NASEPTE 5:4 - PATHIEN LEKHABU THIENGTHO (BSI)

⁴ Na zawk ma cheng khan nanga hi zing lo maw? Na khawt nung in le, aman chuh nang thu thu hilo ahim? Bang zieka zie tawbang thilhih ding hi ngaihtuoh na hi? Mihiem thêm na hi puoh a, Pathien thêm na hi zawi!” a ti a.

NASEPTE 5:4 ပူးပေါင်းရင်းမြစ်များ

NASEPTE 5:3

Himahlele, Peter in, “Ananias. Thagau Thiengtho thêm ding leh, lei man abang îm dingin, bangati a Setan in na lunggil a sukdim a?

1 KHANGTHUBU 29:3

Zie chauh chu hilo in, ka Pathien Ho-In hih ka deih mah mah ziekin, keimah sum, sana leh dangkaguote le, khutthiemte na guonggalh sate tihloh in ka pie a,

1 THESSALONIKA 4:8

Zieziekchun, kuole zie sinsakna thu khawksalo pa chun, mihiem khawksalo ahi puoh a, Pathien, a Thagau Thiengtho nanguh hun piepa khawksalo ahi zawi.

NASEPTE 5:9

Ziephet chun, Peter in a kawmah, “Bangati a Lalpa Thagau zedapna a kithuguol na hiu hi? Ngaitie! na pasal vuite kengpekhaw chuh kawtkhak bul ah a hung um tai, nang le hun zawn dawk un au!” a ti a.

LUKE 10:16

Chun, Isu’n a sinsakte kawmah, “Kuole, nang haw thu ngai chuh, kei thu ngai ahi a, kuole, a hun deihlo chuh, kei ei deihlo ahiu hi; chun, kuole, kei ei deihlo chuh ei sawlpa deihlo ahi,” a ti a.

EZEKIEL 38:10

Chun, Lalpa Pathien chun hiti hin a tii: Zie ni chu leh hiti hi hi’n tin, na lunggil ah thil hung lut in tin, thil phalo hih guon na tin;

ISAI 59:4

Thutanna mun achun kuoma’n thudik a dinpih puoh a, dân chuh kuoma’n diktak in a chieh pih puou a. Amau chuh lepchieh ah a kingau a; theplethuol in thil a hih u a, gitlohna ngen a hing sek ui.

SAM LEHKHABU THE PSALMS 139:4

Ngaitie, aw Lalpa, Nang in na hetsuok kei loh chuh, Ka lei a hin thu mawng mawng a um puoi.

SAM LEHKHABU THE PSALMS 7:14

Entie, minunsie te chun gitlohna a vawp u a; Ahi, thil sukkhelhna a vawp u a, zuou thu a puodawk sek ui.

1 KHANGTHUBU 29:17

Ka Pathien uh nangin lunggilte na patep sek a, diknate le na kipahpih hi tih ka heu a. Kei hin vang lunggil tak takin, zie thil haw hi kipâk takin ka hun pie a, zie a na mipite hin le, kipâk taka na kawma hun lân ka muh hin ka kipâk mah mah hi.

1 KHANGTHUBU 29:9

Tichun, mipite chu a kipâk mah mah u a, lunggil kibang pua, kipâk taka Lalpa a piek ziekun; leng David le nasatak in a kipâk ta a.

1 KHANGTHUBU 29:5

Chuleh, thil chuom chuom a mi khutthiemte mat dingin, sana pawimawhna a mat dingin sanate, dangkaguo matna dinga mat dingin dangkaguo te le ka pie a. Tuhin, Lalpa dinga kipâk taka pie phal na um u?” a ti a.

1 SAMUEL 8:7

Tichun Samuel chu Lalpa kawmah a paucham a. Chun, Lalpa chun Samuel kawmah, “Mipite’n na kawma a gen chengcheng u chu ngaitha’n; nang hun deihlo ahi puou a, a chung u a leng dinga kei ei deihlo ahi zawu hi.

PAWTDAWKNA 35:29

Lalpa’n Mosi manga hih dinga thu a piek chengcheng hihna ding chun Israel chate mitin, numei leh pasal lunggil taka piek nawpna nei taphawt amau kiphal dân bang zel in Lalpa masang ah ahun chawi u a.

PAWTDAWKNA 16:8

Chun, Mosi’n “Nitâk lam a na nek ding un Lalpa’n sa hun pie’n tin, zingkal leh chângthâk vah seta nek ding hun pie kit in a, a chunga na phunchieknau kha a za ngâl a; kei u chuh bang ka hiu a ahi? Kei uh chunga phunchiek na hi puou a, Lalpa chunga phunchiek na hi zawu hi,” a ti a.

JAKOB 1:15

Tichun, utna chun no a hun vawp a, gitloh a hun hing sek a; gitloh chuh a hung let tieng leh, thihna a hing sek hi.

PHILIMON 1:14

Abang hileh, nang lung lo in bangmah hih ka nuom puoi; nangmah phasakna ngeia na hih chuh ka hun deihsak zawk ahi. Zieziekchun, nangin lem na sak loh chun bangmah hih puo’ng ka.

1 KORINTH 8:8

Himahlele, neklechâk hin Pathien mit ei tunsak diek puoh a, ne kileuhing le I sie chuom diek puou a, ne leuhing le I pha chuom diek puou hi.

JOB LEHKHABU THE BOOK OF JOB 15:35

Thil gilo a ngaihtuoh u a, Gitlohna a hun puodawk u a, A lungthim u chuh mi thêm dingin a kisazo zing hi.

KISIMNA 16:11

Zieziekchun nang leh na lawi te chengcheng hi Lalpa dodal in na kikhawm khawm uh ahi. Aron hin bang a hih a, a chunga na phunchiek uh ahim?” a ti a.

THUGENPA 5:5

Na thutiem na muolsuoh loh sang chun, thu na tiem loh chuh a phazawi.