MIKA 7:8 - PATHIEN LEKHABU THIENGTHO (BSI)

⁸ Aw ka melma, ei eu lau mai ki’n, puk mahleng le thokit ing ka; Thim laka chu mahleng le Lalpa’n vak ei pie kit ding ahi.

MIKA 7:8 ပူးပေါင်းရင်းမြစ်များ

JOHAN 8:12

Chun, Isu’n Pharisaite kawmah thu a gen kit a, “Kei khawvel salh vak chuh ka hii; kuole, ei zui chuh thim lak ah leng puo’n tin, hinna vak nei zaw’na,” a ti a.

ISAI 9:2

Thim nuoia chute chun vak lopitak a muu a. Thihna thim sah tak nuoia chêngte chunga chun vak lopitak a hung êng tai.

SAM LEHKHABU THE PSALMS 112:4

Mi diktat ding chun thim achun vak a hung pawt sek a: Lalpa chuh mi lungsiet thei tak, lainatna a dim leh diktat tak ahi.

SAM LEHKHABU THE PSALMS 27:1

Lalpa chuh ka vak leh ka hukdamna ahi; kuo ahi ka kihchak ding? Lalpa chuh ka hinna insang ahi; kuo ahi ka lauh ding?

OBADIA 1:12

Himahleh, na suohpihte a vangsiet lai un a sietna chuh nuihsan ki’n la; Juda chate a manthai niu chun a chung u ah kipâk ki’n la, a gimtheih niu in le kisathei takin pau ki’n.

2 KORINTH 4:6

Krista mel a Pathien lopina eng chuh ei hetsak dingin, “Thim apat eng vak dawk ina,” tipa Pathien chun ka lunggil uh ei salh vak sak ta ngâl a.

SAM LEHKHABU THE PSALMS 38:16

“Khutilochun ei eu untin, Ka keng a kithawlh tieng leh ka chungah kiletsak kha’n au,” ka tih ahi.

THUPHUON 22:5

Zie tak achun zan um ta puo’n tin, thaumei vak leh nisa ngai ta puo’n tin uh; Lalpa Pathien chun amau salhvak ding ahi ngâla; tichun, kumkhuotuong in vaihawm ta’n au.

SAM LEHKHABU THE PSALMS 84:11

Lalpa Pathien chuh nisa leh phaw ahi ngâla: Amah chun deihsakna leh zahna pien tin: Diktaka umte kawm a chun thilpha mawng mawng it hiel puo’n a.

JOB LEHKHABU THE BOOK OF JOB 31:29

Ei mudahte chunga sietna a tun a kipâk ka na hih a, Thil phalo in a buokkhum laia kikawihsang ka hih chun;

SAM LEHKHABU THE PSALMS 97:11

Mi diktat ding chun khuo a vak zinga, Lunggil diktak pute ding chun kipahna ahi zing hi.

EZEKIEL 35:15

Israel te gochan a hawm zieka na kipah guol takin na chungah hih ding ka hi: Aw Seir tâng leh Edom chengcheng chuh a pum in hawm vek in tin, Khutichun Lalpa chuh ka hi tih he ta’n au,” ti’n.

SAM LEHKHABU THE PSALMS 35:19

Ka melma hawu chun diklo takin ei eu kiu hen: Aziek beia ei mudah te chuh a mit un kiho zuol zuol kiu hen.

JOHAN 16:20

Tihtakzet, tihtakzet a ka hun hilh na hiu hi, nang haw hi kap in lungkham un na tin un, himahleh, khawvel hi kipâk ding ahi; lungkham un na tin uh, himahleh, na lungkhamnau chuh lawpna hung suok ding ahi.

MALAKI 4:2

Himahleh, nang haw ka thupiek zawpte ding chun, Dikna ni hung suok in tin, a thate a sukdamna tawh. Tichun, chieh dawk in na tin un, bâwngno a a kul a kithahdawk bang in khanglien un lau.

MIKA 7:10

Zie phat chuleh, ka melma, ka kawma, “Lalpa na Pathien chuh khawitaka um a?” ti a ei dawng te khan zie chuh muu in tin, zakcha ta’n au. Ka mitte chun amahnu chuh en intin, tuhin chuh khawlai buonthuok guola tawhden hita’n a.

