NASEPTE 7:51 - PATHIEN LEKHABU THIENGTHO (BSI)

⁵¹ “Mi genhak, lunggil leh bil tan lohte haw! kumkhuo’n Thagau Thiengtho chuh na dodal zing u a; nanguh hun suonte hih guol zel khan na hih sek uh ahi.

NASEPTE 7:51 ပူးပေါင်းရင်းမြစ်များ

DAN NIHNA 10:16

Zieziekchun, na lungthim zek uh tan unla, lochal ta kiu in.

THIEMPUDANTE 26:41

Melmate khuta pie a, amau haw do ding khawpa ei suklungnat ziek un a gitlohnau chuh phuong un au. Atawp a, na tu leh chateu chuh a hung kingaihniem u a, a helnau leh a gitlohna ziek u a gawt a hih nung u chuleh,

EPHESI 4:30

Chun, Pathien Thagau Thiengtho chuh sulungkham kiu in, tatna ni tienga dingin amah a chuh mawhuol kinam na hi ngâl u a.

JEREMIA 4:4

Nanguh Juda mi leh Jerusalem a chêngte haw Lalpa het in zektan unla, na lunggil zek teu tan un. Na thil gilo hih teu ziekin ka lungnat na chuh mei bangin hung kuong khan tin; kuomah phelh theih loh in hun kang khâna.”

ISAI 63:10

himahleh, a chungah a kiphin uh a, lungkhamna’n a tunkhum sek uh ahi. Zieziekchun, a chungu ah Lalpa a lungna ta a, amau haw chuh a do ta a.

PAWTDAWKNA 33:5

Chun, Lalpa’n Mosi kawmah, “Nam genhak tak na hiu hi: chawmchah na lak u ah hung tel lengle hun sumangthai mai ding ka hi. Khutichun na kivannau khah kawihthau inla, tichun nang uh ka hun ngaihtuoh ding dân hethei ing ka, a tii, hun ti’n,” a ti a.

PAWTDAWKNA 32:9

Chun, Lalpa’n Mosi kawmah, “Zie mite hi ka entha zinga, ngaitie, nam genhak tak ahiu hi tih ka hêi.

PHILIPPI 3:3

Eihaw, Pathien Thagau zâla Pathien ho leh, Krista Isu kisuonpihte leh, phehlevo pawlam chunga zek le chan kibawlte chunga ginna ngalote hi, zektan haw I hizaw ngâl u a.

PAWTDAWKNA 33:3

Bâwngnawi leh khuoizu luonna gam achun chieh to un; kei vang na lak u ah hung to lo ding ka hi, a ziek chuh nam lochal tak na hiu a, lamkal ah hun sumangthai vek kha’ng ka,” a ti a.

NASEPTE 6:10

Himahlele, a chitna leh a genpih pa Thagau chuh a lektha thei puou hi.

JEREMIA 6:10

A hettheih ding un kuo a ka hopih ding, kuo a ka sap ding? Ngaitie, bilvih loh ahiu a, a za thei puou a, Lalpa thu chuh amau dingin nuihzat um ahi a, kipahna himhim a nei ta puou hi.

SAM LEHKHABU THE PSALMS 78:8

A suonteu banga, Suon genhak leh kiphin hât; Suon lunggil detlo, Pathien kawma lunggil muon umlo pu a a um loh na dingun.

KOLOSSA 2:11

Krista tawh pumkhata um in, zektan na hung hi tau a, mihiemte khuta zektan hilo in, Krista a zektan, sapum gilo thilhih theihna apat pawtdawk sak na hi tau hi.

ROME 2:25

Dan na zawpa a hih chun, zektan chuh nang dingin a phachuom hi; himahlele, Dan zawp lo na hih chun, na zektan chuh tan loh tawbang ahi.

NASEPTE 7:39

“Himahleh, ei uh ei suonteu chun a thu a zawp nuom puou a, a hawu a,

NASEPTE 7:27

Himahlele, a inveng chunga thil diklo bawl zawpa chun Mosi a sawn dawk a, ‘Ka chung u a, lawiupa leh, vaihawm dinga kuo a hun siem?’

