NASEPTE 5:41 - PATHIEN LEKHABU THIENGTHO (BSI)

⁴¹ Sawlchakte chuh, vaihawmte kawm apat a a pawtdawk phet u chun, Isu min zieka zahchâkna thuok taka guota a um ziek u chun a kipâk mah mah u a.

NASEPTE 5:41 ပူးပေါင်းရင်းမြစ်များ

JAKOB 1:2

Ka suohpihte haw, na chunguh a patepna tin cheng a hungtun tieng chu leh, nangmau mawng chuh vangpha’n kingai un,

LUKE 6:22

“Mihiem Chapa zieka mi’n a hun hawt u a, a hun deihloh u a, a hun gaih u a, mi phalo na hi ti a a hun gen tieng u leh mi hampha hung hi ding na hiu ui.

PHILIPPI 1:29

Krista dinga nasep theihna ding hun lemchâng piek na hiu a, amah na ginchak mai uh hilo in. amah zieka na thuok uh le phal a hi ngâl a.

JOHAN 15:21

Himahleh, keia na hih ziekun ziehaw cheng hi na chungu ah hih un au, ei sawlpa a het loh ziekun.

2 KORINTH 12:10

Zieziekchun, Krista vangin, zawnkhalna banga le, sukmuolpho a umna banga le, tâksapna bang ale, sukgimtheihna banga le, haksatna haw ale kipâk tak in ka um sek hi. Ka zawnkhal cheng leh ahi, ka hât zawk sek hi.

HEBRAI 12:2

Chun, Isu, I taksannau siempa leh subukimpa lam chuh en zing hitiu. Amah chun, a masanga lawpna a um ziek chun, zahchâkna chuh ngaidau in, kross achun a thuok a, tichun, Pathien lalchutphah changlam achun a va chu ta a.

ISAI 66:5

Nang haw, amah kihcha a, a thu zawpte haw, Lalpa thugen hi a na ngaithau in: Na suohpih teu nanguh hun hawte leh ka min zieka hun nawhdawkte chun hiti hin a tiu a “Lalpa chuh pahchak in um hen” a tiu a. Himahleh, amau haw chuh hung muolpho ding ahiu hi!

ROME 5:3

Chuleh, khuti mai chuh hilo in, I gimtheihnau ale kipâkin um hitiu, gimtheihna chun thuokhatna a siem a;

HEBRAI 10:34

Suongkul tânga thuokte chuh na lainat uh a, thil phazaw, kumlekhuo a um den ding chuh nangmau ngêiin van ah na nei ui tih kihet in, na thil neih teu hun lâksakte le kipâk takin na thuok ngâl uh a.

ISAI 65:14

Ngaitiem u, ka suokte chun lungthima kipah ziekin lawp takin la sau un tin, nang haw vang chuh lunggil a na lungkham ziekun kap un na tin; thagau a na lungkham ziekun khuoisa vungvung un lau.

ISAI 61:10

Lalpa achun nasa takin kipâk ing ka ting, ka lungthim le ka Pathien chung ah kipâk in a; amah chun hukdamna puon ei silh saka, diktatna puonâk chuol in ei thuom ta ngâla. moneipa chuh pakchavui a a kithuom a, mo chuh sana khite a a kichei bangin.

ISAI 51:7

Nang haw thil dik hete leh, ka dân thu lungthima vawpte haw, ngaithau in! Mite’n a hun musit uh a, a hun gaih tieng u leh lau kiu in;

NASEPTE 5:21

Khutichun, sawlchakte chun zie thu chuh a zawp u a, tichun, khawvak ding kuon in Pathien Ho-In a chun a va lut u a, a sinsak tau a. Ziephet chun, Thiempu Liente leh a guolteu chun, Israel lawiupate cheng leh vaihawm pawl chengcheng chuh a sam khawm u a; sawlchakte chuh a masang u a hun pui dingin suongkul a chun mi a sawl tau a.

NASEPTE 21:13

Himahleh, Paul chun, “Bang na tiu a ahim, na kah na kah uh a, ka tha na suksiet uh? Lalpa Isu min ziek chun, Jerusalem khuo ah kân maicha hi puo’ng ka ting, thih le hung thi ding ka hi a puo!” a ti a.

3 JOHAN 1:7

Krista nasem dinga a zinnau achun, Jentel te kawm apat bangmah la lo dingin a kipandawk ta ngâl u a.