NASEPTE 7:16 - PATHIEN LEKHABU THIENGTHO (BSI)

¹⁶ Chun, a luong chuh Sekem khuo a zawn tung u a, Abraham in Sekem khuo a Hamor chate laka thân, dangka suma a châwk akhan a vui tau hi.

NASEPTE 7:16 ပူးပေါင်းရင်းမြစ်များ

JOSHUA 24:32

Chun, Israel chate’n Aigupta gam apat Joseph guh a hun puok toh u khah Sekem khuo a mun, Sekem pa Hamor chate apat a Jakob in dangka zakhat a a châwk a khan a vui u a. Tichun zie chuh Joseph suonte gochan a hung hi tai.

THILSIEMBUL 23:16

Tichun, Abraham chun Ephron thu chuh a zawp ta a; chun, Abraham in Heth suonte zak in Ephron in paisa a gen zah, sekel zali, sumkawlveite’n a mat sek uh chuh a teh a, Ephron chuh a pie ta a.

PAWTDAWKNA 13:19

Chun, Mosi’n Joseph guhhaw chuh a sawm a: Israel chate kha, “Pathien in hung tawhtha ngêi ngêi intin, zie tieng chuleh, ka guhhaw hi zie apat a hi na zawn toh ding uh ahi,” ti’n a kihâksiel sak ta ngâl a.

THILSIEMBUL 50:13

a chapate chun Kanaan gam ah a zawn lut u a, Abraham in kivuihna mun go ding a Hit mi Ephron apat a a lo tawh a chawkkhawm, Mamre zawn a Makpelah lo a kâwlhâwm achun a vui tau hi.

THILSIEMBUL 35:19

Tichun, Rachel chuh a thi a, Ephrath lampi achun a vui a, Ephrath chuh tu a Bethlehem kiti hi ahi.

THILSIEMBUL 23:4

“Nanguh lak ahin malzin leh khawpem mai ka hi a: ka mithi luong hi ka muh loh a ka vuih mang theihna dingin na lak u ahin vuihna mun go dingin ei pieu in” ti’n a ngên a.

THILSIEMBUL 47:30

Ei suonte kawma ka ihmut tieng leh nangin Aigupta gam apat ahi ei zawn dawk in, amau haw kivuihna muna chuh nei vuih zawk ding ahi ei puodawk inla, amau haw kivuihna achun ei vui in,” a ti a. Joseph chun, “Na gen guol chun hun hih ing ka,” a ti a.

THILSIEMBUL 50:12

Khutichun, a chapate chun thu a piek bang takin a hih sak u a,