NASEPTE 7:9

“Chun, chisep zakte khan Joseph a mitthîp u a, Aigupta gam lam ah a suok in zuok tau a, himahleh, Pathien a kawmah a um a,

EZEKIEL 44:9

“Lalpa Pathien chun hiti hin a tii; gamdang mi kuomah, phehlevo leh lunggil zektan lohte, Israel chate laka gamdang mi mawngmawng chuh ka mun thiengtho a a lut loh dinguh ahi.”

EZEKIEL 44:7

Ho-In chuh gamdang mi, zektan loh te chuh lut sak in a hihbuok uh a, kithawihna thau leh thisan te chuh ka kawma lat a hihlai in, ka thu ngailote chuh Ho-In achun a lut u a. Khutichun, ka mite chun, a thil kihdak-um hihteu chun ka thugawlh a bawhsieu hi.

NEHEMIA 9:30

Himahleh, kum tamtak amau haw na ngaitha a, na thagau in thiemgaute mang in na hilh seka; himahlele, a nakhang uh a sungawng u a, zieziekchun, a gama mite khut achun amau chuh na pie ta a.

DAN NIHNA 31:27

Na hel hât zieu leh na lochal zieu hi ka he ngâla; ngaitiem u, tu a ka hun dam pih laia hi bawn Lalpa chunga hiti hel zing na hiu a, ka thih tieng vang leh bang tawbang phetin na huhel ta ding um!

EZEKIEL 2:4

Mi luhlul leh lochal ahiu a, a kawm u a ka hun sawl na hi; a kawm u achun, ‘Lalpa Pathien chun hiti hin a tii,’ na tih ding ahi.

JEREMIA 17:23

Himahlele, amau in a ngaitha puou a, a bil uh le a dawh diek puou a; thununna thu chuh a muh uh a, a het lohna dingun a lunggil uh a sukhauh zaw ngâl uh a.

ISAI 48:4

Mi genhak na hiu a, na ngâwng u chuh kahpathik banga khauh leh na chalpâng u chuh sumeng banga tâk ahi tih ka het ziekin.

SAM LEHKHABU THE PSALMS 75:5

Na kiu chu chunglam ah dawmsang kiu un; Ngawng chang hiel in thu gen kiu un.”

NEHEMIA 9:16

Himahleh, amau leh ka pileputeu chun chapo takin thil bawl in a kisuluhlul u a, na thupiek chuh a zawp ta puou hi.

2 KHANGTHUBU 30:8

A gen hak bangun um kiu inla, Lalpa thu hi zawp un, Lalpa na Pathien un a sukthienthona, Jerusalem a Ho-In ah hung unla, Amah chu ho unla, tichun na chung u a a lungnat na hi hai ina.

DAN NIHNA 30:6

Chun, na hin theihna ding u a Lalpa na Pathien u chuh na lungthim chengcheng u leh na lunggil chengcheng u a na hehpih theihna dingun Lalpa na Pathien un nang u leh na suonteu lungthim zek hun tan sak ina.

DAN NIHNA 9:13

“Chun, Lalpa chun, ‘Zie mite hi ka et ka et leh, ngaitie, nam luhlul tak ahiu a;

DAN NIHNA 9:6

Zieziekchun, zie gam phatak hi na fel ziek u a luoh dinga Lalpa’n a hun piek ahi puoi tih hi heu in; mi luhlul tak na hi ngâl u a.

PAWTDAWKNA 34:9

“Tuhin na mit ka tun chun, aw Lalpa, ka kawm u ah hung in. Zie mite hi nam genhak tak ahi ngâl u a; tichun ka manlohnau leh ka gitlohnau ngaidam in la, na go chan dingin ei nei in.” a ti a.

NASEPTE 7:35

“Chun, Mosi, ‘lawiupa leh vaihawmpa a kuo a hun siem?’ ti a a hawt u chuh, nawnglaka vânsâwlchâk a kawma kilak khan a huh a, Pathien in amah mawng chuh, lawiupa leh hukbitpa hi kawm dingin a sawl ahi.

KISIMNA 27:14

Zin thalek a kikhawm khawm haw a phunchiek lai u khan ka thu kalh a na hel ziekin.” (Zin thalek a Meribah-kadesh tui akhan ahi),

2 LENGTE 17:14

Khutisa chun le a zawp nuom puou a, a pileputeu, Lalpa a Pathien uh gingcha lo a, genhakte bangin a genhak u a.