NASEPTE 3:18 - PATHIEN LEKHABU THIENGTHO (BSI)

¹⁸ Malai pek a kipatin, Pathien in a thiemgaute mang in, Krista’n dahum a thuok ding thu a na genlawk ta a, zie guol hin a hun tun sak ahi tai.

NASEPTE 3:18 ပူးပေါင်းရင်းမြစ်များ

NASEPTE 2:23

Amah chuh Pathien lemguot leh hetlawk bangin, a matsak u a, nangun migilote khut in kross ah na khêndên u a, na sulum tau a.

ZEKARIA 12:10

Chun, David inkawte chung leh Jerusalem a chêngte chung achun lungsietna leh ngetna thagau sungtha’ng ka ting, chun, a sut pau hi hun en un tin, tichun, mi’n a chapa neihsun a sun bangin sun un tin; mi’n cha lutîl chunga a thuok bangin thuok un au.

ISAI 50:6

Ei zêpte kawm achun ka tingzang ka dawh a, ei sukzahchak lai u leh, ka sam ei lawih pulh sak lai un le, ka maichang a chil ei sietkhum lai un le bangmah ka gen diek puoi.

NASEPTE 28:23

Khutichun, ni a tiem u a, zie ni chun Paul umna In achun mi tamtak a kikhawm u a; zingpi apat, nitâk lam tiengin, a kawm u ah zie thu chuh a hilhchien ta a, Pathien gam thu a hetsak a, chun, Mosi Dan Lehkhabu apat leh, Thiemgaute Lehkhabu apat ladawk in, Isu chanchin thu achun, amau haw chuh thuzawh a guo hâm a.

LUKE 24:44

Ziephet chun, a kawm u ah, “Ziehaw hi, na kawm u a ka um lai ngeia ka thugen, Mosi dân ale, thiemgaute lehkhabu ale, Pahchakna Labu ale, ka chanchin kizikte cheng kha, hung guitung ding ahi, ka tih khah ahi,” a ti a.

THUPHUON 19:10

Tichun, amah ho dingin a keng bul achun ka khupbawk a, himahleh amah chun, “Khutichun hih ki’n khai! Kei chuh nangmah leh na suohpihte, Isu thu hettuoksak haw sawntawlawi chanpih ka hi a puo; Pathien ho zaw ta’n! Isu thu hettuoksak thudik khah, thiemgaute hatkhum sek khah a hi ngâl a!” a ti a.

ZEKARIA 13:7

“Aw chemzâm, kipan inla, ka belampu leh ka na seppih pa chuh do ah! Belampu chuh zêp inla, belam hawn chuh dalh u hen. A note chung achun ka khut tha ding ka hi.

DANIEL 9:26

Zie hun chuh a hung tâwp tieng leh, Pathien tel ngêi leng chuh diklo taka thah in um in a. Leng dang thil hihthei tak sepaihte chun hun do untin, khawpi leh Jerusalem chuh suksiet in um in a. A tawpna chuh tuilien bangin hung intin; Pathien in a guonggalhsa, kidona leh sietna chuh hungtung in a.

THILSIEMBUL 3:15

Chun, nang leh numei hi hun kidosak ing ka ting; nang suonte leh numei suon le kido sak ing ka; amah chun na luchang khên thidup intin nangin a khawtalzum chu thidup in la,” a ti a.

NASEPTE 10:43

Kuole, amah gingcha ta, a min ziekin gitlohnate ngaihdam in um un au tih, thiemgau chengcheng in a chanchin a hetsak sek u khah,” a ti a.

2 PETER 1:21

Hilhlawkna thu himhim hi, mihiemte deihna a pawt ahi puoh a, Pathien mi thiengtho te’n Thagau Thiengtho puihhuoi bang zela ahun gen sek uh ahi zawi.