NASEPTE 2:9 - PATHIEN LEKHABU THIENGTHO (BSI)

⁹ Abang Parthaite, Medai te, Elam te apat I hiu a; abang Mesopotamia gama umte, Judea gama umte, Kappadokia gama umte, Ponto gama umte, Asia gama umte;

NASEPTE 2:9 ပူးပေါင်းရင်းမြစ်များ

1 PETER 1:1

Peter, Isu Krista sawlchak chun, Pathien mi telte, gâltai banga, Pontas gamte, Galati gamte, Kappadokia gamte, Asia gam leh, Bithunia gamte a kithehzakte;

THUPHUON 1:4

Johan chun, Asia gama sapchuom haw lawi sagihte kawm achun: A umlaitak leh um sapa leh hung um kit ding pa kawm apat leh, a lalchutphah masanga Thagau sagih um haw kawm apat leh,

2 TIMOTHE 1:15

Asia gama um chengcheng te’n ei nungngat u khah na he a, a lak u achun Phugel leh Hermogena a tel ui.

NASEPTE 18:2

Zie tak achun, Juda mi khat, a min Akuila kiti a mu a, zie pa chuh Ponto gama pieng ahi a, Klaudias in Juda chengcheng Rome khuo apat pawtdawk ding thu a piek ziekin, a zi Prisilla tawh Itali gam apat hung tung pan phet ahiu. Paul chuh ziete kawm achun a chieh a,

NASEPTE 16:6

Chun, Thagau Thiengtho in Asia gama thugen a khap ziekin Phrugia leh Galati gam chuh a fang suok tau a,

NASEPTE 19:10

Khutibang ngen chun, kum nih vel a hih a; tichun, Asia gama um chengcheng, Judate leh Grikte’n le, Lalpa thu chuh a zak lawh hiel tau hi.

NASEPTE 6:9

Himahlele, sal Pawtte lawi, Kurini khuo a mite, Aleksandria khuo a mite kikhawpna a tihnau a mi khenkhat leh Kilikia gama mite, Asia gama mite kikhawpna a mi khenkhatte chuh a hung kipan u a, Stephan chuh a hung niel tau a.

DANIEL 8:2

Zie kilâkna achun, Elam gamsung a Susan leng In ah ka na um a, kilâkna achun ka mu a, banga ki-um sunga chun ka na um a. Ulai luipi pang ah ka na ding a,

ISAI 11:11

Zie ni a hungtun tieng chuleh, Lalpa’n a mite sukmangthai loh a na umsunte Asuria gam apat te, Aigupta gam apat te, Pathros gam apat te, Kush gam apat te, Elam gam apat te, Shinar gam apat te, Hamath khuo apat te, Tuisuohgiet tuikuol apat te chuh la kit dingin, a thilhih theihna khut hun zak kit ina.

2 LENGTE 17:6

Chun, Hosea’n kum kuo vai a hawm kum, Asuria leng in a do, kum thumna achun Samari khuo chu a la ta a, Israel te haw chu Asuria gam ah salin a pui a, khenkhatte chu Halah khawpi ah, Gozan gambung khen sunga Habor lui pang ah a um u a, khenkhat chu Media te khawpi ah a umsak ta a.

THILSIEMBUL 24:10

Chun, suokpa chun a pu sangawngsau laka sangawngsau sawm a pui a, a pu thilpha tin cheng puo’n a pawt ta a: tichun, a kipan a, Mesopotamia gama Nahor chênna khawpi chuh a zuon tai.

THILSIEMBUL 14:1

Chun, Shinar leng Amraphel, Ellasar leng Ariok, Elam leng Kedorlaomer, Goiim leng Tidal te damlai chun hiti hi a hung hi a.

THUPHUON 1:11

“Na thil muh ding chuh. lehkhabu ah zik inla, sapchuom haw lawi sagih, Ephesi khuo te, Smurna khuo te, Pergamos khuo te, Thuatira khuo te, Sardis khuo te, Philadelphia khuo te leh Laodikei khuo haw achun thâk ah,” a tih ka za a.

2 KORINTH 1:8

Suohpihte, Asia gama, ka chung u a thawkna tung thu khah na het loh uh ka nuom puou. Khati a, nasa taka, thawk zawh loh khawp a, hin nasan kinemlo khawp hiela delh den a ka um u khah.

1 KORINTH 16:19

Asia gama sapchuomte hin a hun chibai na hiu ui. Akuila leh Prisilla hin le, a In u a sapchuom kikhawmhaw hi tawh, Lalpa achun, chibai phapen a hun pieu hi.

