NASEPTE 13:6 - PATHIEN LEKHABU THIENGTHO (BSI)

⁶ Tichun, tuikuol chuh, Paphos khaw tiengin a fang suok u a, dawithiem, thiemgau lêm, Juda mi khat a muu a, a min chuh Bar-Isu ahi.

NASEPTE 13:6 ပူးပေါင်းရင်းမြစ်များ

MATTHAI 7:15

“Thiemgau lêmte lak achun chingthei un, ziete chuh belam vun silh in na kawm u ah a hung sek u a, a sunggil lam u chulah ngei gawlham tak tawbang ahi ngâl u a.

1 JOHAN 4:1

Deihtakte, thagau tapoh gingcha kiu, amahvang chuh, thagau chuh, Pathien apat a hih leh, hih loh khuoltuok masa’n, patep un. Thiemgau lêm tamtak khawvel ahin a hung pawt tâk ziekun.

2 KORINTH 11:13

Khutibang mite chuh, sawlchak tak tak ahi puou a, lepchieh thu a a nasepteu gen a, Krista sawlchak diktak hite guola. amau kisiemkawmte ahi zawu hi.

MARK 10:46

Chun, Jerikoh ahung tung u a; chun, Isu a sinsakte tawh mipi nasatak tawh Jerikoh apat a a pawtdawk lai un, Timai chapa Bartimai chuh lampang ah khutdawh in a na chu a.

MATTHAI 24:24

Krista lêmte leh thiemgau lêmte hung pawt ding ahi ngâl uh a. Ziete chun melchikna nasatak leh, thilmak lopitak hun etsak un au, a hihtheih diek chun, telte nasan le hun dawha bawl ding ahiu hi.

MATTHAI 16:17

Chun, Isu’n a kawmah, “Simon Bar Jonah, na hampha ahi; phehlevo leh thisan in a hun hetsak ahi puoh a, ka Pa van a um in a hun hetsak ahi zawi.

ZEKARIA 13:3

Chun, hiti hi hung hi’n tin, kuo’n le thu a gen zawm zel chun, a nulepa amah hingte khan a kawmah, ‘Hing puo’n la, Lalpa min a lepchieh na gen ziekin, thah ding na hi,’ tiu intin. Tichun, a genlawk lai tak u chun, a nu leh a pa chun sunlum un au.

PAWTDAWKNA 22:18

“Dawi thil mang numei himhim chuh na thah teitei ding uh ahi.

THUPHUON 19:20

Tichun, sahang chuh a man uh a, thiemgau lêm, sahang melchikna nei leh, a lim note a lepbawl theihna dinga thilmak a mitmuh uh a hihpa khale a man tel uh a. A nih uh chun, mei leh kât a kâng dil achun a hingsan in a paih lut tau a.

2 TIMOTHE 3:8

Janne leh Jambre te’n, Mosi a dodal bang u khan, ziete chun le thutak a dodal sek uh a; lungthim siesa, taksanna lam achun Pathien deih loh lam mi ahiu hi.

1 KHANGTHUBU 10:13

Khutichun, Saul in Lalpa thu a zawp nuom puoh a, Lalpa chunga a gitloh ziek leh, Lalpa dawng lo a, thitha zawlnei te a dawng a, phunsan a a dawt ziekin a thi ta a.

1 LENGTE 22:22

Chun, Lalpa’n a kawmah, ‘Bangti’n na thêm die?’ a ti a. Amah chun, ‘Va chieh ing ka ting, a thiemgauteu mûk a khun thagau lepchieh va hi’ng ka ting,’ a ti a. Lalpa chun, ‘Va thêm in na tin, lawh le lawh ting inla; va chieh inla, khutibang chun va hih in,’” a ti a.

THIEMPUDANTE 20:6

“Chun, kuole, amau tawh zawlsai dinga thitha aisânthiem dawng sekte chuh nungngat ing ka ting; amau chuh a mipite apat chun sattha ding ka hi.

NASEPTE 13:8

Himahleh, Elimas, dawithiem, (ziehi Grik pau a a min chuh ahi), zie pa chun leng thasangpa chuh ginchak loh sak guo’n, amau chuh a na dodal a.

NASEPTE 13:13

Chun, Paul chuh a lawite chu tawh, Paphos khuo a kipat chun, kuong in a chieh u a, Pamphulia gama Perga khuo a tung u a; chun, Johan khan amau chuh a taihsan a, Jerusalem ah a kîkkit ta a.