MIKA 7:4 - PATHIEN LEKHABU THIENGTHO (BSI)

⁴ Tichun, a lak u a mi phapen chuh hampa tawbang ahi a, mi dik pên chuh hamlingnei tawbang ahiu. Pathien in thiemgaute manga a genlawk masak guol khan, a mite a gawtna ding ni chuh a hungtung tai! Tuhin, a buoi na niu chuh a hungtung tai.

MIKA 7:4 ပူးပေါင်းရင်းမြစ်များ

ISAI 22:5

Kilâkna guom achun, Lalpa sepaihte Lalpa apat chun, buoina leh tawhden a umna ni leh, lungkhamna ni ahi ngâl a, kulhpi bang hihsietna leh, tâng te kawma panpih ngetna ni tunsak ding ahi.

EZEKIEL 2:6

Chun, nang mihing chapa, amau chuh lau ki’n la, a thuu le lau diek ki’n, na kimvel achun hamlingnei leh ling um in, aikawm laka cheng himahleh chin le: helchîng mi himahleu le a thuu chu lau ki’n la, a kilat dân u ah lungthuoi diek ki’n.

ISAI 10:3

Gawtna ni achun bang na hih in gamla tak apat a huihpi a hung nun tieng kuo bel ding na hi? Panpihna mu dingin khawilam ah na tai ta die? Na hauhsaknate chuh khawitak ah na selgu ta die?

HEBRAI 6:8

Himahlele, hamlingnei leh buolhaw a hung keh chun chuh, hansie buokkhum a hung hi sek a, a tâwp achun hâltum ahi sek hi.

LUKE 21:25

“Chun, Nisa ale, tha ale, aksi te akhun, melchikna hung intin; Tuisuohgiet kinawk thawm ziek chun, lei chunga gam chengte chuh beidawng a lau leh kilîng in um un au.

NAHUM 1:10

Zukhamte guola kham in um mahleu, lingbawk kisepkhawm guolin amau chuh meia hâltum in a um u a; buhpawl gaw guolin hâltum ahiu hi.

AMOS 8:2

Lalpa chun ka kawmah, “Amos, banga na muh?” ei ti a. Chun, kei chun, “Nipi theigah bawm,” ka ti a. Chun, Lalpa chun ka kawmah, “Ka mi Israel te chungah tawpna a hungtung tai, amau haw chiehpel kit ta puo’ng ka!” a ti a.

JEREMIA 10:15

Bangmah lo mai ahiu a, kithep na maimai ahiu hi. Gawt a hih tieng u leh mangthai vek un au.

JEREMIA 8:12

Thil kihdak-um a bawl u hi a zakchau hi? Zakchalo, a zakcha hiel puou, a mai u le a muol chuom puoi. Zieziekchun, a pukte chu tawh pukkhawm untin amau haw ka vehthak ni leh paih thak hi’n au, tih hi Lalpa kamsuok ahi.

ISAI 55:13

Hamlingnei thasang in châk thingte kek zaw’n tin; Lingbawk thasang in vaisuoklu thingte kek zaw ta’n a. Zie chuh Lalpa hetzingna, kumlekhuo a dinga melchikna satthak tâk loh ding hi’n a,” ti’n

JEREMIA 11:23

A suokcha um hiel puo’n au, Anathoth mite chung achun thil phalo tunsak ding ka hi ngâl a, a gawtna dinguh kum ngêi u chuh.

JEREMIA 46:21

A lak u a sepaih nasem haw chule bâwngchal thau tak tawbang ahiu a, amau haw chuh a nung taih ding sa’n a um u a, a ding den puou a; a ziek chuh, a chung u a siet na ni a hung tun tâk ziekin, gawtna a tuok na ding niu chuh.

EZEKIEL 28:24

Khutichun, Israel inkuon dingin a sun ding hamlingnei um ta puo’n tin, a kimvel u a amau musitte lak ah a suna ding ling um ta puo’n tin; khutichun, Lalpa Pathien chuh ka hi tih he’n au.