NASEPTE 2:14 - PATHIEN LEKHABU THIENGTHO (BSI)

¹⁴ Himahlele, Peter chuh sawmlekhatte tawh a ding khawm u a, amah chun ngeih tak in a kawm u ah a gen a, “Nanguh, Judea gama umte, nanguh Jerusalem khuo a um cheng chengte haw, ziehaw hi heu inla, ka thu le ngaiun.

NASEPTE 2:14 ပူးပေါင်းရင်းမြစ်များ

ISAI 51:7

Nang haw thil dik hete leh, ka dân thu lungthima vawpte haw, ngaithau in! Mite’n a hun musit uh a, a hun gaih tieng u leh lau kiu in;

NASEPTE 5:35

Chun, vaihawmte kawm achun, “Nanguh Israel mite haw, ziete chunga na thilhih guot u hi chingthei un.

HOSEA 8:1

Kigalginna pengkun chuh mût in, Melmate chuh meipi bangin ka gam chungah a chu tai. Ka mite chun a kawm uh a ka thugawlh chuh a bawhsie tau a.

ISAI 58:1

Ngeihtak in kiko inla, kilen ki’n, pengkun guolin na aw suoh vuohvuoh inla, ka mite kawmah a bawhsietnau chuh hilh inla, Jakob insung mite kawm achun a gitlohnau chuh hilh in!

ISAI 51:1

Nang haw suohchakna ngên a ka kawma hungte leh hukdamna hawlte haw, ei ngaithau in! Na hung kipatnau suongpi chuh en unla, suong lâkna muna na kilaihdawknau khah ngaihtuoh un!

DAN NIHNA 27:9

Chun, Mosi leh thiempu Levi te chun Israel te chengcheng kawm achun, “Aw Israel mite haw, thipkêi in um unla, ngaitiem u! Tuni hin Lalpa na Pathien u mite na hung hitau a.

NASEPTE 21:28

“Israel mite haw, ei hung panpih un,” ti’n a kiko u a. “Zie pa hi, gamtina vakviel a, Israel mite, Mosi Dante, leh zie Pathien Ho-In hi gensie, mi chengcheng sinsak sek khah ahi. Zielo chun, Pathien Ho-In ahin Grik mite le a lutpih a, zie in thiengtho hi a subuok ahi tai,” a tiu a.

NASEPTE 7:2

Chun, Stephan chun a dâwng a, “Suohpihte haw, upate haw, ngaitiem u! Ei suonpau Abraham, Haran khuo a a um maa, Mesopotamia gama a um lai khan, Lopina Pathien chuh a kawmah a hung kilak a,

NASEPTE 2:22

“Nanguh Israel mite haw, zie thu haw hi zau in! Nazareth Isu, Pathien in amah manga na lak u a thil lopihaw, thilmak haw, melchikna haw a hih ngêi khan, a hun hêtchet sak na hiu hi. Nangmau ngêi in ziehaw khah na he ngâl u a, na lak u a hungtun tâk ziekin.

NASEPTE 1:26

Tichun, phun a san u a, a phunsân u chuh Matthias chungah a chu a; tichun, amah chuh sawlchak sawmlekhatte laka chun simtel a hi tai.

ISAI 55:2

Vahna ding hilo a, bang zieka dangka seng a, lung-awihna tun diek lo dinga bang zieka na sepgim uh ahi? Ka thugente hi gunchuh takin ngaithau unla, an pha chuh neu inla, tichun, na hinnau chuh thil thau achun lung-awi hen.

ISAI 52:8

Ngaiin, khawpi vengte chuh a kiko u a, kipâk takin la a sakhawm u a, Zion tânga Lalpa a hung tieng chuleh kimaichangtuoh a mu ding ahi ngâl u a!

ISAI 51:4

Aw ka mite haw, ei ngaithau inla, ka thu hi ngai un! Namte kawma ka thu sinsak chuh hun pie’ng ka ting, kei apat in dân pawtdawk intin, dikna chun mitin salhvak dingin ka vaihawmna chuh chawlhsak ing ka, tuikuol haw achun ei ngak untin, ka bân hi muong un au.

THUCHINGTE 8:32

“Zieziekchun tuhin ka chapate haw, ngaithau inla, ka thugente ngaiun, ka lampi zuite chuh a kipâk u a,

JAKOB 2:5

Ka suohpih deihtakte, ngaitiem u, Pathien in zie khawvel thila chagahte hi, taksanna lama neizo ding leh, amah hehpihte kawma a gam tiem chuh luoh dinga a tel hilo a hi?

NASEPTE 13:16

Ziephet chun, Paul a ding dawk a, khut in a zap a, a gen ta a: “Israel mite leh Pathien laute haw, ngaithau in!

ISAI 40:9

“Aw Zion, tâng sangte achun va kalto inla, Chanchin Pha hi va gen in! Aw Jerusalem, Chanchin Pha chuh phuong in ngeih tak in kiko in la! Lau ki’n. Juda khawpite kawm achun, Na Pathien chuh zie hin a um hi,” ti’n hilh in.

MATTHAI 2:1

Chun, leng Herod a lal laia, Juda gama Bethlehem khuo a Isu a hung pien in, ngaitie, suohlam apat in miching te Jerusalem khuo ah a hung u a,