EZEKIEL 25:6

“Lalpa Pathien chun hiti hin a tii: Israel gam chunga na khut na beta, na kichawp a, na lungthim chengcheng a sietna chunga na kipah ziekin,

NASEPTE 26:18

A mit uh hihvak ding leh, thimna apat a vak lama kiheisak kit ding leh, Setan thilhih theihna apat a Pathien lama kihei kit a, kei ei taksan ziek u a, a gitlohnau ngaihdama um a, Pathien mite laka go chan a neihna dingun,’ a ti a.

AMOS 9:11

Lalpa, zie thil hihpa hin hiti hin a tii, “Zie ni chuleh, David lalgam chimsa chuh tungding ka ting, a sietna te chuh thuop pha’ng ka ting; a siete chuh lemto ka ting, malaia a um bang mah khan sapha kit ing ka.

MATTHAI 4:16

Thim nuoia chute chun vak lopitak a muu a; Thihna mun leh a lîma chute chunga chun vak a hung pawt tai!” ti a a gen kha a hung tun theihna dingin ahi.

JEREMIA 50:11

“Kipak in lawp mah mah leu chin le, aw ka gochan buluhte haw, hamdawng laka bâwngla ta heuh heuh bang leh, bâwngchal guolin hâm mahleu chin le,

ISAI 49:9

Suongkultângte kawm achun, ‘Hung pawtdawk un!’ na tih a, thim laka umte kawm chun, ‘Vak ah hung dawk un’ na tih theih na dingin. Amau chun lampi vel chun nek ding kimuh un tin; tânggaw châk haw achun a kivakna dinguh hamhing um ina.

ISAI 2:5

Aw Jakob suonte haw, hung un la, Lalpa vak achun leng hitiu.

SAM LEHKHABU THE PSALMS 37:24

Puk mahleu le, puk tha tâwp puo’n a. Lalpa’n a khut in a tu zing ngâla.

SAM LEHKHABU THE PSALMS 37:21

Mi nunsie chun a palâk a, a din kit sek puoi: Himahleh, mi diktat chuh a tângphal a, a pie zing sek hi.

THUPHUON 21:23

Zie khawpi chun, a salhvak dingin nisa a ngai puoh a, tha le a ngai diek puoi; Pathien lopina chun a salhvak a, a thaumei uh chuh Belamno ahi ngâl a.

ISAI 50:10

Na lak uh a kuo a Lalpa kihcha a, a suok thugen zawp a, thim laka chieh a, khutisa a chule Lalpa min gingcha a, a Pathien chunga kinga chuh?

2 KORINTH 4:9

sukgimtheih in ka um u a, hilele, taihsan in ka um puou hi; khetpaih in ka um u a, hilele, sukmangthai in ka um puou hi.

SAM LEHKHABU THE PSALMS 20:8

A mau chuh chau in puk untin, Himahleh, eihaw vang chuh I tho dawk u a, I ding chang zawu hi.

JEREMIA 8:4

Zielo chule, a kawm u ah hiti a hi na gen ding ahi, Lalpa’n hiti hin a tii: “Mi a kipuk leh thokit lo ding ahim? A gamman u leh hung vaikit lo ding ahiu em?”

JEREMIA 48:27

Israel chuh nanga dingin nuihzatbuk hitalo ahim? amah chuh guchate laka tel hilo ahim? A chungchang na gen cheng leh na luchang na pei khum hilo ahim?

EZEKIEL 36:5

“Zieziekchun, Lalpa Pathien chun hiti hin a tii: Namte laka a dang haw leh Edom chengcheng, neih dinga ka gam, lunggil kipâk tak leh muhsitna lungthim pu-a gam chuh suksiet ding ti a, amau leh amau kipiete chung achun lungna mah mah in thu ka gen him ahi.

MIKA 4:10

Aw Zion chanu, numei nauhanat guolin mau un la, kitel viel un! Tuhin khawpi chuh pawtsan a, gamtalai-laka cheng ding na hi ta ngâl u a! Babulon lam ah chieh un na tin uh, himahleh, na melmateu khut apat in Lalpa’n hun hukdawk ina.

ZEKARIA 12:8

Zie ni chuleh Lalpa chun, Jerusalem luohte chuh humbit intin; zie ni chuleh, a lak u a hatlo pên chule, David tawbang a hât hung hi’n tin, Tichun, David insung chuh Pathien tawbang hung hiu un tin, amau haw masang achun Lalpa vânsâwlchâk tawbang in ma pui un au.

SAM LEHKHABU THE PSALMS 143:3

Melmate chun ei delh u a: Ka hinna hi lei ah a khên nêl u a: Malai a thisa guolin, thim lak ah ei chut sak u a.