NASEPTE 1:6 - PATHIEN LEKHABU THIENGTHO (BSI)

⁶ Chun, sawlchakte chuh Isu tawh a hung kikhawpkhawm phet un, a kawmah, “Lalpa, tuhin ahim, Israel te kawma Gam na piek kit ding?” ti’n a dawng u a.

NASEPTE 1:6 ပူးပေါင်းရင်းမြစ်များ

LUKE 19:11

Chun, zie thu haw chuh a ngaihthak lai un, Jerusalem khuo a naih tâk ziek leh Pathien gam hunglang zieng dinga a ginchak ziekun tehkal thu a gen tel a.

LUKE 17:20

Chun, Pharisaite’n, Pathien gam hungtunna ding phat a dawt ziekun, Isu’n a kawm u ah, “Pathien gam chuh muh theih in a tung puoi.

DANIEL 7:27

Tichun, lei chunga lalgam chengcheng thuneihna leh lopina chuh, Chungnung pên pa Pathien mite kawma chuh piek hi ta’n a. A lalgam chuh tâwp ta puo’n tin, lei chunga vaihawmte chengcheng in a nau sep sak un tin, a thuu zawp ta’n au.” ti’n.

MATTHAI 24:3

Chun, Isu olive tânga a chut lai chun, sinsakte chuh a mau mai in a gûkin a kawmah a chieh u a. “Ziehaw chuh bangtik leh e, a hung um ding? Na hung kitna ding leh khawvel beihna ding melchikna chuh bang a hi die? ei hilh in,” a tiu a.

LUKE 22:29

tichun, ka gama ka dawhkan a an na nek u a, na dawn theihna dingun, ka pa’n gam ei guotsak guolin, gam ka hun guotsak na hiu hi.

MATTHAI 17:11

Chun. amah chun, “Elijah chuh a hung ding him ahii, bangakai le siem pha’n a.

MATTHAI 20:21

Isu chun a kawmah, “Bang ahim na deih?” a ti a. Amah chun a kawmah, “Zie ka chapate nih hi na gam ah, na changlama khat, na veilam a khat a chut theihna dingun thu pie’n,” a ti a.

ZEKARIA 9:9

Aw Zion chanute haw! lawp un, lawp un nang haw, Jerusalem chanute lâwpin kiko dawk un! En un, na leng chuh na kawmah a hung hi! Amah chuh guolzo leh guol chungchuong in! Kingainiem takin sabiltung chungah a chu a, sabiltungno chung ngêi achun.

AMOS 9:11

Lalpa, zie thil hihpa hin hiti hin a tii, “Zie ni chuleh, David lalgam chimsa chuh tungding ka ting, a sietna te chuh thuop pha’ng ka ting; a siete chuh lemto ka ting, malaia a um bang mah khan sapha kit ing ka.

JEREMIA 33:26

Jakob suonte leh ka suok David suon te chuh paih tha’ng ka, Abraham te, Isak te, Jakob suonte chunga vaihawm dingin a suon la mang ing ka: a saltannau apat vaihkit sak ing ka ting, a chunguh ah lungsietna nei ding ka hi ngâla.”

ISAI 1:26

Chun, na sunga vaihawmte chuh a tûnga a um bang u khan umsak kit ing ka ting, na sunga lemguotte chule a masapen a a um bang u khan umsak kit ing ka ting, zie zawh chuleh Jerusalem chuh, ‘Dikna khawpi, khawpi ginum’ tih hung hi kit ina.”

THILSIEMBUL 49:10

Leng mawlh chuh Juda apat chun mang puo’n tin, Vaihawmna mawlh chule a kengkal apat in mang diek puo’n a; Shiloh hung masangsieh chun; chun, namtin in amah thu awi un au.

JOHAN 21:21

Peter in amah chuh a muh phetin Isu kawmah, “Lalpa, zie pa hin bang a hih die?” a ti a.

MARK 9:12

Chun, amah chun a kawm u ah, “Elija chuh a hung masa ding him a hii, bangakai siempha ding ahi; thil tamtak thuok in, mi muhsit a um ding ahi tih, Mihiem Chapa chanchin bangti dana a na zikuh ahi?

MIKA 5:2

Himahleh, Aw nang Bethlehem Ephrathah, Juda gamsung a khawpi te laka neupen na hi a, himahlele, nang apat in Israel te vaihawm ding tungdawk ing ka, a phunggui malai pek apat a sût a um ngêi chuh.

HOSEA 3:4

Zie tawbang chun Israel chate chuh ni tamtak leng neilo leh vaihawmtu beiin um un tin, kithawihna ahim, suong phuh ahim, milim ahim dawikhuom phut lo in, thiempu puonâk Ephod leh Terafim le nei puo’n au.