NASEPTE 13:2 - PATHIEN LEKHABU THIENGTHO (BSI)

² Lalpa a zenviel u a, an a ngawlh lai un, Thagau Thiengtho in, “Barnabas leh Saul hi, ka sap lawh pên hih dingin ei guot chuom sak un,” a ti a.

NASEPTE 13:2 ပူးပေါင်းရင်းမြစ်များ

GALATI 1:15

Chun, ka nu sung apat a ei kawihchuompa leh, a hehpihna vanga ei sampa Pathien chun,

NASEPTE 9:15

Himahlele, Lalpa chun a kawmah, “Chieh mai ah, Jentel te, lengte, Israel suonte kawma ka min puok lutna dinga ka bel guot ahi a puo!

2 TIMOTHE 1:11

Pathien in zie Chanchin Pha chuh phuong dinga, sawlchak leh sinsaktu dinga ei tel ahi a,

1 KORINTH 12:11

Himahleh, zie thil chengcheng chuh Thagau khat in, mitin kawmah a deih bang zel in thilpiek chuom chiet a pie sek hi.

ROME 1:1

Paul, Krista Isu suok, sawlchak hi dinga sap. Pathien in a Chanchin pha gen dinga a kawihchuompa chun:

1 TIMOTHE 2:7

Zie taksanna thu leh thudik chuh, Jentel te kawma phuong dinga sawlchak leh sinsak dinga guot ka hi. Lepchieh thu gen ka hi puoh a, thudik ka gen zawk ahi.

NASEPTE 22:21

Chun, amah chun, ‘Chieh ah, tak apan hin gamla tak ah, Jentel te kawmah hun sawl zaw’ng ka,’ ei ti ta a,” a ti a.

NASEPTE 14:26

tak apat chuh kuong in a pawt u a, Antiokei khuo chuh a hung tung kit tau a; zie mun chuh a thilhih zawh taksau chuh hih dinga, suohpihte’n Pathien lungsietna vawpsaka a kipat dawknau khah ahi.

DANIEL 9:3

Tichun, an ngawlin, kawlladip puon silh in, vut laka kibuol in, Lalpa Pathien kawm achun phachuomngai takin ka paucham ta a.

KOLOSSA 4:17

Chuleh, Arkippa kawma khan, “Zenvielna, Lalpa kawm apat na muh kha muolsuoh tei in,” a na tiu in.

LUKE 2:37

Amah chun Pathien Ho-In taihsan lo hiel in, asûn-azan in anngawl banga paucham in Pathien a ho seka.

1 SAMUEL 2:11

Tichun, Elkanah chu Ramah khuo a a In achun a chieh kit ta a. Chun naupang chun thiempu Eli ma ah Lalpa na chu a sem ta a.

2 TIMOTHE 2:2

Chun, hetpih tamtak te laka ka kama thu na zak cheng khah, ziehaw mawng chuh mi taksanum, midang le sinsak sawn thei dingte kawm achun vawp sak in.

EPHESI 3:7

Chanchin Pha zenviela ka panna hi, Pathien thilpiek chuom ahi a, zie chuh a thilhih theihna nasep bang zela ei piek ahi.

NASEPTE 13:3

Khutichun, an a ngawlh u a, a paucham zawh un, a chungu ah khut a ngau a, a sawl dawk tau a.

NASEPTE 10:30

Chun, Kornelias chun, “Ni li ahi ta a, tu phat ding vel hin, vaimim huon phat paucham huna, ka In a ka paucham lai in, ngaitie! mi khat, puon tesepsup silh ka ma ah a hung ding a,

NASEPTE 10:19

Khutia, Peter in a vaulam thu chuh a ngaihtuoh lai in, Thagau in a kawmah, “Ngaitie, mi thum in a hun hawl ui.

NASEPTE 8:29

Chun, Thagau chun Philip kawmah, “Zie kangtalai khuh va naih inla, a kawmah va um ah,” a ti a.

MATTHAI 9:38

khutichun, a buh ât ding a sem ding haw chu sawl dingin buh neipa kawm achun ngên un,” a ti a.

