NASEPTE 4:32 - PATHIEN LEKHABU THIENGTHO (BSI)

³² Khutichun, gingcha mipite chuh lungthim munkhat leh, ngaihtuohna mun khatin a um u a. A lak u a khat chan le, a thil neih teu chuh keia chuom ahi a ti puou a; a thil neih taphawt u chuh a kihawm zaw sek ui.

NASEPTE 4:32 ပူးပေါင်းရင်းမြစ်များ

1 KORINTH 1:10

Chun, suohpihte, na bawn u a na thugen hawu a na kithuguol u a, na lak u a kibungkhenna a um lohna dingin, Lalpa Isu Krista min in ka hun nget na hiu hi. Ngaihtuoh munkhat leh, tup kibang in dettak in um un.

1 PETER 3:8

A chaihna kêi in, na bawn un lungthim munkhat in um unla, kilainat tuoh unla, suohpih bangin kihehpih unla, kilungsiet tuoh unla, nuoilut chuh in um un.

2 KORINTH 13:11

A tawpna dingin, suohpihte, chibai! ka hun ngetna hi ngaithau unla; Pha bukim in um guou in, kituok takin um unla; thamuong takin um un. Hehpihna leh, chamna Pathien chuh na kawm u a um ding ahi.

JEREMIA 32:39

Chuleh kumlekhuo a ei kihchak theihna ding un lungthim khat leh lampi khat neih sak ing ka; amau leh a nung u a a chateu in ei kihchak na dingun.

NASEPTE 2:1

Chun, Pentekost ni a hung tun in, gingtute cheng chuh lungthim mun khat in abawn un mun khat ah a um khawm vek u a.

PHILIPPI 1:27

Bang hilele, na nunlekhan u chuh Krista Chanchin Pha tawh kimeh sak phawt un, khutichun, nangmau haw hung veh in na kawm u ah um kimahlengle, thagau munkhata ding det in lungthim munkhata Chanchin Pha taksanna lama pangkhawm in ei dote bang lam hileh lau lo in na um ui tih na chanchin uh he thei ing ka.

NASEPTE 1:14

Ziehaw chengcheng chuh, numeite tawh, Isu nu Mari tawh, Isu suohpihte tawh, lungthim munkhata, phachuomngai taka paucham in a um zing sek u a.

JOHAN 17:11

Tu’n, kei na kawma hung ding ka hi a, khawvel ah um ta puo’ng ka; amau haw vang hi khawvel ah um un au. He Pa, Thiengtho, nangin kei nei piekte hi na min in hum ah; pumkhat a hih theihna dingun, nang leh kei pumkhat I hih guol mah bang hin.

2 KHANGTHUBU 30:12

Juda gam te vang chuh Lalpa thu a lengpa leh milien haw thupiek chu zawp dingin Pathien in lunggil kibang a put sak a.

1 PETER 4:11

Mi kuo’nle, thu a gen chun, Pathien thu bangin gen hen, mi kuo’nle a zenviel chun, Pathien in utna a piek dungzui in zenviel hen; khutichun, Isu Krista vangin Pathien chuh thil bangakai ah limbawl in um thei ina; lopina leh vaihawmna chuh kumkhuotuong in amah a ahi ngâl a. Amen.

ROME 12:5

Khutibang mah chun, ei uh tamtak himahleu hingle, Krista achun sapum khat I hiu a; khat khata kika tuoh chiet I hiu hi.

NASEPTE 5:12

Chun, Pathien in, mipite lak achun thilmak leh melchikna tamtak, sawlchakte khut in a hih sek a. Gingtute cheng chuh, Solomon bithaliep a chun a kikhawm sek u a.