NASEPTE 6:9 - PATHIEN LEKHABU THIENGTHO (BSI)

⁹ Himahlele, sal Pawtte lawi, Kurini khuo a mite, Aleksandria khuo a mite kikhawpna a tihnau a mi khenkhat leh Kilikia gama mite, Asia gama mite kikhawpna a mi khenkhatte chuh a hung kipan u a, Stephan chuh a hung niel tau a.

NASEPTE 6:9 ပူးပေါင်းရင်းမြစ်များ

NASEPTE 23:34

Chun, Gam vaipawpa chun lehkha chuh a sim zawhin, Paul chuh a umna gam a dawng a. Kilikia gam mi ahi tih a het phetin

NASEPTE 22:3

“Juda mi ka hi a, Kilikia gama Tarsas khuo a pieng ka hi a, himahleh, zie khuo ahih Gamaliel keng bula sin a, seilien ka hi. Ei suonteu Dan, umzie meinei tak chuh sin a um sek ka hi a, tunia nangmau haw chengcheng guol hin, Pathien a dinga kikawih thiengtho sek ka hi.

NASEPTE 15:41

Tichun, sapchuom haw chuh hihdet kawm zelin, Suria gam leh Kilikia gam chuh a fang suok tau hi.

NASEPTE 15:23

Chun, zie tawbang hin a zik u a, a khut u ah a thâk tau a: “Sawlchakte leh suohpihte laka upate’n, Antiokei khuote, Suria gamte leh Kilikia gama Jentel suohpih umte a hun chibai ui.

MATTHAI 27:32

Chun, a hung pawtdawk lai u chun mi khat, Kurini khuo a um Simon kiti chuh a muu a, zepa chuh Isu Kross pu ding chun a man tau a.

GALATI 1:21

Zie nung chun, Suria leh Kilikia gamte ah ka chieh a.

NASEPTE 21:27

Chun, ni sagih a tin ding kuon in, Asia gama Juda mi khenkhat te’n, Paul chuh Pathien Ho-In ah a muu a, mipite chuh a tîlguu a, Paul chuh a man tau a.

NASEPTE 19:10

Khutibang ngen chun, kum nih vel a hih a; tichun, Asia gama um chengcheng, Judate leh Grikte’n le, Lalpa thu chuh a zak lawh hiel tau hi.

NASEPTE 18:24

Zielai chun, Juda mi khat, a min Apollos kiti, Aleksandria khuo a pieng chuh, Ephesi khuo achun a va chieh a. Amah chuh thugen thiem tak leh, Pathien Lehkha thu he mah mah khat ahi.

NASEPTE 16:6

Chun, Thagau Thiengtho in Asia gama thugen a khap ziekin Phrugia leh Galati gam chuh a fang suok tau a,

LUKE 21:12

Himahlele, zie thil haw a hungtun masang chun, hun man untin, hun sugimthei untin uh; kikhawpna In ah na chung thuu tan dingin hun pie dawk untin, suongkul ah hun khum un au; ka min ziekin lengte leh vaihawmte masangah hun pui un au.

MARK 13:9

“Himahleh, chingthei u; vaihawmte hun matsak un tin, chun, kikhawpna In ah zêp hi’n na tin uh; kei ziekin vaihawmte leh lalte ma ah Chanchin pha hetsakna dingin puih hi ding na hi ngâl u a.

MATTHAI 10:17

Mihiemte lak achun chingthei un, hun man un tin, vaihawmna In a hun pui in, a kikhawpna In hawu a chun hun zêp ding ahi ngâl u a.

1 KORINTH 1:20

Miching chuh khawitak ah a um hi? Dan thu zikpa chuh khawitak ah a um hi? Zie van nuoia mi nielhatpa chuh khawitak ah a um hi? Pathien in, zie vannuoi chitna hi, ngawlhuoi ahi, tih a hetsak hilo ahim?

NASEPTE 26:11

Chun, kikhawpna In tin ah ka gawt sek a, Isu thu gensiet sak ka guo hâm sek a, chun, a chungu ah ka hangsan mah mah sek a, gamdang khuo tieng inle ka sugimthei sek hi.

NASEPTE 22:19

Ziephet chun, ken, ‘Lalpa, kikhawpna In tin ah ka chieh a, na thu awi taphawtte ka man a, ka zêp sek khah a heu a.

NASEPTE 21:39

Paul chun, “Juda mi ka hi a, Kilikia gama Tarsas khuo a pieng ka hi, khawpi pawimawh taka khawpi mi hihna nei ka hi; nei lungsiet inla, mipi chengcheng te kawma hin thu nei gen sak ah,” a ti a.

NASEPTE 19:26

Zie Ephesi khuo mai ahin hilo in, Asia gamsung cheng hiel ale, Paul hin, khut a siem pathien haw hi Pathien ahi puoi, ti’n mi tamtak a thempai a, a zui tau hi tih nangmau ngêi in na muu a na he tau hi.

NASEPTE 13:45

Himahlele, Judate’n mipite chuh a muh phet un, a mitthîp mah mah tau a; Paul thugen chuh a nielkalh u a, a zehawt ten tau a.

NASEPTE 13:1

Chun, Antiokei khuo a Sapchuom umte haw lak achun thiemgau leh mi sinsakte a um u a; ziehaw chuh: Barnabas te, Sumeon Niger a tih teu, (Niger chuh “Vawm” tihna ahi) Kurini khuo a um Lukias te, leng Herod vaihawmna ina mi khat Manaen te, leh Saul ahiu hi.

NASEPTE 11:20

Himahlele, a lak u a khenkhatte chuh Kupra tuikuol leh Kurini khuo a mi ahiu a, ziete chun Antiokei khuo a tun un, Grikte le a hopih u a, Lalpa Isu Chanchin Pha chuh a gen zel u a.

MATTHAI 23:34

Ngaitiem u, ziebang tak chun na kawm u ah thiemgaute, miching te, danthuzikte hun sawl ding ka hi; abang chuh that un na tin uh, kross ah khên den unlau, a bang chuh na kikhawpna In hawu ah savun khau in zêp un na tin uh, khaw tin ah bawl gimthei zui zel unlau.

NASEPTE 6:10

Himahlele, a chitna leh a genpih pa Thagau chuh a lektha thei puou hi.

NASEPTE 24:18

Zie chuh ka lat laia, kithiensakna ka bawl zawh nung chuh ahi, Pathien Ho-In a ei muh nau chuh. Ka kieng ah mipi a um puoh a, bangmah buoina le a um puoi,