NASEPTE 7:2 - PATHIEN LEKHABU THIENGTHO (BSI)

² Chun, Stephan chun a dâwng a, “Suohpihte haw, upate haw, ngaitiem u! Ei suonpau Abraham, Haran khuo a a um maa, Mesopotamia gama a um lai khan, Lopina Pathien chuh a kawmah a hung kilak a,

NASEPTE 7:2 ပူးပေါင်းရင်းမြစ်များ

THILSIEMBUL 11:31

Chun, Terah chun a chapa Abram leh a chapa-cha, Haran chapa Lot tawh a chapa Abram zi, a monu Sarai te chuh a pui a; Kanaan gama chieh dingin Kaldai te khuo Ur apat chun a pawt khawm tau a; chun, Haran khuo a hung tung u a, tak achun a cheng tau hi.

NASEPTE 22:1

“Suohpihte haw. Pate haw, tuhin na kawm u ah ka thiemna thu, nang haw hun hilh ding ka hi, ngaithau in,” a ti a.

SAM LEHKHABU THE PSALMS 29:3

Lalpa aw chuh tui chung haw achun a gi a: Lopi na Pathien chuh ahung gi dul dul a, Lalpa ngêi chuh tui tamtak chung haw achun a hung gi a.

HEBRAI 1:3

Amah chuh Pathien lopina eng leh, Pathien hihna kibatpih ngêi, a thu thilhih thei taka bangakai vawp det pa chuh ahi. Mi chengcheng dinga gitloh ngaihdamna a siem nung in, van a, Pathien Bangakai hihtheipa khut changlam akhun a va chu ta a.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

NEHEMIA 9:7

Abram teldawk a Kaldai gama Ur khuo apat puidawk a, a min Abraham ahi ti a phuong Lalpa Pathien chuh na hi.

THILSIEMBUL 15:7

Chun, Lalpa’n a kawmah, “Zie gam hi luoh dinga hun pie dinga Kaldai haw gama Ur apat a hun puidawkpa Lalpa khah ka hi,” a ti a.

THUPHUON 4:11

“Nang, ka Lalpau leh ka Pathien uh, Lopina te, limbawlna te, thilhih theihna te, mu tâk na hi ie; Nangin thil bangkim na siem a, Na deih zieka um leh siem A hi ngâl u a,” a tiu a.

TITA 2:13

Pathien khawksaklohna leh, khawvel thil utchakna haw chuh haihsan in, tulai khang ahin pilkieu leh, diktat leh Pathien khawksa a I um dinguh ahi, tih zie hehpihna chun ei hilh ta ngâl a.

1 KORINTH 2:8

Zie chitna chuh, zie khawvel vaihawmte hin a na he kha himhim puou hi. A na he kha hi taleu chuh, lopina Lalpa chuh khêndên puo’n au.

NASEPTE 23:7

Zie thu a gen zawh zawh chun, Pharisaite leh Sadukaite chuh a kiniel tau a, vaihawmte chuh a kilangseh tau hi.

JOHAN 12:41

Isai in a lopi zie a muh leh a chanchin a gen ziekin ziehaw chuh a gen ahi.

LUKE 2:14

“Chungnung pên ah Pathien lopi takin um hen la, Lei chunga a kipahna mah mah mihiemte kawmah cham thu leng hen!” a tiu a.

MATTHAI 6:13

Thepna ah ei puilut ki’n la, Gitloh apat in ei hukdam zaw’n; Gam leh, thilhih theihna leh, lopina chuh, Kumsawt in nanga ahi ngâl a. Amen.’

ISAI 51:2

Na pileputeu, Abraham leh Sarah nanguh hun suonte khah ngaihtuoh un. Abraham ka sap lai khan cha a nei puoh a, himahlele, ka vangsak a, cha tamtak leh suon tamtak nei in ka siem ta a.

ISAI 6:3

Sepaihte Lalpa chuh “A Thiengtho ie, A Thiengtho ie, A Thiengtho ie! Lei chung pumpi hi a lopina’n a dim hi,” ti’n a kidâwng tuoh, a kidâwng tuoh u a.

SAM LEHKHABU THE PSALMS 24:10

Zie lopi na LAL chuh kuo ahi? Sepaihte Lalpa chuh, A mah ngêi hi lopina Lalpa chuh ahi. Selah

SAM LEHKHABU THE PSALMS 24:7

Aw kulhkawtkhak te haw, na luchang hawu kha dawm sang unla; Nang uh kawtkhak lunte haw kikhai sang un: Tichun lopi na LAL chuh a hung lut theih na dingin.

JOSHUA 24:2

Chun, Joshua chun mipite kawm achun “Lalpa, Israel Pathien in hiti hin a tii: ‘Na pulepateu khah malai in Lui gal lam akhan a um u a, Abraham pa Terah ngêi kha le; amau chun pathien dangte na a sem u a.

THILSIEMBUL 29:4

Chun, Jakob chun belam chingte kawm achun, “Suohpihte, khawilam mi na hiu hi?” a ti a. Amau chun, “Haran khuo mi ka hiu hi,” a tiu a.

THILSIEMBUL 12:5

Chun, Abram chun a zi Sarai leh a suohpihpa chapa Lot leh, a sum neih chengcheng tawh, Haran khuo a a suok neihteu chuh a pui a; Kanaan gama chieh dingin a kipan dawk tau hi; Kanaan gam chuh a tun phet u chun.

THILSIEMBUL 12:1

Chun, Lalpa’n Abram kawm achun, “Na khuo leh na inkuonpihte leh na pa in apat in pawt inla, gam ka hun etsakna ding lam achun chieh ah:

ISAI 37:12

Ka pileputeu chun Gozan khawpite, Haran te, leh Rezeph te hihsie’n, Telassar gama Bethedana chêngte a na that u a, a pathienteu khatcha’n le a hukdawk thei puou hi.

NASEPTE 7:1

Chun, Thiempu Lienpen chun Stephan kawmah, “Zie thu haw hi a dik em?” ti’n a dawng a.

EPHESI 1:17

chun, I Lalpau Isu Krista, Pa lopitak kawm achun, amah na kawmuh a a hung kilak a, na het theihna dingun, chitna thagau hun pie dingin ka ngên sek hi.

HEBRAI 11:8

Taksanna ziekin Abraham chuh sapa a um lai khan, Pathien in luoh dinga a tiemna gama chieh dinga a sapna chuh a zawp ta a. Tichun, a chiehna ding nasan le he lo in a chiehdawk ta a.

JAKOB 2:1

Ka suohpihte haw, I Lalpau Isu Krista, Lopina Lalpa chuh taksang kawmin, mi deihchuom nei kiu in.