NASEPTE 1:16 - PATHIEN LEKHABU THIENGTHO (BSI)

¹⁶ “Suohpihte haw, Thagau Thiengtho in, David manga Isu mante puipa Juda thu a genlawk kha, zie Pathien lehkha thu kha hungtung him ding ahi.

NASEPTE 1:16 ပူးပေါင်းရင်းမြစ်များ

SAM LEHKHABU THE PSALMS 41:9

Ahi, ka guol ka kivawppih theih, ka ginchak tak, ka chângthâk nekpa ngêi chun A khawtalzum ka chungah a lek tai.

JOHAN 13:18

“Na bawn u a chung thu gen kei puoi, ka telte chuh ka hêi. Himahlele, ‘Ka chângthâk nekpihpa’n a khawtalzum ka chungah a lek tai,’ tih Pathien lehkha Thu kha a hung guitun theihna ding a hi.

NASEPTE 1:20

Pahchakna Labu ah zie thu hi zik a hi: “A umna sukgam in um hen, A sung ah kuomah um kihe’n, tih leh A nasepna mun hi mi dangin luoh he’n,” tih hi.

MATTHAI 26:56

Himahlele, thiemgaute lehkha thu haw chuh a hung tun kim theihna dingin ziehaw chengcheng hi hung um ahi ta hi,” a ti a. Ziephet chun, sinsakte cheng chun amah chuh a taihsan u a, a tai mang tau a.

MATTHAI 26:54

Himahlele, ngên ta leng, bangti’n a, Pathien lehkha thu hiti banga hung um ding hi a tun theih ding?” a ti a.

MATTHAI 26:47

Chun, a gen lai tak in Juda, sawm le nih te laka khat chuh a hung tung ta a, mipi tamtak tawh, Thiempuliente leh Danthuzikte leh upahaw kawm apat mipi nasatak, chemzâm leh khetbuk chawiin a hung tung kit zel tau a.

1 PETER 1:11

Zie hun chuh bangtik a hi dem, tih leh bangti’n a a hungtun ding, ti’n hah takin a na sut sek uh ahi. Zie chuh, Krista Thagau amau a um chun, Krista thuokna ding haw leh, zie nunga lopina hung um ding haw kawka a genlawk lai u khah ahi.

MARK 14:43

Chun, Isu’n a gen lai takin, Juda sawm le nih te laka khat chuh a hungtung pai zieng a, amah tawh hung kitawn in, thiempu liente leh dân thuzikte leh upate apat in mipi tamtak, chemzâm leh khetbuk chawiin, a hungtung u a.

2 PETER 2:21

Diktatna lampi chuh het nunga, thupiek thiengtho, a kawmuh a vawp saka um nungngat sang chun, diktatna lampi chuh a na he kileu, amau dinga phazaw ding ahi ngâl a.

NASEPTE 23:6

Chun, Paul in abang Sadukaite, abang Pharisaite ahiu hi tih a muh phetin, vaihawmte lak achun a kiko dawk a, “Suohpihte haw, Pharisai ka hi, Pharisai chapa le ka hi; mithite thawhkitna a um hi tih kinepna ka neihna thu a suohsalh a um ka hi hi,” a ti a.

NASEPTE 23:1

Tichun, Paul chun vaihawmte chuh chang takin a en a, a kawm u ah, “Suohpihte haw, tuni tieng hin, Pathien mitmuh a phalam a ka het taphawt hih in ka um sek hi,” a ti a.

NASEPTE 22:1

“Suohpihte haw. Pate haw, tuhin na kawm u ah ka thiemna thu, nang haw hun hilh ding ka hi, ngaithau in,” a ti a.

NASEPTE 15:7

Chun, hah niel a a kiniel nung un, Peter a kipan a, a kawm u ah; “Suohpihte, Jentel te’n kei kama kipata Chanchin Pha thu a zak u a, a ginchak theihna dingun, Pathien in maa na lak u apat ei guot zie khah na heu hi.

