NASEPTE 15:3 - PATHIEN LEKHABU THIENGTHO (BSI)

³ Khutichun, sapchuomte chun a va thau a, amau chun Pathien lama Jentel te lunghei kit zie thu chuh a gen zel u a, Phoinikia gam leh Samari gam a fang suok tau a; zie chun suohpihte chengcheng a sukipak mah mah tau hi.

NASEPTE 15:3 ပူးပေါင်းရင်းမြစ်များ

NASEPTE 14:27

Tichun, Antiokei khuo a tun nung u chun, Sapchuom mipite chuh a sam khawm u a, Pathien in amau haw manga thil a hih cheng chengte leh, Jentel te dinga taksanna kawt a hawn sak ziehaw chuh a gen u a.

NASEPTE 21:5

Himahlele amau haw tawh ka umkhawm zawh u chun, ka nusieh uh a, ka kitawl zel tau a, suohpihte chun a bawn un, a ziteu, a chateu chu tawh lui pang tiengin ei hung thau a, tak achun, khupdin in ka paucham u a.

TITA 3:13

Zenas, Dan he pa leh, Apollos chun bangmah a a tâksap lohna dingun, a zinnau achun taima takin kaihuoi ta’n.

1 KORINTH 16:11

Zieziekchun, kuoma’n amah chuh musit kihen; ka kawma a hung theihna dingin, lungmuong takin thak zawu in; suohpihte tawh amah na muh ka kinem ngâl u a.

1 KORINTH 16:6

Nang haw kawma vang chawmkhat châm ing ka; phalbi sung cheng bawn châm ing ka; khawitak hileh, ka chiehna ding lama chuh nei thak theihna dingun.

ROME 15:24

Tuhin, hung ka kinem ta a. Chun, Spain gam ka hun tawh kawmin nang haw hun muh ka kinem a, nang haw tawh chawmkhat kipawl khawm nung leh, ka chiehna ding lama nei hung thak u le ka kinem hi.

NASEPTE 15:12

Tichun, mi chengcheng chuh a thip kêi tau a, Barnabas leh Paul in, Pathien in amau manga Jentel te laka melchikna leh thilmak a hih thute a gen sung cheng u chuh a ngaithau a.

2 KORINTH 1:16

Makedonia gama chieh kawma nang haw hun tawhmalam a, chun, Judia gama ka chiehna dinga nei hung panpih theihna dinguh a, ka hungkit lam leh hun tawh kit ding tih, ka na guonggalh zawhsa chuh ahi tai.

NASEPTE 28:15

Chun, Rome khuo a suohpihte’n ka chanchin uh a zak phet un, Appias Dawl mun leh, Khuolbuk thumna tiengin kei uh ei dâwn dingin a hung u a. Paul in amau haw chuh a muh phetin, Pathien kawmah kipahthu a gen a, a hatchuompih mah mah ta a.

NASEPTE 13:52

Chun, sinsakte chuh kipakna leh, Thagau Thiengtho in a dim tau hi.

NASEPTE 13:48

Chun, Jentel te chun zie thu haw chuh a zak un, a kipâk u a, Pathien thu a limbawl u a, tichun, kumkhuo a hing dinga tel a um cheng chuh, gingtu a hung hi tau hi.

NASEPTE 8:14

Chun, sawlchak, Jerusalem khuo a umte khan, Samari khuo a mite’n Pathien thu a awi ui tih a zak un, a kawm u ah Peter leh Johan chuh a sawl u a.

LUKE 15:32

Himahleh, zie na nau hi a thi sa, a hung hing kit ahi a, a mang sa, I muh kit uh ahi ta a, ziezieka chuh, kipâk tak leh lawp taka I um dinguh a puo!’” a ti a.

NASEPTE 1:15

Chun, zie nung sawtlo cha chun gingtute kikhawp khawmna a um a, a bawn u chun za leh sawmnih vel ahiu a; tichun, Peter chuh a ding a, a kawm u ah,

NASEPTE 15:1

Chun, mi kuote ahim, Judai gam apat Antiokei khuo ah a hung u a, “Mosi dân guola zek na tan loh u chun, hukdam hi thei puo’n lau,” ti’n suohpihte chuh a sinsak u a.

NASEPTE 15:4

Chun, Jerusalem khuo a va tun u chun, sapchuomte, sawlchakte, leh upate chun a na lawp u a, tichun, Pathien in amau haw manga thil a hih chengcheng chuh a gen u a.

NASEPTE 15:22

Chun, sawlchakte, upate, sapchuom chengcheng chu tawh kigawm in, a lak u a mi tel a dawk u a, Paul leh Barnabas chu tawh Antiokei khuo a sawl pha a sau a. A telteu min chuh, Juda (Barsabas a tih uh) leh Silas a hiu a, ziete chuh suohpihte laka lawiupa deuh te ahiu hi.

NASEPTE 15:32

Chun, Juda leh Silas chuh thiemgau mah ahiu a, thu tamtakin suohpihte chuh a lungmuon u a, a hihdet tau a.

NASEPTE 17:15

Chun, Paul thak a chiehte chuh, Athen khuo tiengin a chieh u a, chun, Silas leh Timothe chuh a ma thei lam pena a kawma chiehna ding thu thâk ngâl in a kîkkit tau a.

NASEPTE 20:38

A mel a muh kit takloh ding zieu thu a gen chuh a lungkhamna pên uh ahi. Khutichun, amah chuh, kuong tieng chun a va tha tau hi.