NAHUM 1:3 - PATHIEN LEKHABU THIENGTHO (BSI)

³ Lalpa chuh lungna vak zieng lo, himahleh, thilhih theihna nasa tak nei ahi; gitlohna chuh bangti zawng in le gawt loh in kawih puo’n a. A lampi chuh chinpei leh huihpite achun a um a; meipite khuh a kêngpêk a leivui ahi!

NAHUM 1:3 ပူးပေါင်းရင်းမြစ်များ

SAM LEHKHABU THE PSALMS 147:5

Ka Lalpa chuh a lopi a, thilhih theihna lama le nasa tak ah; A pilna chuh tâwp neilo ahi.

NEHEMIA 9:17

A zui nuom puou a, a chung u a na thilmak hih haw le a he nuom diek ta puou hi. A lunggil uh sukhauh in a kiphin u a; suok a a tânnau a vaikit dingin lawiupa a kisiem tau hi. Himahleh, nang chuh ngaidam dinga kisazo zing Pathien, mi lainat thei leh lungsiet na a dim, lungchuol tak leh nunnem na a dim, amau haw hengilh lo na hi.

SAM LEHKHABU THE PSALMS 145:8

Lalpa chuh mi lungsiet thei lainatna a dim; Lungnem, zahngaihna nasa tak nei ahi.

SAM LEHKHABU THE PSALMS 104:3

Amah chun a inkam chungnung kalkhang haw chu tui chung haw a khun a zam a; Meipi haw a kangtalai in na siem a; huih tha haw chung ah na vakviel a:

SAM LEHKHABU THE PSALMS 103:8

Lalpa chuh lainatna a dim, mi lungsiet thei tak, Lungnieng tak, zahngaihna hau tak ahi.

JAKOB 1:19

Suohpih deih takte, ziehi hezing un! A milip in thungaihthak chuh hen la, thugen chuh kiu hen la, lungna vak diek kiu hen.

ZEKARIA 9:14

Khutichun, Lalpa chuh a mite kawmah hung kilang intin, A thalchang chuh kawlphe bangin leng dawk intin, Bangakai chunga Lalpa Pathien chun a pengkun chuh hun mût in tin; simlam apat in chinpei in chieh ina.

ISAI 66:15

Ngaitie, a lungnatna chuh thangtawm taka sungtha ding leh a hilhgaihna meikuong a sungtha dingin Lalpa chuh mei a hung ding ahi ngâla, a kangtalai haw chuh chinpei bang mai hi’n au.

JOB LEHKHABU THE BOOK OF JOB 9:4

Amah chuh pil tak, thil hihthei tak ahi a, Hat kisa a amah do a zo thei kuo a?

KISIMNA 14:18

Lalpa chuh lungchuol tak lungsietna hau, gitlohnate, sukkhelhnate ngaidam sek, mihelte gawt loh a kawih lo; pate gitlohna ziek a chate leh tute suon thumna leh suon lina tienga le gawt sek ahi,’ ti a na gen bang khan.

THUPHUON 1:7

Ngaitiem u, amah chuh meipi haw chunga hung ding ahi ie! Mit tin chengin amah muu un tin uh, amah sunte mawng khan tawh; khawvel a nam chengcheng in le amah kahcham un au. A hi. Amen!

MATTHAI 26:64

Isu’n a kawmah, “Hi e, himahlele, ka hun hilh na hi, tunung leh, Mihiem Chapa hi Bangakai hihtheipa khut changlama chu a, van meipi chunga hung hun mu ding na hiu hi,” a ti a.

JONA 4:2

Lalpa kawmah a paucham a, “Aw Lalpa, ziehi ka gam u a ka um laia ka gen kha hilo ahim? Zieziek ahih Tarshis lama taimang zieng ka hi kha! Nang hi mi lungsiet thiem leh hehpih thiem Pathien, lungna vak lo; dettaka lungsietna nei zing Pathien, thil phalo apat kisik kit thei Pathien leh mi gawt zieng lo na hi tih ka he a.

DANIEL 7:13

Zan a kilâkna hung um achun, mi khat, mihing mel tawbang pu hi ka mu a. Meipi ûmkimvel in, kei lam hun zuonin ka mu a, himahleh amah chuh kumlekhuo a hing zing pa lam achun a chieh a, a kawmah a va um ta a.

ISAI 19:1

Aigupta gam puokgik chuh! Ngaitiem u, Lalpa chuh meipi hattak chunga chuong in, Aigupta gam a hungtung tai; Aigupta te milim pathien chuh a masang achun kithing lun lun untin, Aigupta mite lunggil chuh a sung u ah tuimang zo ina.

SAM LEHKHABU THE PSALMS 66:3

Pathien kawmah “Na thilhih haw chu a huoisie na maizen e! Na thilhih theihna nasat ziekin nangmah hun dote chun na kawmah nuoilut chuh un au.

SAM LEHKHABU THE PSALMS 62:11

Pathien in khatvei a gen a; E! zie hi nihvei ka he tai; Thilhih theihna hi Pathien a ahi tih hi:

JOB LEHKHABU THE BOOK OF JOB 38:1

Chun, Lalpa chun chinpei apat in Job chuh a dâwng a:

JOB LEHKHABU THE BOOK OF JOB 10:14

Ka na gitloh chun nangin nei melchik a, Ka manlohna apat chun thiem nei chansak kha puoi.

JOEL 2:13

Na puon uh hilo in, na lunggil uh bawtthêk un la.” Lalpa na Pathien lam u chuh ngau in. Amah chuh mi lungsiet thei tak leh, lainatna a dim, lungnem leh lungsietna hau; thil phalo hihte gawt ding hilo in, ngaidam dinga kisazo zing ahi ngâl a.

SAM LEHKHABU THE PSALMS 50:3

I Pathien u chu hung intin khaw ngai zing puo’n a: A masang achun katum sek mei a um a, A kimvel achun huihpi nasatak nung ina.

2 SAMUEL 22:10

Chun, amah chun vante le a luoi khun a, a chieh suk ta a. A keng nuoi haw achun meipi thim mepmup hi a um a.

ISAI 29:6

Van gite, inling te, thawm nasatak te, chinpei te, huihpi te, leh thil katum sek meikuong te mang in Sepaihte Lalpa’n hun gawt ding ahi.

JEREMIA 4:13

Ngaitie, meipi guol in hung to ding ahi, a kangtalaite chuh chinpei bang mai in; a sakawlte chuh mupi sangin a kin zawu hi. I chung uh a gik na e! Suksiet ding I hi ngâl u a.

HOSEA 8:7

Huih a chîng uh a, chinpei ât ding a hi ngâl uh a. Lo a buh ding laite chun vui suoh puo’n tin, nek ding sepdawk diek puo’n a. A gah sepdawk mahlele, gamdang mite’n ne zo tho un au.