NASEPTE 1:8 - PATHIEN LEKHABU THIENGTHO (BSI)

⁸ Himahlele, Thagau Thiengtho chuh na chung u a a hungtun tieng leh, thilhih theihna hun nei unlau, tichun, Jerusalem khuo ale, Judea leh Samari gam khuo tin ale, kâwlmawng tiengin ka thu hetpihte hi’n lau,” a ti a.

NASEPTE 1:8 ပူးပေါင်းရင်းမြစ်များ

SAM LEHKHABU THE PSALMS 22:27

Kâwlmawng a mi chengcheng in le hezing untin, Lalpa lam ah kihei tan au: Nam tina chitin na masangah khun in hun ho un au.

SAM LEHKHABU THE PSALMS 98:3

Israel inkuon te chunga a zaidawhna leh a muon um na a hezing zieng a: Kâwlmawng a micheng inle, ka Pathien uh hukdamna chuh a mu tau a.

ISAI 42:10

Tuisuohgiet a va chieh te leh, a sung a um cheng chengte leh, tuikuol gam leh a sunga um chengcheng te haw Lalpa chawiân in la thak sau in la, kâwlmawng apat inle amah chawih-atna la sau in.

ISAI 49:6

Lalpa’n ka kawmah, “Jakob namte tundin na ding leh Israel chate laka bitna a um kitna dinga suok a ka hun siem hi thil neucha ahi; Jentel te salhvak dingin le hun guot ing ka ting; khutia chuh ka hukdamna hih kâwlmawng tieng ale atun theih na dingin” a ti a.

ISAI 52:10

Lalpa’n namte mitmuh in a khut thiengtho chuh a hun zak dawk ta a, tichun kâwlmawng tawpa cheng te’n le a hukdamna chuh mu ta’n au.

ISAI 66:19

Chun, a lak u ah tiemtehna siem ing ka ting, tichun, a lak u a gawtna a suokcha namte Tarshis te, Pul te, thalpi luoi zing Lud namte kawmah Tubal leh Javan te ka minthan dân za khalo leh ka lopina mu khalo tuikuol gamla taka umte kawmah sawl ing ka ting; amau chun Jentel te kawmah ka lopina phuongzak un au.

JEREMIA 16:19

“Aw Lalpa ka hatna leh ka kulhpi, lungkham ni a ka kihumbitna; kâwlmawng apat in namte hung u’ntin, kei uh ei suonte chun lepchieh thil panna bei; phatchuomna neilo tihloh chuh bangmah goluoh a nei puou hi,” hung ti’n au.

MIKA 3:8

Himahleh, kei vang Jakob sukkhelhna sulang ding leh, Israel gitlohna hetsak dingin, Lalpa thagau zieka thil hihtheihnate, vaihawm nate leh hatna te chun ka dim takzet hi.

ZEKARIA 4:6

Chun, amah chun ka kawmah, zie hi Zerubabel kawma Lalpa thu chuh ahi: “Hatna hilo in, thilhih theihna le hi diek lo in, Ka thagau thilhih theih na zawk in la uo! Bangkim hihthei Lalpa chun a tii.

MATTHAI 24:14

Chun, zie gam chanchin Pha hi nam chengcheng hetsakna dingin khawvel pumpi ah gen in um intin; zie zawh chu leh tawpna chuh hungtung in a.

MATTHAI 28:19

Khutichun, chieh un la, namtina mi sinsak in siem un la, Pa leh Chapa leh Thagau thiengtho min chun baptist un la;

MARK 16:15

A kawm u ah, “Khawvel pumpi ah chieh un la, thilsiem tincheng kawmah Chanchin Pha gen un.

LUKE 1:35

Vânsâwlchâk chun a dâwng a, a kawmah, “Thagau Thiengtho na chungah hungtung intin, Pathien thilhih theihna chuh na chungah um intin, zieziekchun, nau thiengtho hung pieng ding chule Pathien Chapa ti’n au.

LUKE 10:19

Ngaitiem u! gulte, aikawmte tawhden theihna thu ka hun piek na hiu hi; tichun, bangma’n hun suna puo’n a.

LUKE 24:29

himahleh, amau chun a thoh u a, “Kei u kawmah um ah, vai le a vaigei ta a; nisa le tum ding ei ta hi,” a tiu a. Khutichun, amau kawma um ding chun a chieh ta a.

JOHAN 15:27

Chun, nangun le ka chanchin gen unlau, atûng apat ka kawma um na hih tâk ziekun.

NASEPTE 1:22

Johan in baptistma thu a gen apat, I kawm u apat van a puih toha a um ni tieng khan zie a I lak u a tel sekte laka hin mi khat, Lalpa Isu thawhkitna ei hetpih dingin a um ding ahi,” a ti a.

NASEPTE 1:5

Johan khan tui in a baptist sek a, himahlele, ni sawtlo kâl in Thagau Thiengtho in baptistma chang unla,” ti’n.

NASEPTE 13:31

tichun, Galili gam apat Jerusalem khuo a amah tawh va chiehte kawm achun, ni sawttak sung chuh a kilak sek a. Ziete haw chuh tuhin, mite kawma thu hetpihte ahi tau hi.

NASEPTE 2:32

Zie Isu chuh Pathien in thihna apat in a kaitho ngêi a, zie thudik hetpihte chuh I bawnchau hin I hiu ui.

NASEPTE 22:15

Mi chengcheng kawma na thil muh te leh zakte kha gen dingin, amah a dinga hetpihtu hi ding na hi.

NASEPTE 3:15

Hinna Siempa chuh na that u a; himahlele, Pathien in amah chuh mithi lak apat a kaitho kit a, zie chuh a hetpihte ka hiu hi.

NASEPTE 4:33

Tichun, sawlchakte chun, thilhih-theihna nasatak tawh, Lalpa Isu thawhkitna thu a hetsak sek u a, tichun, Pathien in a bawn u a chung achun vangsakna nasatak a sunkhum ta a.

NASEPTE 5:32

Zie thu haw hetpihte chuh ka hiu a keihaw leh Thagau Thiengtho, Pathien in a thu zawp ta chengte kawma a piek ngêi chu tawh,” a tiu a.

NASEPTE 6:8

Chun, Stephan chuh Pathien apat a lungsietna leh thilhih theihna’n a dim a, mi lak ah thilmak leh melchikna lopitak a hih sek a.

NASEPTE 8:1

Saul chun le a thih chuh a ki-awi a. Zie ni chun, Jerusalem khuo a Sapchuom um haw chun sukgimtheihna nasatak a thuok pan tau a. Sawlchakte tihloh, gingtu dang chengcheng chuh, Judea leh Samari gam khuo tin ah a dalh vek tau hi.

ROME 10:18

“A hih leh, a bil un a za puou a ahi? Za e, a thawm u chuh leisiet chung cheng chenga chun a thang a, A thuu chuh vannuoi kil tin ah a thang suok tai.”

ROME 15:19

Ziehaw chuh, thu leh thilhih in leh, melchikna leh thilmakte leh, Pathien Thagau Thiengtho mang in a hih a. Chun, Jerusalem apat a, Illurikam gam tienga ka zin lai in le, Krista Chanchin Pha chuh bukim takin ka gen zo tai.

KOLOSSA 1:23

Zieziekchun, bul nei a dettaka um in, Chanchin Pha na zak uh a kinepna apana kichawn mang lo in, taksanna achun um zing un. Zie Chanchin Pha khawvel a mi chengcheng kawma tângsappih a um kha, Kei Paul ngêi hi zie zenviel nasem a chuh pang ka hi.