul a chun a khum ta a.

1 LENGTE 19:14

Amah chun, “Lalpa sepaihte Pathien a dingin phachuom ka ngai mah mah sek a. Israel chate hin lah na thugawlh a nusieh u a, na maichâmte a suchim u a, na thiemgaute chemzâm in a that u a; kei, keimah mai hi a um sun ka hi, kei hinna le sukmangthai ding guo’n a hawl nalai ui,” a ti a.

THUPHUON 3:7

“Chun, Philadelphia khuo a sapchuom haw lawi vânsâwlchâk kawm achun hiti hin zik ah: “Mi thiengthopa, mi dik pa, David chabi neipa, kuomah khâk loh dinga hawng a, kuomah hawn loh dinga khakpa khan, zie thu haw hi a gen a hii:

2 KHANGTHUBU 36:15

Lalpa a pileputeu Pathien chun amau haw leh Ho-In chu humbit a nawp ziekin, a hilhgaih dingin thiemgau te a sawl zel a.

LUKE 6:23

Zie tawbang chuh a hungtun tieng leh kipâk unla, lâwpin kichawm un; van ah na kipahman uh a um tam ngâl a. Khutibangmah chun a suonteu inle thiemgaute chungah a na hih sek uh ahi kha.

JOHAN 16:10

Diktatna thu ale thiemmawh chang un au; Pa kawma chieh ding ka hi a, nangun nei muh kit tâk loh ding ziekun;

2 TIMOTHE 3:4

dawha thuk te, khawksak neilote leh, chapona a dimte; Pathien hehpih sanga amah kipahna mai deih zawte hung hi ding ahi ngâl uh a;