NASEPTE 13:38

Khutichun, suohpihte haw, heu in, Isu vang chun gitloh ngaihdamna thu na kawm u a a gen ahi;

NASEPTE 13:15

Chun, Mosi Dan Lehkhabu leh Thiemgaute Lehkhabu a sim zawh un, kikhawpna In lawiupate’n a kawm u ah mi a sawl u a, “Suohpihte, mihaw tîlkhohna ding thu bang ahim na neih u chun gen un,” a tiu a.

NASEPTE 7:2

Chun, Stephan chun a dâwng a, “Suohpihte haw, upate haw, ngaitiem u! Ei suonpau Abraham, Haran khuo a a um maa, Mesopotamia gama a um lai khan, Lopina Pathien chuh a kawmah a hung kilak a,

NASEPTE 2:37

Chun, mipite chun zie thu haw chuh a zak phet un, a lunggil u chuh a kisun a hung bang ta a, Peter leh sawlchak dangte kawm achun, “Suohpihte, bang ka hih ta ding u leh?” a tiu a.

NASEPTE 2:23

Amah chuh Pathien lemguot leh hetlawk bangin, a matsak u a, nangun migilote khut in kross ah na khêndên u a, na sulum tau a.

JOHAN 19:36

Pathien Lehkha Thu a: “A guh khat chale sukbawt hi puo’n a,” tih tunna dingin zie thil haw chuh hung um ahi.

JOHAN 10:35

Pathien thu tunnate bawn, pathiente a tih u chun, Pathien lehkha thu’n a gen chu la a kitheng ngei puoh ngâl a.

LUKE 22:47

Chun, zie thu a gen lai tak chun, mipi a hung u a, sinsak sawm le nih te laka tel Juda a tih u chuh a hung makai a. Isu chuh châwp guo’n a va zuon a.

MARK 12:36

Thagau Thiengtho hatkhum in David ngêi chun: ‘Lalpa chun ka Lalpa kawmah, Na melmate na kêngpêk nuoia ka kawih masang sieh ka changlam ah chu’n,’ a ti ngâl a.

2 SAMUEL 23:2

Lalpa thagau chun keimah ei mang in a gen a, A thu chu ka lei ah a um a.

NASEPTE 28:25

Tichun, Paul in zie thu khat hi a gen zawhin, amau haw lak ngeia kituok lohna um in, a chieh dawk san tau hi: “Thagau Thiengtho in Thiemgau Isai kama, nanguh hun suonte kawma a gen khah a dik mah mah hi!

NASEPTE 28:17

Ni thum nung chun, Paul in, khuo a Judate lawiupa haw chuh a sam khawm a. A hung khawm phat u chun, a kawm u ah, “Suohpihte haw, I miteu ahim, ei uh ei suonteu apat dân I muh teu ahim, kalh lama bangmah ka hih loh san le, Jerusalem a suongkul a khum in ka um a, Rome te khuta pieka um ka hi.

NASEPTE 15:13

Chun, a gen zawh phet un Jakob in a gen a: “Suohpihte haw, ka thu ngaithau in!

MATTHAI 26:14

Zie nung chun sawm le nih te laka mi khat, Juda Iskariot a tih pau chuh, thiempu liente lak ah a chieh a,

JOHAN 17:12

A kawm u a ka um sungin, nangin kei nei piekte haw hi na min in ka hum sek; amau haw ka veng a, a lak u a khatchale a mangthai puou, mangthai chapa ngâllo chuh; Pathien Lehkha thu kha a hung guitunna dingin.

2 PETER 1:21

Hilhlawkna thu himhim hi, mihiemte deihna a pawt ahi puoh a, Pathien mi thiengtho te’n Thagau Thiengtho puihhuoi bang zela ahun gen sek uh ahi zawi.

2 LENGTE 15:12

Zie chuh Lalpa’n Jehu kawma, “Na chapate chu suon lina tiengin Israel te lalchutphah ah chu’n tin,” tih thu a gen khah a hung guitunna ahi.