NASEPTE 2:4 - PATHIEN LEKHABU THIENGTHO (BSI)

⁴ A bawn un Thagau Thiengtho in a dim vek tau a, Thagau in a pau sak guol zelin, pau zatchuom in a hung pau tau a.

NASEPTE 2:4 ပူးပေါင်းရင်းမြစ်များ

MARK 16:17

Chun, a gingchate chuh thilmak hihtheihna piek in um un au: Ka min in thithate nawhdawk un tin; pau thak in le pau un au;

NASEPTE 13:52

Chun, sinsakte chuh kipakna leh, Thagau Thiengtho in a dim tau hi.

NASEPTE 4:31

Chun, a paucham zawh phet u chun, a kikhawpkhawmnau In chuh a hung lîng a, a bawn un Thagau Thiengtho in a hung dim tau a; tichun, hangsan takin Pathien thu a gen tau hi.

EPHESI 5:18

Chun, uain kham in um kiu inla, zie tak a chun kidêklohna a um ngâl a; Thagau a dim in um zawu in.

1 KORINTH 12:10

Midang kawmah, thilmak hih theihna piek ahi a, midang kawmah; Pathien thugen theihna piek ahi a; chun midang kawm achun, Thagau apat a thilpiek hungte het dik theihna piek ahi a; midang kawm achun, pauchuom chuom a thugen theihna piek ahi kit zela; midang kawm achun, pauchuom chuom hilhchet theihna piek ahi.

JOHAN 14:26

Chun, Lungmuonpa Thagau Thiengtho, Pa’n, ka min a a hun sawl ding khan, zie chun bangakai nanguh hun sinsak intin, na kawm u a ka gen chengcheng kha hun het dawk sak kit ina.

NASEPTE 19:6

Chun, Paul in a chungu ah a khut a nga a, Thagau Thiengtho chuh a chungu ah a hung tung ta a; ziephet chun, pau hetloh bangin thu a gen u a, Pathien thu le a phuongzak tau a.

NASEPTE 10:46

Amau chuh pau hetloh banga thugen leh, Pathien lopina pakcha’n a he ngâl u a.

NASEPTE 9:17

Khutichun, Ananias chuh a va chieh a, Saul umna In achun a lut a, chun, a chungah a khut a nga a, “Ka nau Saul, na mit vakna ding leh, Thagau Thiengtho a dima na um theihna dingin, Lalpa, na hungna lampi a na kawma kilak ngêi Isu khan ei sawl ka hii,” a ti a.

NASEPTE 7:55

Himahleh, amah chuh Thagau Thiengtho a dim a hi a, van lam a en chak kêi a, Pathien lopi zie leh, Pathien chang lama Isu ding a mu a.

NASEPTE 1:5

Johan khan tui in a baptist sek a, himahlele, ni sawtlo kâl in Thagau Thiengtho in baptistma chang unla,” ti’n.

1 KORINTH 13:8

Hehpihna hi bangmah tikin dai puo’n a. Amahvang chuh, hilhlawkna thugente hi um mahleh, sukhaih hung hi’n tin; pau hetloh a thugente le um mahleh, hung châwl intin; hetna te le um mahleh, hung beimang ina.

1 KORINTH 13:1

Mihiemte pau leh. vânsâwlchâkte pau in thu gen thei mah lengle, hehpihna ka neih loh chun, dâk gi maimai ahim, dakkhutbet gi maimai ahim na hing ka.

NASEPTE 13:9

Khutichun, Saul, (Paul a sak mah u chuh), Thagau Thiengtho in a dim a, amah chuh a en chang kei a,

NASEPTE 2:11

Juda te leh a phungkaiteu tawh I hiu a, khenkhat hila, Kret tuikuol leh Arab gama umte I hi ngâl u a, himahlele, Pathien thilhih maktakte a gen hawu, eimau pau chieta I zak chiet ngâl u hih!” a tiu a.

LUKE 12:12

Zie hun a na gen ding u chuh Thagau Thiengtho in hun hilh ding ahi ngâl a,” a ti a.

