NASEPTE 17:1 - PATHIEN LEKHABU THIENGTHO (BSI)

¹ Chun, Amphipolis khuo leh Apollonia khuo a chieh khel u a, Thessalonika khuo a tung tau a, tak achun Judate kikhawpna In a um a.

NASEPTE 17:1 ပူးပေါင်းရင်းမြစ်များ

PHILIPPI 4:16

Chun, Thessalonika khuo a ka umlai khan le, ka tâksapna awnghu dingin, khatvei mai hilo in, nih vei to na hun thak u kha.

1 THESSALONIKA 1:1

Paul leh Silvanas tawh Timothe apat chun: Pa Pathien leh, Lalpa Isu Krista sapchuom, Thessalonika khuo a umte kawmah: Lungsietna leh chamna um hen.

2 THESSALONIKA 1:1

Paul leh Silvanas tawh Timothe apat chun Pathien I Pau leh Lalpa Isu Krista a um, Thessalonika khuo a Sapchuom haw lawi kawmah;

NASEPTE 20:4

Chun, Beroi a um Purrha chapa Sopata, Thessalonika khuo a um, Aristarkas leh Sekundas te, Derbe khuo a um Gaia te, Timothe te, Asia gama Tukika leh Trophimas te chuh, Asia gam tiengin a chieh u a.

2 TIMOTHE 4:10

Dema’n tulai khawvel thilte hi a ngaihlul ziekin ei taihsan ta a, Thessalonika khuo ah a chieh ta a; Kresken chuh Galati gam ah a chieh ta a;

NASEPTE 27:2

Tichun, Adramuttinium khuo kuong, Asia gam tuisuohgiet panga khuo umte tawh dinga chun ka chuu a, ka kitawl tau a. Makedonia gam mi, Aristarkas, Thessalonika khuo a um chuh ka kawm u ah a um a.

NASEPTE 17:13

Himahlele, Thessalonika khuo a Judate chun, Paul in Beroi khuo ah Pathien thu a gen hi tih a het phet un, tak achun le a va chieh u a, mipite a tîlguu a, a subuoi kit tau a.

NASEPTE 17:11

Zie taka mihaw chuh Thessalonika khuo a mite sang chun a na pha zawu a. Khutichun, lungthim kipâk takin thu chuh a pawm u a, a thugen u chuh a dik leh dikloh hetna’n, ni chengin Pathien Lehkhabu ah a hawl sek u a.

NASEPTE 16:13

Chun, Chawlhni’n, kulh kawtkhak pawlam lui pang ah, pauchamna mun hi dinga ka ginchaknau achun ka chieh u a; tak achun ka chuu a, numei hung khawm haw kawm achun thu ka gen tau a.

NASEPTE 15:21

Malaia kipatin, Chawlhni cheng leh, kikhawpna In ah Mosi dân kha sim ahi sek a, khawpi tin ale a thu chuh tângsappih ahi sek kha,” a ti a.

NASEPTE 14:1

Chun, Ikonium khuo achun, Paul leh Barnabas chuh Judate kikhawpna In achun a lut khawm u a, thu a gen sek u a; khutichun, Judate leh Grik tamtak inle a gingcha tau a.

NASEPTE 17:10

Chun, suohpihte chun, a zan a zan in Paul leh Silas chuh Beroi khuo ah a sawl dawk tau a. Zie tak a va tun phet u chun, Judate kikhawpna In ah a lut u a.

1 THESSALONIKA 2:2

A thâwn hih malak in, Thessalonika khuo a na kawmuh a ka hung masang u a, Philippi khuo a sukgimtheih leh zahhuoi taka bawla ka umdanteu kha na heu a. Dodalna nasatak um mahleh, ka Pathien un amah apat a Chanchin Pha chuh gen dingin hansanna ei pie a.