MIKA 7:6 - PATHIEN LEKHABU THIENGTHO (BSI)

⁶ Chapa’n a pa a suminsie a, chanu chun a nu thu a nielkalh a, mo in a talpi a kinakpih a; mihing melma chuh a in sung mi ngêi ahiu hi!

MIKA 7:6 ပူးပေါင်းရင်းမြစ်များ

LUKE 12:53

Pa chun a chate do intin, chapate’n le a pateu do un au; nu’n a chanu do intin, chanu’n a nu do ina, talpi’n a mo do intin, mo in a talpi do ina,” a ti a.

MATTHAI 10:21

“Mi’n a suohpihpa thah dingin matsak intin, pa’n le a cha matsak in tin; chate’n le a nu leh a pa do un tin, thah le thah sak un au.

SAM LEHKHABU THE PSALMS 41:9

Ahi, ka guol ka kivawppih theih, ka ginchak tak, ka chângthâk nekpa ngêi chun A khawtalzum ka chungah a lek tai.

EZEKIEL 22:7

Na sunga chun nu leh pate a musit u a, na sunga chun malzin a zawhthawh bawl u a, na sunga chun nauchagahte leh meithaite chuh a bawlsieu hi.

JOHAN 13:18

“Na bawn u a chung thu gen kei puoi, ka telte chuh ka hêi. Himahlele, ‘Ka chângthâk nekpihpa’n a khawtalzum ka chungah a lek tai,’ tih Pathien lehkha Thu kha a hung guitun theihna ding a hi.

THUCHINGTE 30:11

A pate hansie buokkhum a, nute vangsakna pie lo mi a um hi.

LUKE 21:16

Chuleh, na nu leh na pateu, na suohpih teu, na In sak na inthangteu, leh na guol teu inle hun matsak un tin uh; abang hun that un au.

MATTHAI 26:23

Amah chun, “Kuong ei sawkpihpa ngêi chun ei matsak ina.

OBADIA 1:7

Nang lama pang te chengin gamgi tieng hiel a hun nawh u a, kituok taka na umpihte khan a hun thêm tau a; a hun zo tau ui. Na chângthâk nete khan na nuoi ah thang a kam u a: ‘Amah hin hetthiemna banga a neih chuom diek?’ ti’n a hun gen tau hi.

JEREMIA 20:10

Mi tamtak te’n, ning tin ah lauh-um a um a. Kihetloh sak un la, pang khawm hitiu, ti a a phunguk sausau uh ka za a. Ka melhet ka puk chânggu zing sek te chun, thep in um intin, zo ding I hiu, a chungah phuba lai tiu, a tiu a.

JEREMIA 12:6

Na suohpih, na pa inkawte ngêi chun, amau ngêi chun a hun thêm ta ngâl u a; amau chun a hun delhzui u a, ngeih tak in a hun sam u a. Thupha tak tak na kawmah gen mahleu le gingcha hiel kiu in.

THUCHINGTE 30:17

A pa musitte leh a nu thu zuih ding ngainepte chuh, phaigam va-âk in a mit kheuhdawk sak intin; mulukawlh in ne zo in a.

2 SAMUEL 16:11

David chun Abishai leh a suokte chengcheng kawm achun, “Ngaitiem u, ka chapa, ka gil a gah ngêi chun ei thah guo ahi a; zie Benjamin mi hin a guo nasa zaw sem na ding e, bangmah lawh kiu inla, samsie mai hen; Lalpa’n samsie dinga a tih ahi ngâla.

THILSIEMBUL 49:4

Himahleh, tui banga detlo na hi a; chungnun pên na chuh chang puo’n la; Na pa zalkhunpi na kaih ziekin; zielai chun zie chuh na hih buok a.

ISAI 9:19

Sepaihte Lalpa chuh a lungnat ziekin gam chuh a kâng sie a, mihaw chule meia tih ding thing tawbang ahiu a; kuoma’n amah suohpihte a hâwi puou hi.

JEREMIA 9:4

Mitin chuh amah inveng kawmah chingthei chiet henla, na chanau teu chungah ginna nga kiu in; chanau thephat ahi ngâl u a. In vengte gensie dingin a vakviel sek ui.

ISAI 3:5

Khutichun, mite chuh kisugimthei tuoh un tin, mitin a guolte leh a invengteu tawh kisugimthei tuoh un au; khanglaite chuh upate chungah zahlo takin um un tin, mi manloh te’n le mi zahumte chuh zah diek puo’n au.