1 KORINTH 14:18

Nang haw chengcheng sanga, pau hetloh a thu ka gen tam zawk sek ziekin, Pathien kawmah kipahthu ka gen hi.

ROME 15:13

Thagau thiengtho thilhih theihna zieka kinepna na hauh theihna dingun, kinepna Pathien chun, na ginchak ziekun, a kipakna leh chamna tin chengin hun hihdim hen.

NASEPTE 4:8

Tichun, Peter chuh Thagau Thiengtho in a dim a, a kawm u ah, “Mipi chengcheng lawiupate leh upate haw;

JOHAN 20:22

Zie thu haw chuh a gen zawhin, a chungu ah a hatkhum a, a kawm u ah, “Thagau Thiengtho nei un.

LUKE 4:1

Chun, Isu chuh Thagau Thiengtho a dim in, Jordan lui apat chun a kilehkit ta a, tichun, gamthip ah Thagau puih in a um a,

1 PETER 1:12

Zie thu haw chuh, amau haw phatchuomna ding hilo in, nangmau haw mawng phatchuomna ding ahi zawi tih, Pathien in thiemgaute kawm achun a hetsak tai; zie thu haw chuh, van apat a sawl dawk, Thagau Thiengtho thilhih theihna’n, nanguh Chanchin Pha hun hilhpa khan a hun hilh na hi tau hi. Zie thil haw chuh ahi, vânsâwlchâkte nasan inle hêtchet a nawp sek uh khah.

1 KORINTH 14:5

Chun, na bawn un, pau hetloh a thu na gen uh ka hun deihsak a, himahleh, Pathien thugen na hih uh ka hun deih sak zaw nalai hi. Sapchuom haw’n, kisiem phatna a neih theihna ding u a, a thugen chuh hilhchet a hih loh chun, Pathien thugenpa chuh, pau hetloh a thugenpa sang chun, a lopi zaw himhim hi.

NASEPTE 11:15

Chun, thu ka gen tûng lai in, Thagau Thiengtho, ka chung u a a hungtun tûnglai guol mah khan, a chungu ah a hungtung ta a.

NASEPTE 6:5

Chun, zie thu haw chun mipi chengcheng chuh a sukipak a; tichun, Stephan, taksanna leh Thagau Thiengtho a dim tawh, Philip tawh, Prokoras tawh, Nikanor tawh, Timan tawh, Parmenas tawh, Nikolas Judate phungkai, Antiokei khuo a um tawh a tel u a.

NASEPTE 6:3

Khutichun, suohpihte haw, na laku ah Thagau Thiengtho leh chitna a dim, mi min pha ngen sagih teldawk un, amau haw chuh zie thil haw ngaihtuoh viel ding hin guot hitiu.

NASEPTE 1:8

Himahlele, Thagau Thiengtho chuh na chung u a a hungtun tieng leh, thilhih theihna hun nei unlau, tichun, Jerusalem khuo ale, Judea leh Samari gam khuo tin ale, kâwlmawng tiengin ka thu hetpihte hi’n lau,” a ti a.

LUKE 1:15

Lalpa mitmuh in milien hi’n tin, uain leh zu himhim dâwn puo’n a. A nu sunga kipatin Thagau thiengtho in dim ina,

ISAI 59:21

Chun, amau haw tawh ka thugawlh ding chuh ziehi ahi: Ka thagau na chung u a um leh, ka thu na kam u a ka kawih chun na kam u chuh taihsan kihen la, na chateu kam le pawtsan puo’n au, na suonteu-suon sawn kitteu kam le tu apat kumlekhuo’n pawtsan diek kihen” Lalpa’n a tii.

ISAI 28:11

Ahi, mûk danglam pu mite mang in, pau chuom in zie mite kawm ahin thugen zaw ta’n a.

2 SAMUEL 23:2

Lalpa thagau chun keimah ei mang in a gen a, A thu chu ka lei ah a um a.

