NASEPTE 11:1 - PATHIEN LEKHABU THIENGTHO (BSI)

¹ Chun, Judea gama Sawlchakte leh, suohpih umte chun, Jentel te’n le Pathien thu a zawp tau ui tih a za tau a.

NASEPTE 11:1 ပူးပေါင်းရင်းမြစ်များ

SAM LEHKHABU THE PSALMS 22:27

Kâwlmawng a mi chengcheng in le hezing untin, Lalpa lam ah kihei tan au: Nam tina chitin na masangah khun in hun ho un au.

MALAKI 1:11

Ni suohna apat ni tumna tiengin Jentel te lak achun ka min chuh a lopi ngâla. Mun tin a a umnau chengah gimlimte ka kawma hâl in, kithawihna pawmtâkte a lân u a!

ISAI 32:15

Himahleh, khatvei chuh, Pathien in a Thagau chuh hun sungtha kit intin, gam chulnung chuh lei pha hung chang kit intin, Lote chun gah hun suoh kit ina.

NASEPTE 15:3

Khutichun, sapchuomte chun a va thau a, amau chun Pathien lama Jentel te lunghei kit zie thu chuh a gen zel u a, Phoinikia gam leh Samari gam a fang suok tau a; zie chun suohpihte chengcheng a sukipak mah mah tau hi.

NASEPTE 14:27

Tichun, Antiokei khuo a tun nung u chun, Sapchuom mipite chuh a sam khawm u a, Pathien in amau haw manga thil a hih cheng chengte leh, Jentel te dinga taksanna kawt a hawn sak ziehaw chuh a gen u a.

ZEKARIA 2:11

Zie hun tieng chuleh, namtin in Lalpa lam hun zuon tau un tin; a mite hung hi ta’n au. Na laku ah cheng ing ka ting, tichun, na kawm u ahin amah ngêi in ei sawl ahi tih he ta’n la.

ZEPHANIA 3:9

“Zie ni chuleh mite chuh pau thiengtho pie’ng ka ting, lungthim munkhat pu a, Lalpa min a sap uh a, a na a sep vek theih na dingun.

ZEPHANIA 2:11

Amau a dingin Lalpa chuh tizat-um tak hi’n tin, leia pathiente chuh sumangthai vek in tin, tichun, namtin a masang ah khun un tin, mitin in amau mun chiet apat in Amah chuh ho ta’n au.

MIKA 5:7

Tichun, Jakob suonte a hing dawk sunte chuh, nam tamtak te a dingin Lalpa apat a sukhalhthak kitna dâitui kie leh, thai kung dâwngte chunga guohmal kie sieusieu bangin um un tin, mihingte chunga kinga lo in Pathien chungah kinga zaw’n au.

HOSEA 2:23

Chun, amau chuh gamsung achun thaichi guolin tuh ing ka ting; hehpih loh chuh hehpih ing ka ting; ka mi hilote kawm achun “Ka mite na hiu hi” ti’ng ka ting, amau chun ka kawmah, “Ka Pathien na hi” tin au.

JEREMIA 16:19

“Aw Lalpa ka hatna leh ka kulhpi, lungkham ni a ka kihumbitna; kâwlmawng apat in namte hung u’ntin, kei uh ei suonte chun lepchieh thil panna bei; phatchuomna neilo tihloh chuh bangmah goluoh a nei puou hi,” hung ti’n au.

ISAI 62:2

Tichun, namtin in na diktatna chuh mu’n tin uh, leng chengcheng inle na lopina chuh mu’n au. Tichun, min thak Lalpa kam in a sak ding ngêi chun sap in um ta’n la.

ISAI 60:3

Tichun, na vak achun namtin hungkhawm un tin; lengte le na zingkal phal vak nino zuon in hungkhawm un au!

ISAI 52:10

Lalpa’n namte mitmuh in a khut thiengtho chuh a hun zak dawk ta a, tichun kâwlmawng tawpa cheng te’n le a hukdamna chuh mu ta’n au.

ISAI 49:6

Lalpa’n ka kawmah, “Jakob namte tundin na ding leh Israel chate laka bitna a um kitna dinga suok a ka hun siem hi thil neucha ahi; Jentel te salhvak dingin le hun guot ing ka ting; khutia chuh ka hukdamna hih kâwlmawng tieng ale atun theih na dingin” a ti a.

ISAI 42:6

Tichun, kei Lalpa chuh ka hi a, diktatna’n ka hun sama, thilhih theihna ka hun pie a; na khut in hun tu’ng ka ting, hun vengbit ing ka ting; Mite thuthun ding leh Jentel te salhvak dinga ka hun guot ahi.

ISAI 42:1

“Ka suokpa, ka tundawk, hattak a ka siem a, ka teldawkpa, a chunga ka kipahna mah mah pa a um hi! Amah chuh ka thagau in ka hihdim a, namtin chungah vai hun hawm ding ahi.

ISAI 11:10

Chun, zie ni chuleh hiti hi hung hi’n tin, Jessai zung, mitin tiemtehna dinga ding chuh, amah ngêi chuh namtin in dawp tau intin; a chawlhna mun chuh lopi ina.

THILSIEMBUL 49:10

Leng mawlh chuh Juda apat chun mang puo’n tin, Vaihawmna mawlh chule a kengkal apat in mang diek puo’n a; Shiloh hung masangsieh chun; chun, namtin in amah thu awi un au.

LUKE 2:32

Jentel te salhvak ding vak leh, Na mi Israel te lopina ding chuh!” a ti a.

MARK 16:5

Khutichun, thân sunga chun a lut u a, tangval khat, puon vam silh, changlam panga chu a muu a; a lau tau a.

MATTHAI 8:11

Ka hun hilh na hiu hi, suohlam leh tumlam apat in mi tamtak hung untin, van gama guolvakna achun Abraham te, Isak te leh Jakob te chu tawh chu khawm un au.

MATTHAI 2:1

Chun, leng Herod a lal laia, Juda gama Bethlehem khuo a Isu a hung pien in, ngaitie, suohlam apat in miching te Jerusalem khuo ah a hung u a,

NASEPTE 1:15

Chun, zie nung sawtlo cha chun gingtute kikhawp khawmna a um a, a bawn u chun za leh sawmnih vel ahiu a; tichun, Peter chuh a ding a, a kawm u ah,

NASEPTE 11:29

Tichun, sinsakte lawi chun, a hihtheih kham chiet un, Judai gama suohpih umte kawm achun kikhawmtuohna ding thâk a guou a.

NASEPTE 28:15

Chun, Rome khuo a suohpihte’n ka chanchin uh a zak phet un, Appias Dawl mun leh, Khuolbuk thumna tiengin kei uh ei dâwn dingin a hung u a. Paul in amau haw chuh a muh phetin, Pathien kawmah kipahthu a gen a, a hatchuompih mah mah ta a.