MATTHAI 6:16

“An na ngawlh tiengu lele mi, migukhahte guolin nguoi mel pu kiu; amau haw chun mite muh a anngawl a hih uh a kilat theihna ding in a mel uh a hih zatchuom sek ui. Tihtakzet a ka hilh na hiu hi, a kipahman u chuh a mu zo tau hi.

DAN NIHNA 10:8

Zielai chun, tuni chana a hih zing uh, Lalpa thuthun bawm zawna pang ding leh Lalpa maa a na sema, a min pakcha dingin Lalpa’n Levi te chuh a kawih chuom ta a.

HEBRAI 5:4

Kuoma’n thiempu Lien hihna zieka limbawlna chuh amau in a kilak kha puou hi. Pathien sapna ziek chauh in mi chuh Thiempu Lien in a pang sek ui, Aron a hih mah bang in.

2 TIMOTHE 4:11

Tita chuh Dalmatia gam ah a chieh nawn a, Luke mai ka kawmah a um ta a. Mark khah chiel inla, hun pui ah, amah chuh zenvielna lam achun kei dingin a phachuom ngâl a.

2 TIMOTHE 4:5

Nang vang chuh bangakai ah pilkieu inla, haksa thuok inla, Chanchin Pha gen lam na sem inla; na zenviel nasep kha muolsuoh ah.

2 KORINTH 11:27

Nasep gim leh chawlna leh, ihmut mawhna te ale; gilkiel leh dangchâk na te ale; nek ding tâksapna munte, vel tamtak umna ding leh silhlechen beia umna banga le.

2 KORINTH 6:5

Zep in ka um u a, suongkul a lutna leh thubuoi na le; na hah sep a sem in, ipmu lo leh an nelo khawp in ka um sek uh ahi.

1 KORINTH 7:5

An ngâwl a paucham dinga na kipiek theih na ding u leh, na kipawl kit theih na dingun, sawtlo cha a dingin pha na sak gêl gêl ngâlloh u chun a kuomah zawk kisudawng kiu in.

ROME 15:16

Nanguh hun hetsak kitna dingin, thu khenkhat khat chuh hangsan taka ka hun zik ahi. Jentel te chuh Pathien kawma sukthientho, Thagau thiengtho zâla amah a kipumpiek mi a hih theihna dingun, thiempu nasep guolin, Pathien Chanchin Pha chuh a kawm u ah ka gen ahi.

ROME 10:15

Sawl a hihloh u chun, bangti’n a thu a gen dinguh? “Thil pha chanchin kipah-um tunte keng chuh a hawih na e!” tih zik guol khan.

NASEPTE 20:28

Pathien sapchuom haw, amah thisan a a châwkte chuh vak dingin, nangmau haw leh na belam hawnteu chung achun chingthei un, Thagau Thiengtho in amau haw enkawl dinga a hun siem na hiu hi.

NASEPTE 6:4

Eihaw chuh, paucham leh thu ngaihtuoh viel in um kit zel hitiu,” a tiu a.

1 KHANGTHUBU 16:4

Chun, David chun, Thugawlh Bawm masanga zenviel ding leh, Lalpa Israel Pathien hona a mapui ding leh, amah pakcha a lasa dingin, Levi te khenkhat chu a guot a.

LUKE 10:1

Chun, zie zawh nung chun, Lalpa’n mi sawmsagih leh nih a teldawk kit a, amah ngêi chiehna ding khawpi tin leh muntina chun a masanga a na chieh masa dingin, nih zelin a sawl a.

NASEPTE 4:36

Chun, Kupra tuikuol a pieng, Levi chi, Joseph kiti, sawlchak te’n Barnabas a tihpau (a min umzie chuh “Lungmuonna Cha,” tihna ahi),

NASEPTE 13:4

Khutichun, Thagau Thiengtho sawl dawkin a chieh u a, Selukai khuo ah a chieh suk u a, tak apat chuh Kupra tuikuol ah kuong in a chieh u a.

MATTHAI 17:21

“Tihtakzet a ka hilh na hiu hi, ankam mu chang khat tieh taksanna na neih u chun, zie tâng kawma hin, ‘Zie tak apat hih zie khun va kichawn ah,’ tiu in na tin uh, kichawn zieng ina; tichun, nang u dingin hihtheihloh bangmah um puo’n a,” a ti a.