EPHESI 6:18

ziehaw chuh, bang hun ale, Pathien kawmah paucham in ngên zawu in. Hun tin ah, thagau in a hun puih bang zelin paucham un. Zie ziek tak hin, kivêng phau inla, Pathien mite dingin paucham zingun.

EPHESI 3:19

Ahi, a bukima het zawh sen hilo mahleh, a lungsietna na hung chan u a, Pathien lunglam bang pua na hung dim theihna dingun ka tih ahi.

NASEPTE 11:24

Barnabas chuh mi phatak ahi a, Thagau Thiengtho leh taksanna a dim ahi. Tichun, mi tamtakin Lalpa kawmah a tel behlap lawh tau hi.

NASEPTE 6:8

Chun, Stephan chuh Pathien apat a lungsietna leh thilhih theihna’n a dim a, mi lak ah thilmak leh melchikna lopitak a hih sek a.

LUKE 21:15

na melmateu chengcheng in, a hun do dîl u a, a hun niel theih lohna ding, kam leh chitna hun pie ding ka hi ngâl a.

LUKE 1:67

Chun, a pa Zakaria chuh Thagau Thiengtho in a hung dim ta a, tichun, Pathien thu a hun gen ta a:

LUKE 1:41

Chun, tihi ahi a, Elizabet in Mari hopih chuh a het phetin, a gil sunga nausen chuh a hung tawi a. Tichun, Elizabet chuh Thagau Thieng tho in a dim a;

MIKA 3:8

Himahleh, kei vang Jakob sukkhelhna sulang ding leh, Israel gitlohna hetsak dingin, Lalpa thagau zieka thil hihtheihnate, vaihawm nate leh hatna te chun ka dim takzet hi.

MATTHAI 10:19

Himahlele, a hun matsak tieng u chu leh, ‘Bangti’n a, bang thu a ka gen ding?’ ti’n lungkham kiu; na gen ding u chuh a hun taka hetsak a um ding na hi ngâl u a.

1 SAMUEL 10:10

Khutichun Pathien tâng, Gibeah chu a tun phet un, ngaitie, thiemgau hawn in ana kituokpih uh a; chun a chungah Pathien Thagau nasatak in ahung tunga, a thu genlawknau achun amah le a tel ta a.

2 PETER 1:21

Hilhlawkna thu himhim hi, mihiemte deihna a pawt ahi puoh a, Pathien mi thiengtho te’n Thagau Thiengtho puihhuoi bang zela ahun gen sek uh ahi zawi.

EZEKIEL 3:11

Chun, chieh inla, na chipih saltângte kawm va tung inla; ngaitha leu, ngaitha kileu, ‘Ziehi Lalpa Pathien gen chuh ahi,’ ti’n gen inla, va hilh in” a ti a.

JEREMIA 6:11

Zieziekchun, Lalpa lungnat na’n ka dima, kidêk zing hi ka chim tai. “Khawlai a naupang haw chungah chun sungtha’n la, tangval um khawm haw chung ale; a zi pum in pasal chuh lak hi’n tin, upate leh teksie te le.

1 SAMUEL 1:14

Khutichun, Eli chun a kawmah, “Bang chana kham zinga na um ding? Na uain chu kawihmang tie,” a ti a.

NASEPTE 2:3

Chun, lei haw chuh mei guola kihawm zak in, a chungu ah a chu ta a.

NASEPTE 8:17

Tichun, Peter leh Johan chun a chungu ah a khut uh a ngau a, chun, Thagau Thiengtho a chang tau a.

NASEPTE 10:47

Chun, Peter in a phuong a: “Ziete haw hin, eimau mah bangin Thagau Thiengtho a mu ta ngâl u a, tuia baptistma a chan lohna dingun mi’n a khap thei ding u a ahim?” a ti a.

NASEPTE 15:8

Chun, Pathien, mitin lunggil he pa chun, ei uh ei piek guol khan, Thagau Thiengtho chuh amau haw kawm ale pien, a chungu ah a kipâk hi tih a hetsak a.