NASEPTE 26:6 - PATHIEN LEKHABU THIENGTHO (BSI)

⁶ Tuhin, Pathien in ei suonteu kawma thu a tiem khah, kinepna ka neih zieka, ka chung thu vaihawm sak dinga ding ka hi.

NASEPTE 26:6 ပူးပေါင်းရင်းမြစ်များ

NASEPTE 24:15

Chun, Pathien achun, zie mite hin kinepna a neih bang mah uh ken le ka nei a, zie chuh, mi pha leh mi phalote thihna apat thawhkitna um gel gel ding ahi tih hi.

TITA 2:13

Pathien khawksaklohna leh, khawvel thil utchakna haw chuh haihsan in, tulai khang ahin pilkieu leh, diktat leh Pathien khawksa a I um dinguh ahi, tih zie hehpihna chun ei hilh ta ngâl a.

NASEPTE 28:20

Ziezieka chuh, nang haw hi hun hopih ding leh hun kimuhpih dinga ka hun sap ahi. Israel te kineppih pa zieka zie thikkhau hi but ka hi,” a ti a.

ROME 15:8

Ziehi ka gen chuh ahi: Pathien in I pu I pateu kawma a thutiem khah sudet ding leh,

NASEPTE 23:6

Chun, Paul in abang Sadukaite, abang Pharisaite ahiu hi tih a muh phetin, vaihawmte lak achun a kiko dawk a, “Suohpihte haw, Pharisai ka hi, Pharisai chapa le ka hi; mithite thawhkitna a um hi tih kinepna ka neihna thu a suohsalh a um ka hi hi,” a ti a.

ZEKARIA 13:7

“Aw chemzâm, kipan inla, ka belampu leh ka na seppih pa chuh do ah! Belampu chuh zêp inla, belam hawn chuh dalh u hen. A note chung achun ka khut tha ding ka hi.

MIKA 5:2

Himahleh, Aw nang Bethlehem Ephrathah, Juda gamsung a khawpi te laka neupen na hi a, himahlele, nang apat in Israel te vaihawm ding tungdawk ing ka, a phunggui malai pek apat a sût a um ngêi chuh.

DAN NIHNA 18:15

Lalpa na Pathien un na lak u apat ngêi in kei tawbang thiemgau hun siem sak intin; a thu chuh na ngaihkhawk dinguh ahi;

THILSIEMBUL 26:4

Chun, van a aksi zah in na suonte chuh hun supung ing ka ting, zie gam chengcheng hile na suonte pie’ng ka.Chun, na suonte apat chun khawvel a namtin vangsak in hung um in au.

THILSIEMBUL 22:18

Ka thu na awih tâk ziekin na suonte achun khawvel a namtin vangsak in um in au tih kei ngêi kipautiem in ka gen tai, Lalpa’n a tii” a vak ti a.

THILSIEMBUL 12:3

Nang hun vangsakte chuh vangsak ing ka ting, hansie hun lawh ta chuh hansie lawh ing ka: chun, nang achun lei a nam cheng hi vangsak in um in au,” a ti a.

GALATI 4:4

Himahlele, a hunbi a hungtun khan, cha hihna I muh theih na dingun.

NASEPTE 26:8

Pathien in mithite a kaitho hi tih hi, bangati a thil hithei lo a na gel u a?

NASEPTE 24:21

Zie thu kam khat ziek hi a hihloh ngâl leh: a masang u a ka din lai in, ‘Mithi thawhkitna thu ginchak ziekin, tuni hin na mau ah suohsalh a um ka hi hi,’ ka tih khah,” a ti a a dâwng a.

NASEPTE 3:24

Ahi, Samuel um apat thiemgau chengcheng leh a nunga mite tawh, thugen chengcheng khan tulai chanchin hi a na genlawk sek uh ahi.

MALAKI 4:2

Himahleh, nang haw ka thupiek zawpte ding chun, Dikna ni hung suok in tin, a thate a sukdamna tawh. Tichun, chieh dawk in na tin un, bâwngno a a kul a kithahdawk bang in khanglien un lau.

