NASEPTE 10:4 - PATHIEN LEKHABU THIENGTHO (BSI)

⁴ Kornelias chun amah chuh lau takin a en a, “Lalpa, bang ahi?” a ti a. Amah chun a kawmah, “Na pauchamna haw leh na thilpiek thu haw khah, hetzing dingin Pathien ma ah a tung to ta a.

NASEPTE 10:4 ပူးပေါင်းရင်းမြစ်များ

PHILIPPI 4:6

Bangmah ah lungkham kiu in; bang chengah paucham leh ngenin, kipahthu gen tel zelin, na ngetna hawu chuh Pathien kawmah hetsak in um zaw hen.

HEBRAI 6:10

Na nasep u leh, a min zieka hehpihna na latsak sek uh, mithiengthote na zenvielnau, tu tieng a le na hih zing uh chuh hengilh dingin Pathien chuh mi diktatlo a hi puoh ngâl a.

MALAKI 3:16

Tichun, Lalpa kihchate chuh a kihotuoh u a: Lalpa chun I thugenteu a ngaitha a, a na za a, Lalpa kihchate leh amah limbawlte a ding chun hetzing na lehkhabu chuh a masang ah zik ahi ta a.

NASEPTE 10:31

ka kawmah, ‘Kornelias, na pauchamna khah zak in a um tai, mi kawma na thil piek haw khale, Pathien in a hezing hi.

THUPHUON 8:4

Tichun, gimlim khu chuh, mi thiengthote pauchamna chu tawh, Pathien maa ding sek, vânsâwlchâk khut apat chun a chieh to a.

SAM LEHKHABU THE PSALMS 141:2

Ka pauchamna hi thil gimlim tak guolin na masang ahin pawm in um hen la; Ka khut zak hi nitâk lam kithawihna guol in um hen.

PHILIPPI 4:18

Himahleh, thil bangkim ka nei a, ka nei tai, nei hun thilpiekteu gimlim, kithawihna deihum, Pathien pawm tâk leh kipahlam tak chuh, Epaphrodita khut apat in ka na mu ta a, ka kiningting tai.

HEBRAI 13:16

Himahlele, thilpha hih leh, kipanpih tuoh ding hi hengilh kiu in, zie chuh Pathien kipahlam, kithawihna chuh ahi ngâl a.

LUKE 1:29

Vânsâwlchâk thugen chun Mari chuh nasa takin a subuoi a, a thugen chuh bang tihna ahi die! ti’n a ngaihtuoh a.

MATTHAI 26:13

Tihtakzet a ka hilh na hiu hi, khawvel pumpi ah, hâwi ale zie Chanchin pha hi a gen na cheng u ah, zie numei thilhih hile amah hetzingna dingin gen zel un au,” a ti a.

DANIEL 10:11

Chun, Vânsâwlchâk chun ka kawmah, “Aw Daniel, Pathien in a hun lungsiet hi. Khutichun ding dawk inla, ka thugen ding hi hawih takin ngaitha’n. Na kawma sawl a um ka hi,” ti’n. Zie thu a hun gen phet chun, kithing zing pum chun ka ding dawk ta a.

ISAI 43:26

Mawh ei chansak un la, ngaihtuoh khawm hitiu; na diknau chuh het a hih theihna dingin na thuu chuh gen un.

2 KHANGTHUBU 32:24

Zie hun lai chun Hezekia chu a hung damlo ta a, a thi vang hiel a, a paucham a, tichun Lalpa’n a thih lohna dinga tiemtehna chu a pie ta a.

2 KHANGTHUBU 6:33

nangin na umna van a pat in na ngaitha’n la, nam dangte’n a hun sap dân bang tak un a chung u ah hihin; tichun na mi Israel te mah bang in khawvel a namtin in na min hun heu intin uh, hun kihchau intin, zie Ho-In ka sak hin na min a chuong hi tih he’n au.

1 SAMUEL 3:10

Chun, Lalpa chu a hung a, a dinga, a ma a a sap guol khan, “Samuel Samuel,” ti’n a sam kit a. Khutichun Samuel chun, “Thu gen in, na suok in a ngaithai,” a ti a.

NASEPTE 22:10

Chun, ken, ‘Lalpa, bang ka hih die?’ ka ti a. Lalpa chun ka kawmah, ‘Tho inla, Damaska khuo ah lut ah, thil, na hih dinga guot chengcheng hun na hilh un au,’ a ti a.

LUKE 24:5

Lauhna a dima, numeite chuh tuola a bawhkhup lai u chun amau chun a kawm u ah, “Bang zieka mithi laka mihing hawl na hiu hi?

ISAI 45:19

Thim lak ah a gûkin thu ka gen puoh a, ka thiltup te le ka selgu diek puoi. Jakob suonte chuh bangmah um lohna mun ei hawl dingin ka ti ngei puoh a. Kei Lalpa chuh ka hi a, thudik tak ka gen sek hi,” ti’n.

THIEMPUDANTE 2:2

Chun, Aron chapa thiempute kawma chuh a chawih ding ahi. Amah chun, changbuong leh, sathau leh gimlim chuh a khut khat dim in la’n tin, Chun, thiempu chun maichâm chung achun hetzingna, Lalpa kawma mei thillat dingin hâl ina.

SAM LEHKHABU THE PSALMS 20:3

Na thillat chengcheng chuh hezing henla, Na hâlmang thillat a chun kipâk hen; Selah

NASEPTE 3:4

Chun, Peter leh Johan in amah chuh a en u a, Peter chun a kawmah, “Kei uh ei hun entie!” a ti a.

NASEPTE 14:9

Zie pa chun Paul thugen a ngaitha sek a. Paul chun amah chuh a en zing a, damna dingin taksanna a nei hi tih a he a,