NASEPTE 4:13 - PATHIEN LEKHABU THIENGTHO (BSI)

¹³ Chun, Peter leh Johan hansan zie chuh a muh un, lehkha thiemlo leh, mi mawl mai ahiu hi tih a heu a, mak a sa mah mah tau a. Ziephet chun, Isu kawmah a um kha tau hi tih a he tau a.

NASEPTE 4:13 ပူးပေါင်းရင်းမြစ်များ

1 KORINTH 1:27

Himahlele, miching te chuh a sukmuolpho theihna dingin, Pathien in vannuoi a thil ngawlhuoi haw chuh a tel zaw a, Pathien in vannuoi a thil zawngkhal haw chuh a tel a, thil hât haw chuh a sukmuolpho theih na dingin.

JOHAN 7:15

Judate chun, “Zie pa hin zil khalo a, bangtia zie bangpi a hi thiem ahi die?” ti’n, mak a sa ten u a.

MATTHAI 11:25

Zielai chun Isu’n a gen a, “Aw hepa, lei leh van a Lal, nangin miching leh mi thiemte kawmah zie thu haw hi na îm a, nausente kawma na phuon ziek hin ka hun pakchai.

MATTHAI 26:73

Hun chawmkhat hal in a kawma dingte chun Peter kawmah, “Nang hile, amau haw laka tel na hi chien kêi hi, na pau in a kihêi,” a tiu a.

JOHAN 7:49

Zie mipite hin Mosi dân chuh a he puou a, Pathien hansie nuoia um ahiu a puo!” ti’n a dâwng u a.

LUKE 22:8

Tichun, Isu’n Peter leh Johan chuh, “Chiehkân Kut an I nek dingun va guonggalh un,” ti’n a sawl a.

MATTHAI 26:71

Huongsung apat a a hung pawt phet in nungak dang khatin amah chuh a na mu kit a, zie a umte kawm achun, “Zie pa hile Isu, Nazareth mi kawma um kha ahi hi,” a ti a.

JOHAN 19:26

Isu’n a nu leh, sinsak a hehpih kha a kienga ding a mu a, a nu kawmah, “Numei, entie, na chapa khah!” a ti a.

NASEPTE 4:14

Mi a sukdampau chuh Peter leh Johan kawma ding a muu a, bangmah la a gen thei diek puou hi.

NASEPTE 4:19

Himahlele, Peter leh Johan chun a kawm u ah, “Pathien mitmuh in, Pathien thu zawp sangin nang haw thu zawp dik zaw ding ahi? ngaihtuoh un, a tiu a.

NASEPTE 4:29

Khutichun, Lalpa, ngaitie! tu a ei hun vau zieu haw hi; na suokte hi hangsan takin na thu gensak in la.

NASEPTE 4:31

Chun, a paucham zawh phet u chun, a kikhawpkhawmnau In chuh a hung lîng a, a bawn un Thagau Thiengtho in a hung dim tau a; tichun, hangsan takin Pathien thu a gen tau hi.

NASEPTE 9:27

Ziephet chun, Barnabas chuh a hung a, sawlchakte kawm achun a pui ta a. Lampi a Lalpa a muh a, a hopih dante, Damaska khuo a Isu min a hangsan taka thu a gen ziehaw chuh a kawm u ah a hilh ta a.

NASEPTE 9:28

Khutichun, Saul chuh Jerusalem khuo achun, a kawm u a lut sek pawt sek in a um ta a, Lalpa min in hâng takin thu a gen viel sek a.

1 KORINTH 14:25

a ngaihtuohna thuguk cheng chuh suklatin um ta’n tin, tichun, khupbawk in Pathien chibai kawmin, “Na lak uh ahin Pathien a um tak zet hi!” ti’n phuong ina.

2 KORINTH 3:12

Khutibang kinepna chuh I neih ziekun. I hangsan mah mah sek uh ahi.