NASEPTE 7:5 - PATHIEN LEKHABU THIENGTHO (BSI)

⁵ Himahleh, taka hin vang chuh, bangmah mun luoh ding a kêngpêk ngakna kham le a pie puoh a; himahleh, amah leh, a nunga a suonte chana go dingin piek a tiem a, cha a na neih ma him inle.

NASEPTE 7:5 ပူးပေါင်းရင်းမြစ်များ

THILSIEMBUL 17:8

Chun, nang leh na nunga na suonte kawm achun na malzinna gam Kanaan gam chengcheng hi kumkhuo go dingin hun pie’ng ka ting; chun, Kei hi a Pathien uh hi’ng ka,” a ti a.

THILSIEMBUL 12:7

Lalpa chuh Abram kawmah a kilak a, “Zie gam hi na suon te kawmah pie’ng ka,” a ti a: tichun zie tak achun a kawma kilak Lalpa a ding chun maichâm a siem tai.

THILSIEMBUL 15:18

Zie ni chun Lalpa’n “Zie gam hi Aigupta lui apat a lui lien, Euphrates lui chanin na suonte ka pie tai:

THILSIEMBUL 13:15

gam na muh chengcheng hih nang leh na suonte kawmah kumkhuo a dingin hun pie ding ka hi.

THILSIEMBUL 26:3

Zie gam ahin um tadih inla, tichun na kawmah um zing ing ka ting, hun vangsak ing ka ting; zie gam chengcheng hi nang leh na suonte pien, na pa Abraham kawma ka kihâksiel na kha sudet ing ka.

NEHEMIA 9:8

Chun, a lungthim chuh na masanga ginum in na he a; Kanaan gam te, Hit gam te, Amor gam te, Periz gam te, Jebus gamte, Girgash gam haw chuh pie dingin thu na tiem a. Chun, mi ginum tak na hih ziekin, na thutiem chuh na suguitung a.

DAN NIHNA 34:4

Chun, Lalpa’n a kawmah, “Zie gam hi ahi Abraham leh Isak leh Jakob kawma, ‘Na suonteu pie’ng ka’, ti a kihâksiela ka na tiem kha; muh chuh ka hun muhsak ta a, hilele, zie chun chieh lo ding na hi,” a ti a.

DAN NIHNA 11:9

Bâwngnawi leh khuoizu luonna gam na pileputeu leh a suonteu piek dinga Lalpa kihâksielna gama chuh na damsawt theihna dingun tu a thu ka hun piek, thupiek chengcheng te hi na zuih dinguh ahi.

DAN NIHNA 10:11

Chun, Lalpa’n ka kawmah, “Kipan inla, mipite ma pui ah; amau piek dinga a pileputeu kawma kihâksiela ka tiem gam chuh a luoh dinguh ahi,” a ti a.

DAN NIHNA 9:5

Na fel ziekun ahim, na lungthim dik ziekuh ahim a a gam u chuh luoh ding na hi puou a, zie nam haw gitloh ziek leh Lalpa’n na pileputeu Abraham leh Isak leh Jakob kawma a kihâksielna thu sudet dinga Lalpa na Pathien un amau chuh a hun nawhdawk sak ahi zawi.

DAN NIHNA 2:5

kido pih hiel kiu in; a gam u chuh hawitak pên le, kêngpêk kithawlna phet le hun pie lo hiel ding ka hi; Seir tâng chuh Esau chanvo dinga ka piek ahi tai.

THILSIEMBUL 23:4

“Nanguh lak ahin malzin leh khawpem mai ka hi a: ka mithi luong hi ka muh loh a ka vuih mang theihna dingin na lak u ahin vuihna mun go dingin ei pieu in” ti’n a ngên a.

THILSIEMBUL 16:2

Chun, Sarai chun Abram kawmah, “Ngaitie, Lalpa’n cha ei neihsak phal puoh hi; lungsiet takin ka suoknu hi kuolpih mai in: amah apat a chuh chate ka neih khâk leh,” a ti a. Tichun Abram in Sarai thu chuh a zawp ta a.

EZEKIEL 33:24

“Mihing chapa Israel gama khawpi siesa nunga cheng haw chun, ‘Abraham khah ahih leh khat chauh a na hi a, gam chuh a na luoh a, himahleh eihaw I hih u leh tamtak I hiu a, luoh dinga gam chuh piek I hi tau hi,’ a tiu a.