MALAKI 3:1

“Ngaitiem u! ka sawlchak hun sawl ding ka hi a, Ka masangah lampi hun guonggalh ina. Tichun, na hawl uh, Lalpa chuh a Ho-In ah thakhat in hung phut ina. Thuthun Sawlchak na kipahpih u chuh hung in tin, ka thu chuh hung phuong dawk ina,” Bangkim hihthei Lalpa chun a tii.

ZEKARIA 13:1

“Zie ni chuh a hungtun tieng leh, David suonte leh Jerusalem mite gitlohna leh milim honau apat sukthien na dingin tuikhuk hawn in um ina,

ZEKARIA 9:9

Aw Zion chanute haw! lawp un, lawp un nang haw, Jerusalem chanute lâwpin kiko dawk un! En un, na leng chuh na kawmah a hung hi! Amah chuh guolzo leh guol chungchuong in! Kingainiem takin sabiltung chungah a chu a, sabiltungno chung ngêi achun.

ZEKARIA 6:12

Chun, a kawma chun, Bangkim hihthei Lalpa chun hiti hin a tii: ‘Ngaitie, mi, a min Abak kiti chuh a uma; a mun apat in hung khang dawk intin, Lalpa Ho-In chuh hun sa’n a.

MIKA 7:20

Malaia ka pileputeu kawma na tiem guol khan Jakob kawm achun na ginumna sulang in na tin, Abraham kawm achun na zahngaihna sulang ding na hi ngâla.

OBADIA 1:21

Chun, Zion tâng achun hukdampate hung pawtdawk intin, Esau tâng chuh vaihawm sak intin, tichun, gam chuh Lalpa a hi ta’n a.”

JOEL 2:32

Chun, tihi hi’n tin, kuole, Lalpa min sam tapohte chuh hukdam hin au: Lalpa’n a gen bang khan, ‘Zion tâng leh Jerusalem a khenkhat chuh suokchau un tin; ka telte chauh chuh hing dawk un au,’ ” ti’n.

HOSEA 3:5

Zie tieng chu leh Israel chate chuh hung kisik untin, Lalpa a Pathien uh hun hawl untin; a leng uh David kawm achun kihei kit un tin, Tichun ni nunung lam achun Lalpa leh a phatna chuh lau kawmin zuon un au.

EZEKIEL 37:24

Ka suok David chuh a chung u ah leng hi’n tin, a bawn u a chungah belam chingpa khat um ina: ka dante zui intin un, ka dân siemte nit intin un, hih in au.

EZEKIEL 21:27

Sietna, sietna! (zie tawbang chuh ana tung kha nailo) Ahi, khawpi chuh susie ding ka hi! A neipa diktak a hung masangsieh tundin kit hita puo’n a; zie tieng chuleh amah chuh pie’ng ka,” ti’n.

ISAI 7:14

Zieziekchun, Lalpa ngêi chun melchikna hun pie’n tin, ngaitiem u, nungak thiengtho chuh gai intin chapa hing intin, a min dingin Immanuel sa’n au.

ISAI 4:2

Zie ni chuleh Lalpa bâk chuh hawih tak leh lopi tak hung hi ta’n tin, a gam gahte chuh Israel chate laka suokcha ana umsunte a dinga kithang-at pih leh a lopinau hung hi ta’n a.

SAM LEHKHABU THE PSALMS 132:17

Zie tak a chun David ki chuh seldawk sak ing ka: Ka sathau nuh a ding in thaumei ka guot ta a.

SAM LEHKHABU THE PSALMS 132:11

Lalpa chun David kawmah a kihâksiel ta a; Zie chuh kilehheisan puo’n a: “Na chapate laka khat na lalchutphah a chun chut sak ing ka.

SAM LEHKHABU THE PSALMS 98:2

Lalpa chun a hukdamna chuh a hetsak a! A diktatna chuh namtin mitmuh achun kichien tak in a lat sak ta a.

THILSIEMBUL 49:10

Leng mawlh chuh Juda apat chun mang puo’n tin, Vaihawmna mawlh chule a kengkal apat in mang diek puo’n a; Shiloh hung masangsieh chun; chun, namtin in amah thu awi un au.

THILSIEMBUL 3:15

Chun, nang leh numei hi hun kidosak ing ka ting; nang suonte leh numei suon le kido sak ing ka; amah chun na luchang khên thidup intin nangin a khawtalzum chu thidup in la,” a ti a.