NAHUM 3:3 - PATHIEN LEKHABU THIENGTHO (BSI)

³ Sakawl chungchuong mite thupiek leh, chemzâm te zawlzawl leh; tiengcha phe zawlzawl leh mi thiluong vum velvul te, mi thiluongte chuh simsen guol ahi puoh a; mithi luong achun a a kisuipai hiel u a.

NAHUM 3:3 ပူးပေါင်းရင်းမြစ်များ

HABAKKUK 3:11

Nisa leh thapi chuh a ding zing ui, amau umna mun ah, na thal chang leng dawk leh na tiengcha mûk val liu lieute vaka chun.

EZEKIEL 39:4

Nang leh na sepaih hawn chengcheng leh, na kithuohpihte chuh Israel tâng achun thiu un na tin, vacha sasiel nete leh gamsate nek dingin hun pie’ng ka ting,

ISAI 37:36

Tichun, Lalpa vânsâwlchâk chuh a va pawt a, Asuria te giehmun achun mi nuoikhat leh singgiet leh sangnga a that a, zingkal khuo a vak phet chun, ngaitie, mithi luong ngen cha a na um ta a.

ISAI 34:3

A lak uh a thaha umte chuh paih dawkin um untin, a luong uh chuh uih vengvung intin, tânghaw chuh thisan in luong ina.

NAHUM 2:4

A kangtalai te chuh khawpi sung ah a tai zung zung u a: khawpi ning tina chun a suk atung in a taiviel u a. Mei guolin a vak zawt zawt a, Kawlphe bangin a te zawl zawl u a.

2 LENGTE 19:35

Tichun, zie zan chun, Lalpa vânsâwlchâk chu Asuria te giehmun achun a va chieh a, sepaih nuoi khat leh singgiet leh sangnga a that a. A zing, zingkal mataka a va thawh u chun, ngaitie, mi thi luong ngen cha ahi mai ta a!

THILSIEMBUL 3:24

Khutichun, mihiem chuh Eden suohlam achun a nawhdawk ta a; chun, hinna thing lampi chuh veng dingin Eden huon suohlam pang achun Cherub te leh meiko chemzâm kipei tuoh zing chuh a kawih ta a.

THIEMPUDANTE 26:37

Chun, kuomah delh hi sâm lo in, chemzâma delh bang mai in kipalpai tuoh lemlum un na tin; na melmateu ana nang dingin hatna mawng mawng nei puo’n lau.

ISAI 66:16

Lalpa chun mei a vaihawm ding ahi a, hinna nei chengcheng chungah chemzâm in vaihawm ding ahi. Chun, Lalpa’n a thah chuh a tama tam ding ahi.