NASEPTE 17:5 - PATHIEN LEKHABU THIENGTHO (BSI)

⁵ Himahlele, Judate’n a mitthîp u a, khawlai a migilo kuote ahim a kawm u ah a pui u a, mipi a sam khawm u a, khawpi sung chuh a chawkbuoi u a; tichun, Jason In chuh a hun huol u a, vantâng kawma puih dawk dingin a hawl u a.

NASEPTE 17:5 ပူးပေါင်းရင်းမြစ်များ

GALATI 5:26

Chapo tak in um puoi tingun, kisulungna tuoh ahim, kiguol-eng lâk tuoh ahim inle um diek puoi tiu.

NASEPTE 17:13

Himahlele, Thessalonika khuo a Judate chun, Paul in Beroi khuo ah Pathien thu a gen hi tih a het phet un, tak achun le a va chieh u a, mipite a tîlguu a, a subuoi kit tau a.

GALATI 5:21

kiguol-enna haw, zukhamna haw, zu mun lawpna haw, ahi a; zie tawbang hihte chun tuma’n le a hih sek uh ahi. “Khutibang thilhih chîngte chun, Pathien gam luoh puo’n au,” ti a tuma a ka hun hilh tâksa guol khan tuhin le ka hun hilh na hiu hi.

ROME 16:21

Ka naseppih, Timothe leh ka inkawte Lukias te, Joson te, Sosipater te haw hin a hun chibai ui.

NASEPTE 17:7

Jason hin a In ah a na tunsak viel a; ziehaw chengcheng hi, ‘A min Isu, leng dang a um hi,’ ti’n Kaisar thu kalh in a um sek ui,” a tiu a.

NASEPTE 14:2

Himahlele, awi nuom lo Judate chun, Jentel te chuh, a lunggil u a suohpihte haw dingin a tîlguu a.

1 KORINTH 3:3

zie khawvel a mite guola hi na na hin zing ziekun. Na laku a, kimitthipna leh, kinakna um sekte hin phehlevo a um na hiu a, zie khawvel dân guol hin na um ui tih a sulang sek hilo maw?

NASEPTE 19:40

Tunia husat ziek hin, mipite ei suohsalh ding lauh-um in I um tau ahi, zie buoina ziek hi gen ding a um puoh a, a ziek kilawm tak gen ding le I nei diek puou hi,” a ti a.

NASEPTE 18:12

Chun, Gallio chuh Akaia gama hausa thasanga a um lai in, Judate chuh kipunkhawm in Paul chuh a man u a, vaihawmna chutphah ma ah a pui u a.

NASEPTE 14:19

Himahleh, Pisdia gama Antiokei leh Ikonium apat Judate khenkhat, tak achun a hung u a, mipite chuh a thempai u a, tichun, Paul chuh suongin a sep u a, thi dinga a ginchak ziekun, khuo a kipat chuh a kaidawk tau a.

NASEPTE 13:45

Himahlele, Judate’n mipite chuh a muh phet un, a mitthîp mah mah tau a; Paul thugen chuh a nielkalh u a, a zehawt ten tau a.

MATTHAI 27:18

Mitthîpna ziekin amah chuh a matsak ui tih amah chun a he ngâl a.

VAIHAWMTE 9:4

Chun, Baal-berith In a kipat chun amah chuh dangka sawm sagih a pieu a, zie chun Abimelek chun mi dukdaklo leh ngaihsam taktak haw chuh a guoi u a, amau haw chun amah chuh a zui tau a.

JAKOB 4:5

A hihloh leh, Thagau, eimau a a chen sak chun, thik kham hiela ei deih uh ahi tih hi, Pathien Lehkhabu’n mawk in gen ina tih na gingchau hi?

NASEPTE 7:9

“Chun, chisep zakte khan Joseph a mitthîp u a, Aigupta gam lam ah a suok in zuok tau a, himahleh, Pathien a kawmah a um a,

THUCHINGTE 14:30

Lunggil kipahna chuh taksa a dingin hiselna ahi a, himahleh itthikna vang chuh guh sukdam theih loh tawbang ahi.

SAM LEHKHABU THE PSALMS 69:12

Kulh kawtkhak a chute chun ka chung thu a gen u a; Kei chuh zukham nuomte chun la ei phuok khum u a.

SAM LEHKHABU THE PSALMS 35:15

Himahlele kei ka kisuih leh amau chuh a kipâk zaw deuh u a, a kikhawm hiel u a: Migilo maimai haw chuh ei sawisa dingin a kikhawm a, zie chuh ka na he puoh ngâla; hailo in ei sawisa diek diek u a.

ISAI 26:11

Aw Lalpa, na khut chuh na dawmsang a, himahleh a mu ngâl puou a; amahvang chuh, mite dinga na phatchuomngaihna chuh muu untin, zakcha ta’n au; ahi, nang hun dote chuh mei in kângtum ina.

NASEPTE 17:6

Chun, a muh loh phet u chun, Jason leh suohpih dang khenkhat chuh khuo a lawiupate kawmah a kailut u a, a kiko u a, “Van nuoi chawkbuoite khah, taka hin le a hung u a,

NASEPTE 17:9

tichun, Jason leh mi dangte kawm apat chuh, a thahdawk theihna dingun bang ahim a lau a, a thahdawk tau a.

2 KORINTH 11:26

Khuolzinna a, tui kinawk lak apat leh, suommangte apat, tamtak vei lauh-umna ka tuok a; ka chipihte lak apat lauh-um na leh, Jentel te lak apat lauh-umnate, khawpi sung leh gamthip a lauh-umnate, tuipi chunga lauh-umna leh, suohpih lêmte apat lauh-umna te.

1 THESSALONIKA 1:6

Chun, keimauhaw leh Lalpa umdan late na hiu a, chun, thuokgim mah mah leu chin le, Thagau thiengtho apat a thu hung chuh kipâk takin na na pawm tau a.