NASEPTE 7:32 - PATHIEN LEKHABU THIENGTHO (BSI)

³² ‘Kei, nang hun suonte Pathien, ka hi hi, Abraham Pathien, Isak Pathien, Jakob Pathien chuh,’ a na ti a. Tichun, Mosi chuh a kilîng a, a en ngam ta puoh a.

NASEPTE 7:32 ပူးပေါင်းရင်းမြစ်များ

PAWTDAWKNA 3:6

“Chun, kei hi na pa Pathien, Abraham Pathien, Isak Pathien, Jakob Pathien chuh ka hi hi,” a ti kit a. Tichun Mosi chun a mai a khuh ta a; Pathien a en ngam puoh ngâla.

MATTHAI 22:32

‘Kei Abraham Pathien, Isak Pathien, Jakob Pathien chuh ka hi,’ Pathien chuh mithi Pathien ahi puoh a, mihing Pathien ahi zawi” a ti a, a dâwng a.

THUPHUON 1:17

Amah ka muh phet chun, a thi tawbang in a keng bul ah ka puk ta a. Chun, amah chun a khut changlam chuh ka chunga nga’n, ka kawmah, “Lau dah ta’n, Kei a Masapen leh a Nunung pên chuh ka hi.

HEBRAI 11:16

Himahleh, tu’n vang, gam phazaw sem ut a na hiu a, zie chuh van a um a hi; khutichun, Pathien chun, a Pathien uh tih a um chuh a zakcha puoi; amau dingin khawpi khat guotsa a kawih sak tâk ziekin.

NASEPTE 3:13

Abraham te, Isak te, Jakob te Pathien, ei suonteu Pathien chun, a suok Isu hi a limbawl ahi ta hi. Amah chuh na matsak u a, Pilate in thahdawk a guot nasan inle, a masang ngêi ah na deih loh uh ahi kha.

LUKE 5:8

Simon Peter in zie chuh a muh phetin, Isu masang achun a khupbawk a, a kawmah, “Lalpa, ei taihsan ah, migilo ka hi,” a ti a.

MATTHAI 17:6

Chun, sinsakte chun zie chuh a het un, maia tuol si’n a khupbawk u a, a lau mah mah tau a.

SAM LEHKHABU THE PSALMS 89:7

Mi thiengtho haw kikhawp khawmna a Pathien lauh um tak, A kiengvêl u a mi cheng cheng sanga lopi leh tizat-um chuh kuo a um ta dem?

JOB LEHKHABU THE BOOK OF JOB 4:14

Lauhna ka chungah a hung tung a, kilinna tawh, Ka guh chengcheng a hihling a.

1 LENGTE 19:13

Chun, hiti hi ahi a, Elijah chun zie chuh a het phatin, a puon-In a mai a khuh a, a va pawt a, kawlpûk kawtkhak achun a va dinga. Ngaitie, aw chun a kawmah, “Elijah, zie tak ahih bang hih na hi?” a hun ti a.

PAWTDAWKNA 33:20

Lalpa chun, “Ka mel vang mu thei puo’n la: a ziek chuh, mihing ka mel mu a hing kuomah a um puoh ngâla,” a ti a.

PAWTDAWKNA 4:5

Zie chuh Lalpa, “A pileputeu Pathien, Abraham Pathien, Isak Pathien, Jakob Pathien chuh na kawmah ahung kilak ngêi hi tih a ginchak theihna dinguh ahi,” a ti a.

PAWTDAWKNA 3:15

Chun, Pathien mah in Mosi kawm achun, “Nangin Israel chate kawm achun, ‘Lalpa nang uh hun suonte Pathien, Abraham Pathien, Isak Pathien leh Jakob Pathien chun, na kawm u ahin ei sawl ka hi a, ziehi kumkhuo a ka min chuh ahi a; ziehi suon chengcheng chana nei hetna ding u chuh ahi,’ ti’n gen in.

THILSIEMBUL 50:24

Chun, Joseph in a suohpihte kawmah, “Thi ding ka hi ta a, himahlele Pathien in hun tawhtha ngêi ngêi intin, zie gam apat hin hun puidawk in, Abraham te, Isak te, Jakob te kawma kihâksiela piek a tiem gam ah hun puito ina,” a ti a.

THILSIEMBUL 26:24

Zie zan chun Lalpa chuh a kawmah a hung kilak a, “Kei hi na pa Abraham Pathien chuh ka hi: lau ki’n, na kawmah ka um hi, vang hun pie’ng ka ting, ka suokpa Abraham ziekin na suonte chuh hun hihpung ding ka hi,” a ti a.

MATTHAI 22:46

Ziephet chun, kuoma’n kam khat chan le a dâwng thei ta puou a, zie ni a kipat chun kuoma’n thu dang himhim a dawng ngam ta puou hi.

NASEPTE 7:31

Mosi’n a muh chun, a thil muh chuh mak a sa mah mah a; chun, en dinga a va naih lai in Lalpa aw’n,