ROME 16:5

A In u a sapchuom kikhawmhaw mah kha le ei hun chibai sak un. Chuleh, ka cha deih tak, Epainetas, Asia gama Krista a gah masapen kha le nei hun chibai sak un.

NASEPTE 20:18

A hung tun phet un, a kawm u ah, “Asia gam ka hun tawh masak pên ni a kipata, na kawm u a ka um sung chenga, ka hun mat dante khah na heu hi.

NASEPTE 20:16

Paul chun, Asia gama hun mat sawt a ut loh ziekin, Ephesi khuo chuh kuong a pelh hâm a guo a. A hihtheih chun, Jerusalem a Pentekost ni huom tei guo a hih zieka kinawh kin ahi.

NASEPTE 19:31

Chun, Asia gam lawiupa pente laka khenkhat chuh Paul guolte ahiu a, a kawmah mi a sawl u a, etnawp In a chuh êngsiekhan a lut lo dingin a va gen sak u a.

NASEPTE 19:27

I nasep uh minsiet ding lauh-um chauh hi hilo in, pathien nu lopitak Diana ho-in hile hun ngaihtam lawh un au. Asia gama mi chengcheng leh, khawvel mi’n a ho sek uh hi bangmahlo hung suok ina tih lauh-um ahi,” a ti a.

NASEPTE 7:2

Chun, Stephan chun a dâwng a, “Suohpihte haw, upate haw, ngaitiem u! Ei suonpau Abraham, Haran khuo a a um maa, Mesopotamia gama a um lai khan, Lopina Pathien chuh a kawmah a hung kilak a,

DANIEL 8:20

“Belam chal, ki nih nei na muh kha Media leh Persia lalgam etsakna ahi a.

ISAI 21:2

Kilâkna lungkham um tak ka kawma het sak ahi tai; lepchieh taka hihpa chun, lepchieh takin a hih a, hihsie sekte chun a hihsieu hi. Elam sepaihte chun a do u a! Media sepaihte chun khawpi chuh a sim tau a! Babulon te’n gimtheihna a bawlteu chengcheng chuh ka suhai vek tai.

EZRA 6:2

Tichun Media gama Akemath khuo a leng In a chun lehkhabuziel chuh a mudawk tau a; zie chun hitibang a kizik a kikawihtup ahi.

1 KHANGTHUBU 19:6

Ammon suonte chun, David zakdah lam tak a hih ui tih a hung kihet phet u chun, Mesopotamia gama mite, Aram-maakah a mite, Zobah-a mite, kangtalai leh sakawl chung chuong mite gawihna dingin, dangkaguo talent sangkhat a thak u a.

VAIHAWMTE 3:8

Khutichun, Lalpa chuh Israel te chung achun a lungna ta a, tichun, Mesopotamia gama leng Kushan-rishathaim khut ah a pie ta a: tichun, Israel chate chuh Kushan-rishathaim nuoi achun kum giet a um tau a.

DAN NIHNA 23:4

Aigupta gam apat na hung pawt lai u a an leh tui a hun piek nawp loh ziekun leh Mesopotamia gama Pethor khuo a um, Beor chapa, Balaam chuh nang u hun gausap dinga a gawih ziek u khan.

THILSIEMBUL 10:22

Shem chapate chuh Elam, Asshur, Arpaksad, Lud leh Aram te ahiu hi.

DANIEL 5:28

PERES: Na gam chuh hawpzak in a um ta a. Media leh Persia te kawma piek a hi tai,” a ti a.

NASEPTE 2:8

Bangti’n a, I bawn u a, I pienpih pau guola I zak chiet theih uh?

NASEPTE 20:4

Chun, Beroi a um Purrha chapa Sopata, Thessalonika khuo a um, Aristarkas leh Sekundas te, Derbe khuo a um Gaia te, Timothe te, Asia gama Tukika leh Trophimas te chuh, Asia gam tiengin a chieh u a.

NASEPTE 21:27

Chun, ni sagih a tin ding kuon in, Asia gama Juda mi khenkhat te’n, Paul chuh Pathien Ho-In ah a muu a, mipite chuh a tîlguu a, Paul chuh a man tau a.

NASEPTE 24:18

Zie chuh ka lat laia, kithiensakna ka bawl zawh nung chuh ahi, Pathien Ho-In a ei muh nau chuh. Ka kieng ah mipi a um puoh a, bangmah buoina le a um puoi,

NASEPTE 27:2

Tichun, Adramuttinium khuo kuong, Asia gam tuisuohgiet panga khuo umte tawh dinga chun ka chuu a, ka kitawl tau a. Makedonia gam mi, Aristarkas, Thessalonika khuo a um chuh ka kawm u ah a um a.