NASEPTE 15:9 - PATHIEN LEKHABU THIENGTHO (BSI)

⁹ Chuleh, ei u leh amau khenchuom neilo in, a taksan ziekun a gitlohnateu a ngaidam a.

NASEPTE 15:9 ပူးပေါင်းရင်းမြစ်များ

EPHESI 3:6

Zie thuguk chuh ziehi ahi: Chanchin Pha ziekin, Krista achun Jentel te chuh go luohpihte ahiu a; sapum ka pihte leh, thutiem chanpihte ahi tau hi.

NASEPTE 10:28

Chun, a kawm u ah, “Juda mi’n, Jentel te kivawppih leh, a kawm u a chieh a thien loh zie nang un na heu hi; himahleh, ken, kuomah thienglo leh buok, ka tih ding ei puoi, tih Pathien in ei hetsak ahi.

KOLOSSA 3:11

Zie tak achun Grik mi leh Juda mi, zektan leh tan loh, nam chuom te, Skuthia mite, suok leh suok lo tih a um ta puoi; Krista chuh bang cheng hi zaw’n, bangakaia le a um hi.

GALATI 5:6

Krista Isu achun, zektan bangmah a phachuom puoh a, zektan loh le bangmah a phachuom diek puoi; taksanna a, hehpihna nasep vang chuh a phachuom ahi.

GALATI 3:28

Khutichun, Juda leh Grik kal a kilamdanna a um ta puoh a, suok leh suok lo kal a le, numei leh pasal kal a le a um diek ta puoi; na bawn u chun Krista achun pumkhat na hung hi tau hi.

1 KORINTH 1:2

Korinth khuo a Pathien sapchuom umte, Krista Isu a sukthientho, mithiengtho hidinga sapte kawmah, gamtin a I Lalpau (amau leh ei uh Lalpa) Isu Krista min lo chengcheng kawm a tawh,

ROME 3:22

Zie chuh Pathien diktatna, Isu Krista taksan zieka gingcha ta chengte kawma suklata um chuh ahi; lamdanna himhim a um puoh a,

NASEPTE 11:12

Tichun, Thagau in, kuomah khenchuom lo a amau haw zui dingin ei sawl a. Chun, zie suohpih gupte hin le ei hun zui u a, zie pa In achun ka lut u a;

1 PETER 1:22

Suohpihte, kihehpih tak tak dinga, thutak zawpa, na thagau uh na sukthien tâk ziekun, lunggil a lunglut takin kihehpih tuoh un.

NASEPTE 10:34

Tichun, Peter chun a gen pan a: “Pathien in mi, deihsak chuom a nei puoi tih, diktakin ka hêi.

1 KORINTH 7:18

Zektansa sap a um u? A zektan melchiknau chuh sukmang guo chuom kiheh. Zektan loh sap a um u? Zektan guo diek kihe’n.

ROME 9:24

Zie khuotuohna belhaw chuh Judate lak apat mai hilo in, Jentel te lak apat a sapte le I hiu ui.

ROME 3:9

Ahih leh, amau haw sangin I pha chuom diek u a ahim? Naisai lo e; Judate leh Grikte chule gitloh suok a um ahiu ui tih ka sulang zaw ahi.

NASEPTE 14:27

Tichun, Antiokei khuo a tun nung u chun, Sapchuom mipite chuh a sam khawm u a, Pathien in amau haw manga thil a hih cheng chengte leh, Jentel te dinga taksanna kawt a hawn sak ziehaw chuh a gen u a.

NASEPTE 14:1

Chun, Ikonium khuo achun, Paul leh Barnabas chuh Judate kikhawpna In achun a lut khawm u a, thu a gen sek u a; khutichun, Judate leh Grik tamtak inle a gingcha tau a.

NASEPTE 10:15

Chun, aw chun a nih veina ah, “Pathien in a hih thiengthosa chuh, nangin thienglo ti ki’n,” a ti a.

SAM LEHKHABU THE PSALMS 51:10

Aw Pathien keimah ahin lunggil thiengtho tak siem inla Ka sung ahin thagau thak leh diktak siem thak kit in.

EZEKIEL 47:22

Chun, hiti hi hi’n tin, na gam chan ding u leh na lak u a nam dang cheng, zi le cha neisate gam chan ding chuh na hawp dinguh ahi. Amau haw chule, Israel cha a piengte banga a um dinguh ahi a, Israel chate lak ah, nangmau haw bang mah a chan a neih dinguh ahi.